Click it and Unblock the Notifications
Just In
Don't Miss
-
'വര്ഷങ്ങള്ക്ക് ശേഷം മഞ്ഞുമ്മലിനേക്കാള് നല്ല സിനിമ', വിശാഖ് ചോദിച്ചത് 15 കോടി; തമിഴ് നിര്മാതാവ് -
IPL 2024: അഭിഷേക് 218, കോലി 145! ലോകകപ്പ് ടീമില് ഇവരില് ആരെ വേണം? -
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വാട്‌സ് ആപ്പിലൂടെ പോലീസ് എസ്‌ഐ രാജിക്കത്ത് നല്‍കി
കാണ്‍പുര്‍: എന്തിനും ഏതിനും സോഷ്യല്‍ സൈറ്റുകളെയും വാട്‌സ് ആപ് പോലുള്ള ആപ്പുകളെയും ആശ്രയിക്കുന്ന കാലത്ത് വാട്‌സ് ആപ്പ് വഴി രാജിക്കത്ത് നല്‍കി ഒരു എസ് ഐ വ്യത്യസ്തനായിരിക്കുകയാണ്. കാണ്‍പുരിലെ റാസുലാബാദ് പോലീസ് സ്റ്റേഷനിലെ എസ്‌ഐ വിനോദ്കുമാറാണ് വാട്‌സ് ആപ് വഴി രാജിക്കത്ത് സമര്‍പ്പിച്ചത്.
മേലുദ്യോഗസ്ഥന്റെ പീഡനവും അവഹേളനവും മൂലമാണ് താന്‍ രാജിവെക്കുന്നതെന്ന് അദ്ദേഹത്തിന്റെ രാജിക്കത്തില്‍ പറയുന്നു. ജനങ്ങള്‍ക്ക് പരാതി പറയാനായി തയ്യാറാക്കിയ പോലീസിന്റെ ഹെല്‍പ്പ് ലൈന്‍ നമ്പരിലേക്കാണ് വിനോദ് കുമാാര്‍ രാജിക്കത്തയച്ചത്. രാജിക്കത്ത് ലഭിച്ചതായി കാണ്‍പുര്‍ മേഖലാ ഐജിയുടെ പിആര്‍ഒ സ്ഥിതീകരിച്ചു.
സംഭവം വാര്‍ത്തയായതോടെ ഇക്കാര്യം അന്വേഷിച്ച് 24 മണിക്കൂറിനകം റിപ്പോര്‍ട്ട് സമര്‍പ്പിക്കാന്‍ ജില്ലാ പോലീസ് സൂപ്രണ്ടിനു നിര്‍ദേശം നല്‍കിയതായി ഐജി അഷുതോഷ് പാണ്ഡെയും അറിയിച്ചു. ഉദ്യോഗസ്ഥന്റെ രാജി സ്വീകരിക്കണമോ എന്നകാര്യം പിന്നീട് തീരുമാനിക്കുമെന്നാണ് റിപ്പോര്‍ട്ട്. എസ്‌ഐയുടെ ആരോപണത്തിന് വിധേയരായ മേലുദ്യോഗസ്ഥര്‍ക്കെതിരെ നടപടിയുണ്ടായേക്കുമെന്നും സൂചനയുണ്ട്.
ഏപ്രില്‍ മാസത്തിലാണ് 176 എന്ന പുതിയ ഹെല്‍പ് ലൈന്‍ നമ്പര്‍ ഒമ്പതു ജില്ലകളിലേക്കായി പുറത്തുവിട്ടത്. പൊതുജനങ്ങള്‍ക്ക് പരാതി നല്‍കാനായി വാട്‌സ് ആപ് അക്കൗണ്ടും തുടങ്ങി. വോയിസ്, വീഡിയോ, ടെക്‌സറ്റ് മെസേജുകളായി പരാതി സമര്‍പ്പിക്കാം. ഈ സംവിധാനത്തിലൂടെയാണ് എസ്‌ഐ രാജിക്കത്ത് നല്‍കിയത്. ഇതാദ്യമായാണ് രാജ്യത്ത് വാട്‌സ് ആപ്പിലൂടെ ഒരു പോലീസ് ഉദ്യോഗസ്ഥന്‍ രാജിവെക്കുന്നത്.
