Click it and Unblock the Notifications
Just In
Don't Miss
-
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
വീണ്ടും വ്യാപം മരണം; വിചാരണയ്ക്ക് തൊട്ടുമുന്‍പ് പ്രതി മരിച്ച നിലയില്‍
മധ്യപ്രദേശിലെ കുപ്രസിദ്ധമായ വ്യാപം തട്ടിപ്പുകേസുമായി ബന്ധപ്പെട്ട് ഒരാള്‍ കൂടി മരിച്ച നിലയില്‍
ഭോപാല്‍: മധ്യപ്രദേശിലെ കുപ്രസിദ്ധമായ വ്യാപം തട്ടിപ്പുകേസുമായി ബന്ധപ്പെട്ട് ഒരാള്‍ കൂടി മരിച്ച നിലയില്‍. കേസിലെ പ്രതിയും ഡോക്ടറുമായ പ്രവീണ്‍ യാദവ് ആണ് മരിച്ചത്. മൊറേന ജില്ലയിലെ മഹാരാജ്പൂര്‍ ഗ്രാമവാസിയാണ് പ്രവീണ്‍. ഗ്വാളിയോറിലെ ജിആര്‍ മെഡിക്കല്‍ കോളേജില്‍ നിന്നും 2008ലാണ് പ്രവീണ്‍ പരീക്ഷ പാസായി പുറത്തിറങ്ങിയത്.
വ്യാപം കേസില്‍ 2012ലാണ് ഉള്‍പ്പെടുന്നത്. മെഡിക്കല്‍ പരീക്ഷ പാസാകാനായി പണം നല്‍കിയെന്നാണ് കേസ്. ഈ കേസ് മധ്യപ്രദേശ് ഹൈക്കോടതിയുടെ ജബല്‍പൂര്‍ ബഞ്ചില്‍ വിചാരണ നടക്കാനിരിക്കെയാണ് പ്രവീണ്‍ ആത്മഹത്യ ചെയ്ത നിലയില്‍ കണ്ടെത്തിയത്. പ്രവീണ്‍ ഏറെ നാളായി വിഷാദത്തിലായിരുന്നെന്ന് ബന്ധുക്കള്‍ അറിയിച്ചു.
വ്യാപം കേസില്‍ ഉള്‍പ്പെട്ടതിനാല്‍ കരിയര്‍ തകര്‍ന്നുപോകുമെന്നായിരുന്നു പ്രവീണിന്റെ ഭയം. ആത്മഹത്യാ കുറിപ്പൊന്നും കണ്ടെത്തിയിട്ടില്ല. സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്. ഇന്ത്യ കണ്ടതില്‍വെച്ച് ഏറ്റവും വലിയ തട്ടിപ്പുകളിലൊന്നാണ് വ്യാപം. രാഷ്ട്രീയക്കാരും വന്‍കിട മാഫിയകളും ഉള്‍പ്പെടെ ഏതാണ്ട് 2,000ത്തോളം പേര്‍ ഈ കേസില്‍ അറസ്റ്റിലായിട്ടുണ്ട്.
കേസുമായി ബന്ധപ്പെട്ടവരുടെ ദുരൂഹ മരണങ്ങള്‍ സംഭവത്തെ ദേശീയ ശ്രദ്ധയിലെത്തിച്ചു. ഇതുവരെ പത്തുപേര്‍ റോഡപകടത്തില്‍പ്പെട്ടു മരിച്ചിട്ടുണ്ട്. നാലു പേര്‍ ആത്മഹത്യ ചെയ്തു. മധ്യപ്രദേശിലെ പ്രൊഫഷണല്‍ പരീക്ഷയില്‍ വ്യാപകമായി ക്രമക്കേട് നടന്നതാണ് വ്യാപം അഴിമതി. വലിയൊരു മാഫിയയുടെ ഇടപെടലിലൂടെ ഒട്ടേറെ വിദ്യാര്‍ഥികള്‍ മെഡിക്കല്‍ യോഗ്യത നേടിയിരുന്നു. സംഭവത്തില്‍ അന്വേഷണം തുടര്‍ന്നുകൊണ്ടിരിക്കുകയാണ്.
