Click it and Unblock the Notifications
Just In
Don't Miss
-
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ' -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
തട്ടിക്കൊണ്ടുപോയ 39 ഇന്ത്യക്കാരെ ഐസിസ് ഭീകരര്‍ കൊന്നതായി വാര്‍ത്ത
ദില്ലി: ഇറാഖില്‍ നിര്‍മാണത്തൊഴിലാളികളായിരുന്ന 40 ഇന്ത്യക്കാരെ ഐസിസ് ഭീകരര്‍ തട്ടിക്കൊണ്ടുപോയ വാര്‍ത്ത ആരും മറന്നിട്ടുണ്ടാവില്ല. അവരില്‍ 39 പേരേയും ഭീകരര്‍ വധിച്ചുവെന്നാണ് പുറത്ത് വരുന്ന വാര്‍ത്ത. എന്നാല്‍ ഇക്കാര്യം അധികൃതര്‍ നിഷേധിച്ചിട്ടുണ്ട്.
ഐസിസിന്റെ പിടിയില്‍ നിന്ന് രക്ഷപ്പെട്ട രണ്ട് ബംഗ്ലാദേശികളെ ഉദ്ധരിച്ച് എബിപി ന്യൂസ് ആണ് വാര്‍ത്ത പുറത്ത് വിട്ടിരിക്കുന്നത്. ഭീകരരുടെ പിടിയില്‍ നിന്ന് രക്ഷപ്പെട്ട ഹര്‍ജീത് എന്ന ഇന്ത്യക്കാരന്‍ തങ്ങളോട് പറഞ്ഞു എന്നാണ് ബംഗ്ലാദേശികള്‍ നല്‍കുന്ന വിവരം.
കുര്‍ദിസ്ഥാന്റെ തലസ്ഥാനമായ ഇര്‍ബിലില്‍ വച്ചാണ് ചാനല്‍ പ്രതിനിധി ബംഗ്ലാദേശികളായ ഷാഫിയുമായും ഹസ്സനുമായും സംസാരിക്കുന്നത്. ഹര്‍ജീത് പറഞ്ഞതായി ഷാഫിയും ഹസ്സനും വെളിപ്പെടുത്തുന്നത് ഇങ്ങനെയാണ്...
പിടിയിലായ 40 ഇന്ത്യക്കാരേയും ഒരു കുന്നിന് മുകളില്‍ കൊണ്ടുപോയി ഭീകരര്‍ വെടിവക്കുകയായിരുന്നത്രെ. ഹര്‍ജീതിനും രണ്ട് തവണ വെടിയേറ്റു. എങ്കിലും മരിച്ചതുപോലെ അഭിനയിച്ച് കിടന്നു. പിന്നീട് അവിടെ നിന്ന് രക്ഷപ്പെട്ടു.
ശേഷിച്ച 39 പേരും കൊല്ലപ്പെട്ടിട്ടുണ്ടെന്ന് ഹര്‍ജീത് പറഞ്ഞതായും ഷാഫിയും ഹസ്സനും വ്യക്തമാക്കുന്നുണ്ട്. ജൂണ്‍ 15 നാണ് സംഭവം നടന്നതെന്നാണ് ഹര്‍ജീത് പറഞ്ഞതത്രെ. ജൂണ്‍ 10 നാണ് ഇന്ത്യന്‍ നിര്‍മാണത്തൊഴിലാളികളെ ഐസിസ് ഭീകരര്‍ തട്ടിക്കൊണ്ടുപോയതെന്നാണ് സൂചന.
51 ബംഗ്ലാദേശികളേയും 40 ഇന്ത്യക്കാരേയും ആണ് ഭീകരര്‍ തടവിലാക്കിയിരുന്നത്. രക്ഷപ്പെട്ട ഹര്‍ജീത് ബംഗ്ലാദേശികളെ പാര്‍പ്പിച്ചിരുന്ന അല്‍ ജാമിയയില്‍ എത്തുകയായിരുന്നു. ബംഗ്ലാദേശ് സ്വദേശി എന്ന ഭാവേന അലി എന്ന പേരിലാണ് തങ്ങള്‍ക്കൊപ്പം ഹര്‍ജീത് കഴിഞ്ഞിരുന്നതെന്നും ഷാഫിയും ഹസ്സനും പറയുന്നുണ്ട്. തടവിലാക്കിയ ബംഗ്ലാദേശികളെ പിന്നീട് ഇര്‍ബിലില്‍ സ്വതന്ത്രരാക്കുകയായിരുന്നു.
ഐസിസിന്റെ പിടിയില്‍ നിന്ന് ഹര്‍ജീത് രക്ഷപ്പെട്ടു എന്നത് സത്യം തന്നെയാണ്. എന്നാല്‍ പിന്നീട് ഇന്ത്യന്‍ അധികൃതരുമായി ബന്ധപ്പെട്ട ഹര്‍ജീത് ഇക്കാര്യങ്ങളൊന്നും പറഞ്ഞിട്ടില്ലെന്നാണ് റിപ്പോര്‍ട്ട്. അതേ സമയം തനിക്കൊപ്പമുളള ചിലര്‍ക്ക് വെടിയേറ്റകാര്യം ഇയാള്‍ പറഞ്ഞിട്ടുണ്ടെന്നും ചില മാധ്യമങ്ങള്‍ റിപ്പോര്‍ട്ട് ചെയ്യുന്നുണ്ട്.
എന്തായും ഇന്ത്യന്‍ അധികൃതര്‍ ഈ വാര്‍ത്ത സ്ഥിരീകരിച്ചിട്ടില്ല. ഇന്ത്യന്‍ തൊഴിലാളികള്‍ കൊല്ലപ്പെട്ടിട്ടുണ്ടാകാനിടയില്ലെന്ന് തന്നെയാണ് കരുതുന്നത്. ഐസിസ് ഇപ്പോള്‍ ഒരു രാജ്യം പോലെ പ്രവര്‍ത്തിക്കുന്നതിനാല്‍ വേറെ എവിടേക്കെങ്കിലും തൊഴിലാളികളെ മാറ്റിയിരിക്കാനാണ് സാധ്യതയെന്നും പറയുന്നു.
