കറുത്ത മുഖവും വെളുത്ത ഉടലുമായി കുട്ടി ജനിച്ചു,കാളിയുടെ അവതാരമാണെന്ന് ഗ്രാമവാസികള്
കാണ്പൂര്: വീണ്ടും ദൈവത്തിന്റെ അവതാരവുമായി കുട്ടി പിറന്നു. കറുത്ത മുഖവും വെളുത്ത ഉടലുമായിട്ടാണ് കുട്ടി ജനിച്ചത്. ഉത്തര്പ്രദേശിലെ കാണ്പൂരിലാണ് ഈ അപൂര്വ്വ പെണ്കുട്ടി പിറന്നു വീണത്. എന്നാല് ജനിച്ച് മണിക്കൂറുകള്ക്കകം കുട്ടി മരിക്കുകയും ചെയ്തു.
പെണ്കുട്ടി കാളിയമ്മയുടെ അവതാരമാണെന്നാണ് ഗ്രാമവാസികള് പറയുന്നത്. ജനിച്ച് വീണ കുഞ്ഞിനെ കണ്ട് ഡോക്ടര്മാരും കുഞ്ഞിന്റെ അമ്മയും ശരിക്കും ഞെട്ടി. ബലരാംപൂരിലെ ആശുപത്രിയിലാണ് കുഞ്ഞ് ജനിച്ചത്. കാണേണ്ട കാഴ്ച തന്നെയായിരുന്ന അത്.
ആയിരങ്ങളാണ് കുട്ടിയുടെ മൃതദേഹം കാണാന് ബലരാംപൂരിലെ ഗ്രാമത്തില് എത്തിച്ചേരുന്നത്. കുട്ടിയുടെ മൃതദേഹത്തെ അത്ഭുതത്തോടെ നോക്കുകയും പ്രാര്ത്ഥിക്കുകയും ചെയ്തു. ചിലര് മൃതദേഹത്തില് പണം വിതറുകയും ചെയ്തു.
കുട്ടിയുടെ മൃതദേഹം ഗ്രാമത്തില് സംസ്ക്കരിക്കാന് അനുവദിക്കില്ലെന്നു പറഞ്ഞ് ചിലര് രംഗത്തെത്തിയിരുന്നു. അതേസമയം, തങ്ങളുടെ കുഞ്ഞിനെ സ്വന്തം നാട്ടില് മറവ് ചെയ്യാന് അനുവദിക്കണമെന്ന് ആവശ്യപ്പെട്ട് മാതാപിതാക്കള് രംഗത്തെത്തി.