ബാക്കിയുള്ള വോട്ടെടുപ്പ് ഒരുമിച്ച് നടത്തണം, ആവശ്യവുമായി മമത; തളളി തെരഞ്ഞെടുപ്പ് കമ്മീഷൻ

കൊൽക്കത്ത;കൊൽക്കത്ത; സംസ്ഥാനത്ത് കൊവിഡ് കേസുകൾ ഉയർന്ന് വരുന്ന പശ്ചാത്തലത്തിൽ ബാക്കി നാല് ഘട്ട തെരഞ്ഞെടുപ്പുകളും ഒറ്റ ദിവസം നടത്തണമെന്ന് പശ്ചിമബംഗാള്‍ മുഖ്യമന്ത്രി മമത ബാനര്‍ജി.ട്വിറ്ററിലൂടെയാണ് മുഖ്യമന്ത്രിയുടെ പ്രതികരണം.

കൊവിഡ് പശ്ചാത്തിൽ ബംഗാളിൽ 8 ഘട്ടമായി വോട്ടെടുപ്പ് നടത്താനുള്ള തിരുമാനത്തെ നേരത്തേ തന്നെ ഞങ്ങൾ ശക്തമായി എതിർത്തിട്ടുണ്ട്.സംസ്ഥാനത്ത് കൊവിഡ് കേസുകൾ ഉയർന്ന് വരുന്ന പശ്ചാത്തലത്തിൽ ബാക്കി നാല് ഘട്ട തെരഞ്ഞെടുപ്പുകളും ഒറ്റ ദിവസം നടത്തണമെന്ന് തിരഞ്ഞെടുപ്പ് കമ്മീഷനോട് അഭ്യർത്ഥിക്കുകാണ്. കൊവിഡ് വ്യാപനം തടയാൻ ഇത് സഹായകമാകും, അവർ ട്വീറ്റിൽ പറഞ്ഞു.

ഏപ്രിൽ 17 നാണ് സംസ്ഥാനത്ത് അഞ്ചാം ഘട്ട തിരഞ്ഞെടു്പപ് നടക്കാനിരിക്കുന്നത്. ഇതുവരെ 135 സീറ്റുകളിലേക്കുള്ള തിരഞ്ഞെടുപ്പാണ് പൂർത്തിയായത്.ഇനി 159 സീറ്റുകളിലേക്കാണ് തിരഞ്ഞെടുപ്പ് നടക്കാനുള്ളത്. ആറാം ഘട്ടം 29 നാണ്. അതേസമയം ബാക്കിയുള്ള തിരഞ്ഞെടുപ്പുകൾ ഒറ്റഘട്ടമായി നടപ്പാക്കാൻ സാധിക്കില്ലെന്ന നിലപാടിലാണ് തെരഞ്ഞെടുപ്പ് കമ്മീഷൻ

ബംഗാളില്‍ അവശേഷിക്കുന്ന തെരഞ്ഞെടുപ്പ് നടക്കുമെന്ന കാര്യത്തിൽ യാതൊരു സംശയത്തിനും ഇടയില്ലെന്നായിരുന്നു കമ്മീഷൻ വ്യക്തമാക്കിയത്. മഹാമാരി ഏറ്റവും മോശമായി നിൽക്കുന്ന അവസ്ഥയിൽ തിരഞ്ഞെടുപ്പ് നടത്താനുള്ള തിരുമാനം തീർത്തും തെറ്റായ നടപടിയാണെന്ന് നേരത്തേ പാർട്ടി എംപി മഹുവ മോയിത്ര ട്വീറ്റ് ചെയ്തിരുന്നു.

അതേസമയം ബംഗാളിൽ കഴിഞ്ഞ 24 മണിക്കൂറിനിടെ 6769 കൊവിഡ് കേസുകളാണ് റിപ്പോർട്ട് ചെയ്തത്. ഇതോടെ സംസ്ഥാനത്തെ കൊവിഡ് കേസുകൾ 6,30,116 ആയി. നിലവിൽ 36,981 പേരാണ് കൊവിഡ് ചികിത്സയിൽ ഉള്ളത്. 22 മരണങ്ങൾ കൂടി കൊവിഡ് മൂലമാണെന്ന് സ്ഥിരീകരിച്ചു. ഇതോടെ കൊവിഡ് മൂലം ജീവഹാനി സംഭവിച്ചവരുടെ എണ്ണം 10,480 ആയി.

അസമിൽ കോൺഗ്രസിനെ ജയിപ്പിക്കാൻ 'ഛത്തീസ്ഗഡ് ടീം'; ഇനി യുപിയിലേക്ക്.. രണ്ടും കൽപ്പിച്ച് കോൺഗ്രസ്

കൊവിഡ്; ഞായറാഴ്ച നടത്താനിരുന്ന നീറ്റ് പിജി പരീക്ഷ മാറ്റി

കൂടുതൽ കൊവിഡ് വാക്സിൻ ലഭ്യമാക്കണം; വീണ്ടും പ്രധാനമന്ത്രിക്ക് കത്തയച്ച് ടിഎൻ പ്രതാപൻ എംപി