ഉത്തര് പ്രദേശില് പഞ്ചായത്ത് തിരഞ്ഞെടുപ്പ് തുടങ്ങി; യോഗിയും പ്രതിപക്ഷ നേതാക്കളും കൊറോണ ചികില്സയില്
ലഖ്നൗ: കൊറോണ രോഗ വ്യാപനം അതിരൂക്ഷമായി തുടരുന്നതിനിടെ ഉത്തര് പ്രദേശില് ഇന്ന് തിരഞ്ഞെടുപ്പ്. പഞ്ചായത്ത് തിരഞ്ഞെടുപ്പിന്റെ ആദ്യ ഘട്ട വോട്ടെടുപ്പാണ് ഇന്ന് നടക്കുന്നത്. മുഖ്യമന്ത്രി യോഗി ആദിത്യനാഥ്, എസ്പി അധ്യക്ഷന് അഖിലേഷ് യാദവ് തുടങ്ങി പ്രമുഖരായ നേതാക്കള് കൊറോണ ബാധിച്ച് ചികില്സിയലാണ്. തിരഞ്ഞെടുപ്പ് നീട്ടിവെക്കണമെന്ന് ബിജെപി നേതാക്കള് ആവശ്യപ്പെട്ടിരുന്നെങ്കിലും തിരഞ്ഞെടുപ്പ് കമ്മീഷന് അംഗീകരിച്ചില്ല. ഇന്ന് 18 ജില്ലകളിലാണ് തിരഞ്ഞെടുപ്പ് നടക്കുന്നത്.
ജില്ലാ കൗണ്സില്, ബ്ലോക്ക് പഞ്ചായത്ത്, വില്ലേജ് കൗണ്സില്, വാര്ഡ് എന്നിവിടങ്ങളിലേക്കാണ് വോട്ടെടുപ്പ്. രണ്ടു ലക്ഷത്തിലധികം വരുന്ന പോസ്റ്റുകളിലേക്ക് മൂന്ന് ലക്ഷത്തിലധികം സ്ഥാനാര്ഥികളാണ് മല്സരിക്കുന്നത്. തിരഞ്ഞെടുപ്പ് കമ്മീഷന് നല്കിയ സ്വതന്ത്ര ചിഹ്നത്തിലാണ് എല്ലാവരുടെയും മല്സരം. എല്ലാ രാഷ്ട്രീയ പാര്ട്ടികളും സ്ഥാനാര്ഥികളെ നിര്ത്തിയിട്ടുണ്ട്. എഐഎംഐഎം സുഹല്ദേവ് ഭാരതീയ സമാജ് പാര്ട്ടിയുമായി ചേര്ന്നാണ് മല്സരിക്കുന്നത്.
യുഡിഎഫിനൊപ്പം കേന്ദ്രം; എല്ഡിഎഫിനൊപ്പം സംസ്ഥാനം... ഷാഫി പറമ്പിലും പത്മജയും ജയിക്കും, ബിജെപിക്ക് 2
Recommended Video
19, 26, 29 എന്നീ തിയ്യതികളില് അടുത്ത മൂന്ന് ഘട്ട വോട്ടെടുപ്പുകള് നടക്കും. മെയ് രണ്ടിനാണ് വോട്ടെണ്ണല്. കേരളം, തമിഴ്നാട്, ബംഗാള്, അസം, പുതുച്ചേരി എന്നിവിടങ്ങളിലേക്ക് നടന്ന നിയമസഭാ തിരഞ്ഞെടുപ്പിന്റെ വോട്ടെണ്ണലും മെയ് രണ്ടിനാണ്. ഉത്തര് പ്രദേശില് കൊറോണ രോഗം ശക്തമായിട്ടുണ്ട്. കഴിഞ്ഞ 24 മണിക്കൂറിനിടെ 20510 പേര്ക്കാണ് രോഗം ബാധിച്ചിരിക്കുന്നത്.