Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഇന്ത്യയിലെ ചൈനീസ് പൗരന്മാര്‍ സൂക്ഷിക്കണമെന്ന് ചൈന; യുദ്ധ സന്നാഹമോ?
ദില്ലി: സിക്കിം അതിര്‍ത്തിയില്‍ ഇന്ത്യ ചൈന സംഘര്‍ഷം രൂക്ഷമാകവെ ഇന്ത്യയിലുള്ള ചൈനീസ് പൗരന്മാര്‍ സുരക്ഷ ഉറപ്പാക്കണമെന്ന് ചൈനീസ് സര്‍ക്കാര്‍ നിര്‍ദ്ദേശം നല്‍കി. ഇന്ത്യയില്‍ താമസിക്കുന്നവര്‍ക്കും ഇന്ത്യയില്‍ സന്ദര്‍ശനം നടത്താനിരിക്കുന്നവര്‍ക്കുമാണ് സര്‍ക്കാര്‍ മുന്നറിയിപ്പ് നല്‍കിയിരിക്കുന്നത്.
അനാവശ്യ യാത്ര ഒഴിവാക്കണം. ഇന്ത്യയിലുള്ളവര്‍ പ്രാദേശികമായ സുരക്ഷാ പ്രശ്‌നങ്ങള്‍ മനസിലാക്കണമെന്നും ചൈനീസ് എംബസി നിര്‍ദ്ദേശിക്കുന്നുണ്ട്. ഏതെങ്കിലും തരത്തില്‍ ആക്രമണമുണ്ടായേക്കുമെന്ന രഹസ്യ റിപ്പോര്‍ട്ടിനെ തുടര്‍ന്നാണ് എംബിസി ചൈനീസ് പൗരന്മാര്‍ക്ക് നിര്‍ദ്ദേശം നല്‍കിയിരിക്കുന്നതെന്നാണ് സൂചന.
ചൈനീസ് സര്‍ക്കാര്‍ പൗരന്മാരുടെ സുരക്ഷയ്ക്ക് മുന്തിയ പരിഗണനയാണ് നല്‍കുന്നത്. ഏതെങ്കിലും തരത്തില്‍ കൂടുതല്‍ വിവരം ആവശ്യമാണെങ്കില്‍ പൗരന്മാര്‍ക്ക് നിര്‍ദ്ദേശം നല്‍കും. പാക്കിസ്ഥാനിലെ ബലൂചിസ്ഥാന്‍ പ്രവിശ്യയില്‍ ചൈനീസ് പൗരന്മാര്‍ക്കെതിരെ ആക്രമണം നടത്തിയത് ചൂണ്ടിക്കാട്ടിയാണ് ഇന്ത്യയിലെ സുരക്ഷയും ചര്‍ച്ചയാക്കുന്നത്.
സിക്കിമില്‍ ഇന്ത്യ ചൈന സംഘര്‍ഷം യുദ്ധത്തില്‍ കലാശിച്ചേക്കുമെന്ന് ചൈനീസ് മാധ്യമങ്ങള്‍ റിപ്പോര്‍ട്ട് ചെയ്തിരുന്നു. അതിര്‍ത്തിയില്‍ ഇന്ത്യ അതിരുകടന്നെന്നും പിന്‍വാങ്ങിയില്ലെങ്കില്‍ സൈനിക നടപടിയുണ്ടാകുമെന്നാണ് ചൈനീസ് സര്‍ക്കാര്‍ വ്യക്തമാക്കിയത്. ഇതുസംബന്ധിച്ച് ചര്‍ച്ചയ്ക്ക് തയ്യാറല്ലെന്നും ചൈന പറഞ്ഞിരുന്നു.
