കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആളുകളെ കുത്തി നിറച്ച് സ്‌റ്റേജ് ഷോ നടത്തി, 23ക്കാരി ശ്വാസംമുട്ടി മരിച്ചു

  • By Neethu
Google Oneindia Malayalam News

ഗുഡ്ഗാവ്: ഹുദാ മൈതാനിയില്‍ നടന്ന സ്റ്റേജ് ഷോയിലെ തിരക്കില്‍ ശ്വാസം കിട്ടാതെ 23ക്കാരി മരിച്ചു.ഫാഷന്‍ ഡിസൈനിങ് വിദ്യാര്‍ത്ഥിയായ അഞ്ചല്‍ അരോര എന്ന പെണ്‍കുട്ടിയാണ് മരിച്ചത്.കൂട്ടുകാരുമൊത്ത് സ്റ്റേജ് ഷോ കാണാന്‍ എത്തിയതായിരുന്നു അഞ്ചല്‍.

പരിപാടിക്കിടയില്‍ ശ്വാസതടസം നേരിട്ട് രണ്ട് പെണ്‍കുട്ടികളാണ് കുഴഞ്ഞ് വീണത്. കൂട്ടുക്കാരും സംഘാടകരും ചേര്‍ന്ന് അടുത്തുള്ള ആശുപത്രിയില്‍ എത്തിക്കുമ്പോഴേക്കും അഞ്ചല്‍ മരിക്കുകയായിരുന്നു. കൂടെയുണ്ടായിരുന്ന പെണ്‍കുട്ടി അത്യാഹിത വിഭാഗത്തില്‍ ചികിത്സയിലാണ്.

gurgaon

മൈതാനത്ത് നടന്ന ഷോയില്‍ പ്രതീക്ഷിച്ചതിലും അധികം ആളുകള്‍ എത്തിയിരുന്നു. 6500 പേരെയാണ് സംഘാടകര്‍ പ്രതീക്ഷിച്ചതെങ്കിലും 15000 ലധികം ആളുകള്‍ എത്തുകയായിരുന്നു. അതേ സമയം സംഘാടനത്തില്‍ വന്ന പിഴവുമൂലമാണ് ആളുകളെ നിയന്ത്രിക്കാന്‍ കഴിയാതെ പോയതെന്നും ആക്ഷേപമുണ്ട്.

ആശുപത്രിയില്‍ പ്രവേശിപ്പിക്കുമ്പോള്‍ പെണ്‍കുട്ടിക് പള്‍സ് ഇല്ലായിരുന്നു എന്ന് ഡോക്ടര്‍മ്മാര്‍ പറഞ്ഞു. ഓക്‌സിജന്റെ അഭാവത്തില്‍ പെട്ടന്നുണ്ടായ ഹൃദയാഘാതമാണ് മരണകാരണമെന്ന് പോസ്റ്റ്‌മോട്ടം റിപ്പോര്‍ട്ടില്‍ പറയുന്നു.

അഞ്ചലിന്റെ പിതാവ് നല്‍കിയ പരാതിയില്‍ സംഘാടകര്‍ക്കെതിരെ പോലീസ് കേസ് റജിസ്റ്റര്‍ ചെയ്തിട്ടുണ്ട്.8000 പേരാണ് പരിപാടിയില്‍ പങ്കെടുത്തത് എന്നാണ് സംഘാടകരുടെ വാദമെങ്കിലും 15000ലധികം ആളുകള്‍ ഫ്രീ പാസിലൂടെ എത്തിയെന്നാണ് പോലീസിന്റെ കണ്ണക്കുകള്‍. പരിപാടിക്കിടയില്‍ 18 വയസിനു താഴെയുള്ളവര്‍ക്ക് മദ്യം നല്‍കിയതില്‍ എക്‌സൈസ് ഡിപാര്‍ട്ട്‌മെന്റും കേസ് റജിസ്റ്റര്‍ ചെയ്തിട്ടുണ്ട്.

English summary
woman dies at gurgaon stage show
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X