പോലീസിനെ ആക്രമിച്ച് തോക്കുമായി കടന്നു കളഞ്ഞു: കശ്മീരില് ഭീകരാക്രമണ മുന്നറിയിപ്പ്!!
ശ്രീനഗര്: പോലീസ് ഉദ്യോഗസ്ഥരെ ആക്രമിച്ച് ഭീകരന് തോക്കുമായി കടന്നുകളഞ്ഞു. പോലീസില് നിന്ന് തോക്ക് മോഷ്ടിച്ച് കടക്കാന് ശ്രമിച്ച ഒരാളെ പോലീസ് കസ്റ്റഡിയിലെടുത്തിട്ടുണ്ട്. ആക്രമണത്തില് പരിക്കേറ്റ പോലീസ് ഉദ്യോഗസ്ഥനെ ആശുപത്രിയില് പ്രവേശിപ്പിച്ചിട്ടുണ്ട്. ഞായറാഴ്ച പുലര്ച്ചെയായിരുന്നു സംഭവം.
എകെ 47 തോക്കുമായി കടന്നയാള്ക്ക് വേണ്ടി പോലീസ് തിരച്ചില് ആരംഭിച്ചിട്ടുണ്ട്. സംഭവത്തെക്കുറിച്ച് അറിയുന്നതിന് വേണ്ടി പോലീസ് കസ്റ്റിഡിയിലെടുത്തയാളെ ചോദ്യം ചെയ്തുവരികയാണ്. ജമ്മു കശ്മീരില് ഭീകരാക്രമണം നടത്തുന്നതിന് വേണ്ടി സുരക്ഷാ സേനയില് നിന്ന് ആയുധങ്ങള് മോഷ്ടിക്കുന്ന രീതി പിന്തുടയരുന്നത് ഹിസ്ബുള് മുജാഹിദ്ദീനാണ്. നേരത്തെ 2016ല് പോലീസ് സ്റ്റേഷന് ആക്രമിച്ച് ഭീകരര് ആയുധങ്ങള് കവര്ന്നിരുന്നു.
സുരക്ഷാ സേനയെ ആക്രമിച്ച് ഭീകരാക്രമണത്തിനാവശ്യമായ ആയുധങ്ങള് സംഘടിപ്പിക്കാനാണ് ഹിസ്ബുള് മുജാഹിദ്ദീന് ഭീകരര്ക്കും സംഘടനയിലേയ്ക്ക് റിക്രൂട്ട് ചെയ്യുന്ന യുവാക്കള്ക്കും നല്കുന്ന നിര്ദേശം. മുഹമ്മദ് ഹനീഫിനെ മുളക്പൊടിയെറിഞ്ഞ് ആക്രമിച്ച ശേഷം തോക്കുമായി കടന്നുകളയുകയായിരുന്നുവെന്ന് ജമ്മു പോലീസ് പറയുന്നു. ഭീകരരില് ഒരാള് ഷോപ്പിയാനില് നിന്നുള്ള മസൂദ് അഹമ്മദ് മാലിക്കാണെന്ന് പോലീസ് തിരിച്ചറിഞ്ഞിട്ടുണ്ട്. ജൂവല് ചൗക്കിലെ മന്ദിര് മസ്ജിദിന് സമീപത്തുവച്ചായിരുന്നു സംഭവം. ഇതോടെ പ്രദേശത്തുനിന്ന് പുറത്തുപോകുന്ന വാഹനങ്ങളില്ലും പരിശോധന ശക്തമാക്കിയിട്ടുണ്ട്.
J&K: Two terrorists snatched AK-47 rifle from a Policeman in Jammu. Policeman injured, one terrorist arrested, other with rifle fled pic.twitter.com/No6XWeN6Ba
— ANI (@ANI_news) March 26, 2017