Click it and Unblock the Notifications
Just In
Don't Miss
-
ദൃശ്യത്തിലൂടെ ലൈഫ് മാറിയ 'സെലിബ്രിറ്റി വക്കീൽ', ഇനിയുള്ള യാത്രകൾ 40 ലക്ഷത്തിന്റെ ഇന്നോവയിൽ -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
IPL 2024: ഇംപാക്ട് പ്ലെയര് ബൗളര്മാരെ ദുര്ബലരാക്കുന്നു; ബാറ്റിംഗിനെ സഹായിക്കുന്നുവെന്ന് ബുംറ -
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
കൊലയാളിയില്‍ നിന്നും ബിരുദം സ്വീകരിക്കില്ല; ഹൈദരാബാദ് സര്‍വ്വകലാശാലയില്‍ പ്രതിഷേധം
ഹൈദരാബാദ്: ഹൈദരാബാദ് സര്‍വ്വകലാശാല വൈസ് ചാന്‍സിലര്‍ അപ്പാ റാവുവില്‍ നിന്ന് ബിരുദം സ്വീകരിക്കാതം വിദ്യാര്‍ത്ഥികളുടെ പ്രതിഷേധം. രോഹിത് വെമുലയ്‌ക്കൊപ്പം സര്‍വ്വകലാശാലയില്‍ നിന്ന് നടപടി നേരിട്ട നാല് വിദ്യാര്‍ത്ഥികളില്‍ ഒരാളായ സുങ്കണ്ണ വെല്‍പുലയാണ് ബിരുദം സ്വീകരിക്കില്ലെന്ന് വ്യക്തമാക്കി പ്രതിഷേധിച്ചത്.
ശനിയാഴ്ച നടന്ന പതിനെട്ടാമത് ബിരുദദാന ചടങ്ങിലാണ് സംഭവം. പേര് വിളിച്ചതോടെ വേദിയിലെത്തിയ വെല്‍പുല ബിരുദം സ്വീകരിക്കില്ലെന്ന നിലപാടെടുക്കുകയായിരുന്നു. സര്‍വ്വകലാശാലയിലെ അംബേദ്ക്കര്‍ അസോസിയേഷന്‍ നേതാവാണ് സുങ്കണ്ണ വെല്‍പുല. താന്‍ സ്വീകരിക്കില്ലെന്ന് വിസിയോട് തന്നെ വെല്‍പുല നേരിട്ട് പറഞ്ഞു. തുടര്‍ന്ന് അദ്യക്ഷ പദവിയിലിരുന്ന പ്രോ വൈസ് ചാന്‍സിലര്‍ വിപിന്‍ ശ്രീവാസ്തവയാണ് വെല്‍പുലയ്ക്ക് ബിരുദം കൈമാറിയത്.
വെല്‍പലയുടെ പ്രതിഷേധത്തെ സദസ്സിലിരുന്ന വിദ്യാര്‍ത്ഥികള്‍ കൈയ്യടിയോടെയാണ് വരവേറ്റത്. ജനുവരി പതിനേഴിന് സര്‍വകലാശാല ഹോസ്റ്റല്‍ മുറിയില്‍ രോഹിത് വെമുല ആത്മഹത്യ ചെയ്ത സംഭവം രാജ്യത്തെ കലാലയങ്ങളില്‍ വന്‍ പ്രക്ഷോഭത്തിന് ഇടയാക്കിയിരുന്നു. ആത്മഹത്യയ്ക്ക് പിന്നാലെ വിദ്യാര്‍ത്ഥി പ്രക്ഷോഭം ശക്തമായതോടെ അപ്പാ റാവു ജനുവരിയില്‍ അവധിയില്‍ പ്രവേശിച്ചിരുന്നു. വീണ്ടും വിസിയായി മെയ് മാസത്തില്‍ തിരിച്ചെത്തിയപ്പോഴും വിദ്യാര്‍ത്ഥികളുടെ പ്രതിഷേധം നേരിടേണ്ടി വരികയായികരുന്നു.
