കുംഭമേളയില് നിന്ന് സന്യാസി സമൂഹങ്ങള് പിന്മാറുന്നു; പ്രമുഖ സന്യാസി രോഗം ബാധിച്ച് മരിച്ചു
ഡെറാഡൂണ്: ഉത്തരാഖണ്ഡിലെ ഹരിദ്വാറില് നടക്കുന്ന മഹാ കുംഭമേളയില് നിന്ന് സന്യാസി സമൂഹങ്ങള് പിന്മാറുന്നു. കൊറോണ രോഗം തീര്ഥാടകര്ക്കിടയില് വ്യാപിക്കുന്ന സാഹചര്യത്തിലാണിത്. ഒരു പ്രമുഖ സന്യാസി രോഗം ബാധിച്ച് മരിക്കുകയും ചെയ്തു. മറ്റു ചില സന്യാസിമാര് ചികില്സയിലാണ്. ലക്ഷക്കണക്കിന് ആളുകള് പങ്കെടുക്കുന്ന കുംഭമേള കൊറോണ രോഗ വ്യാപനത്തിന് ഇടയാക്കുമോ എന്ന് പല കോണുകളില് നിന്നും ആശങ്ക ഉയര്ന്നിരുന്നു.
നിരഞ്ജിനി അഖാഡ, ടാപോ നിധി ശ്രീ ആനന്ദ് അഖാഡ എന്നീ സന്യാസി സമൂഹങ്ങളാണ് കുംഭമേളയില് നിന്ന് പിന്മാറിയത്. കുംഭമേളയില് മൊത്തം പങ്കെടുക്കുന്നത് 13 സന്യാസി സമൂഹങ്ങളാണ്. രണ്ടു വിഭാഗം ശനിയാഴ്ച കഴിഞ്ഞാല് കുംഭമേളയില് ഉണ്ടാകില്ലെന്ന് അറിയിച്ചു. 30 സന്യാസിമാര് രോഗം ബാധിച്ച് ചികില്സയിലായിലാണെന്ന് ഹരിദ്വാര് ചീഫ് മെഡിക്കല് ഓഫീസര് ഡോ. എസ്കെ ഝാ പറഞ്ഞു.
റമദാന് വ്രതം ആരംഭിച്ചു, രാജ്യത്തെ വിവിധയിടങ്ങളില് നിന്നുള്ള നോമ്പുതുറ ചിത്രങ്ങള് കാണാം
സന്യാസിമാരെ പരിശോധിക്കുന്നതിന് പ്രത്യേക ഡോക്ടര്മാരുടെ സംഘത്തെ നിയോഗിച്ചിട്ടുണ്ട്. കുംഭമേളയിലെ പ്രധാന ചടങ്ങായ പുണ്യ സ്നാനം ഈ മാസം 14ന് കഴിഞ്ഞിരുന്നു. ഇതിന് ശേഷമാണ് പല സന്യാസിമാര്ക്കും രോഗം ബാധിച്ചത്. അതുകൊണ്ട് കുംഭമേളയില് നിന്ന് ഞങ്ങള് പിന്മാറുകയാമെന്ന് നിരഞ്ജിനി അഖാഡ സെക്രട്ടറി രവീന്ദ്ര പുരി പറഞ്ഞു.
നിങ്ങള് ഫുള് ഫേക്കാണ്; പുറത്തായിട്ടും വിടാതെ ഭാഗ്യലക്ഷ്മി; മജ്സിയക്കെതിരെ കടുകട്ടി പ്രതികരണം
അഖില ഭാരതീയ അഖാഡ പരിഷത്ത് പ്രസിഡന്റായ നരേന്ദ്ര ഗിരി രോഗം ബാധിച്ച് ഋഷികേഷിലെ എയിംസില് ചികില്സയിലാണ്. മാത്രമല്ല, മധ്യപ്രദേശില് നിന്നുള്ള മഹാ നിര്വാനി അഖാഡയുടെ മേധാവി സ്വാമി കപില് ദേവ് രോഗം ബാധിച്ച് കഴിഞ്ഞ ദിവസം മരിച്ചു. കഴിഞ്ഞ 24 മണിക്കൂറിനിടെ ഉത്തരാഖണ്ഡില് 2220 പേര്ക്കാണ് രോഗം ബാധിച്ചത്. ഇതില് കൂടുതലും ഹരിദ്വാറിലാണ് റിപ്പോര്ട്ട് ചെയ്തത്.
യുഡിഎഫിനൊപ്പം കേന്ദ്രം; എല്ഡിഎഫിനൊപ്പം സംസ്ഥാനം... ഷാഫി പറമ്പിലും പത്മജയും ജയിക്കും, ബിജെപിക്ക് 2
12 വര്ഷത്തിലൊരിക്കലാണ് കുംഭമേള നടക്കാറ്. ജനുവരി പകുതി മുതല് ആരംഭിച്ച് ഏപ്രില് വരെ തുടരുകയാണ് പതിവ്. കൊറോണയുടെ പശ്ചാത്തലത്തില് ഇത് ഏപ്രില് മാസം മാത്രമാക്കി ചുരുക്കിയിരിക്കുകയാണ്. കൊറോണ വ്യാപിക്കുന്നതിനാല് ഏപ്രില് 30 വരെ തുടരണോ എന്ന കാര്യത്തില് ചര്ച്ച നടക്കുന്നുണ്ട്.
Recommended Video