സുനന്ദ പുഷ്‌കറിന്റെ മരണം: ശശി തരൂരിനെ നീണ്ട മണിക്കൂര്‍ ചോദ്യം ചെയ്യല്‍: തെളിവുകള്‍ പുറത്ത്?

ദില്ലി: സുനന്ദ പുഷ്‌കറിന്റെ മരണവുമായി ബന്ധപ്പെട്ട് മുന്‍ മന്ത്രിയും കോണ്‍ഗസ് നേതാവുമായ ശശി തരൂരിനെ അഞ്ചു മണിക്കൂര്‍ ചോദ്യം ചെയ്തു. ശനിയാഴ്ച വൈകിട്ടയാരുന്നു ദില്ലി സ്‌പെഷല്‍ പോലീസ് ശശി തരൂരിനെ ചോദ്യം ചെയ്തത്. സുനന്ദ് പുഷ്‌കറിന്റെ മരണം ആത്മഹത്യയാണോയെന്നും ഇതിന് വേണ്ടി ആരെങ്കിലും പ്രേരിപ്പിച്ചിട്ടുണ്ടോ എന്നും അറിയാനായിരുന്നു നീണ്ട മണിക്കൂര്‍ ചോദ്യം ചെയ്യല്‍.

അമിതമായി അല്‍പ്രാക്‌സ് കഴിച്ചതിനെ തുടര്ന്നാണ് സുനന്ദയുടെ മരണ കാരണമെന്നാണ് കരുതപ്പെടുന്നത്. എന്നാല്‍ സുനന്ദ ആത്മഹത്യ ചെയ്യാന്‍ ഉപയോഗിച്ചെന്നു കരുതപ്പെടുന്ന അല്‍പ്രോക്‌സ് ഗുളിക എവിടെ നിന്നാണ് ലഭിച്ചതെന്നും പോലീസ് ചോദ്യം ചെയ്യലിനിടെ ചോദിച്ചതായി സൂചനയുണ്ട്.

ഇതോടപ്പം മരണത്തിന് തൊട്ടു മുന്‍പത്തെ ദിവസം ഇരുവരും വഴക്കുണ്ടായതിനെ കുറിച്ചും സുനന്ദയുടെ ശരീരത്തിലുണ്ടായ മുറിവിനെ കുറിച്ചും പോലീസ് ചോദ്യം ചെയ്തു. നേരത്തെ സുനന്ദ് പുഷ്‌കറിന്റെ മരണത്തില്‍ അസ്വഭാവികതയുണ്ടെന്ന് ദില്ലി പോലീസ് കമ്മീഷണ്‍ ബി എസ് ബസി പറഞ്ഞിരുന്നു.

സുനന്ദയുടെ മരണം പൊളോണിയം അകത്തു ചെന്നല്ലെന്ന് എഫ്ബി ഐ റിപ്പോര്‍ട്ടില്‍ പറഞ്ഞതിന്റെ അടിസ്ഥാനത്തില്‍ സയന്‍സ് മെഡിക്കല്‍ ബോര്‍ഡ് ദില്ലി പോലീസിന് റിപ്പോര്‍ട്ട് നല്‍കിയിരുന്നു. ഇതേ തുടര്‍ന്നാണ് തരൂരിനെ വീണ്ടും ചോദ്യം ചെയ്തത്.

English summary

Sunanda Pushkar case again questioned Sasi Tharoor