കാര്യമറിയാതെ കളിയാക്കിയാൽ ഇങ്ങനിരിക്കും !!! ശോഭാ ഡേ പിടിച്ച പുലിവാൽ...!! പാവം പൊലീസ്
പൊലീസുകാരന്റെ അമിതവണ്ണത്തെ കളിയാക്കിയ പ്രശസ്ത കോളമിസ്റ്റ് ശോഭ ഡേ വിവാദത്തില്.
ഭോപ്പാല്: പൊലീസുകാരന്റെ അമിതവണ്ണത്തെ കളിയാക്കിയ പ്രശസ്ത കോളമിസ്റ്റ് ശോഭ ഡേ വിവാദത്തില്. മഹാരാഷ്ട്ര പൊലീസ് അംഗമെന്ന പേരില് മധ്യപ്രദേശ് പൊലീസിലെ ഒരു ഉദ്യോഗസ്ഥന്റെ ഫോട്ടോ ആണ് ശോഭാ ഡേ ട്വീറ്റ് ചെയ്തത്
അമിതവണ്ണത്തെ കളിയാക്കിയ ശോഭയുടെ കമന്റിനെതിരെ നിയമനടപടിക്ക് ഒരുങ്ങുകയാണ് പൊലീസുകാരനായ ദോലാത്രോ ജോഗാവത്.
മഹാരാഷ്ട്രയില് നടക്കുന്ന ബിഎംസി തെരഞ്ഞെടുപ്പിന്റെ സുരക്ഷ ചുമതലയുമായി ബന്ധപ്പെട്ടാണ് മധ്യപ്രദേശ് പൊലീസ് അംഗമായ ജോഗാവതിന്റെ ഫോട്ടോ ആണ് ശോഭ പോസ്റ്റ് ചെയ്തത്. അതും ഒരു അടിക്കുറിപ്പോടെ...
|
'മുംബൈ കനത്ത ബന്ദൗസില്' എന്ന അടിക്കുറിപ്പോടെയാണ് ശോഭ ഫോട്ടോ പോസ്റ്റ് ചെയ്തത്. പൊലീസുകാരന്റെ അമിത വണ്ണത്തെ കളിയാക്കിയതിന് ശോഭയ്ക്ക് ട്വിറ്ററില് കമന്റ് അഭിഷേകമാണ്.
പോസ്റ്റ് കണ്ടതോടെ മുംബൈ പൊലീസ് വ്യക്തമാക്കി, ഇത് മഹാരാഷ്ട്രയിലെ പൊലീസ് ഉദ്യോഗസ്ഥന് അല്ലെന്ന്. കൂടാതെ ശോഭയ്ക്ക് ഒരു ഉപദേശവും. നിങ്ങളെ പോലുള്ളവര്ക്ക് ഇത്തരം ട്വീറ്റുകള് ചെയ്യുമ്പോള് സൂക്ഷിക്കണം എന്ന ഉപദേശവും
കാര്യം അറിയാതെ ശോഭ നടത്തിയ പ്രതികരണം അത്യന്തം വേദനിപ്പിച്ചെന്ന് ജോഗാവത് പറയുന്നു. ഇതിനെതിരെ മാനനഷ്ടത്തിന് കേസ് കൊടുക്കുമെന്നും ഇയാള് വ്യക്തമാക്കി
ഇപ്പോള് 55 വയസ്സുണ്ട് ജോഗാവതിന്. 1993ല് അസുഖത്തെ തുടര്ന്ന് ഇയാളുടെ പിത്താശയം നീക്കം ചെയ്തിരുന്നു. ഇതിന് ശേഷമാണ് വണ്ണവയ്ക്കാന് തുടങ്ങിയതെന്ന് ജോഗാവത് പറയുന്നു.
കളിയാക്കുന്നതിന് മുമ്പ് കാര്യങ്ങള് അന്വേഷിയ്ക്കണമെന്നാണ് ശോഭയോട് ജോഗാവത് പറയുന്നത്. തടി കുറയ്ക്കാന് തയ്യാറാണ് ചികിത്സയ്ക്കുള്ള പണം ശോഭ തരുമോ എന്നും ഈ പൊലീസുകാരന്റെ ചോദ്യം.