ചൊവ്വയില് ഉപേക്ഷിക്കപ്പെട്ട നിലയില് ഷൂ... ഓപ്പര്ച്യുനിറ്റിയെ കണ്ടപ്പോള് അന്യഗ്രഹജീവി കളഞ്ഞതോ ?
വാഷിംഗ്ടണ്: മനുഷ്യന്റെ കഴിവുകള്മുഴുവന് ഉപയോഗിച്ച് പരീക്ഷണങ്ങളും അന്വേഷണങ്ങളും നടത്തിയിട്ടും ഇതുവരെ ശരിയായൊരു ഉത്തരം കണ്ടെത്താന് കഴിയാത്തൊരു വിഭാഗമാണ് അന്യഗ്രഹജീവികള്. ഹോളീവുഡിലും ബോളീവുഡിലും നിരവധി ചിത്രങ്ങള് ഇറങ്ങിയിട്ടുണ്ടെങ്കിലും ഇതുവരെ മനുഷ്യന് മറുപടി ഇല്ലാത്ത ചോദ്യമായി നില്ക്കുകയാണ് ഇവര്.
അന്യഗ്രഹ ജീവികളെ കുറിച്ചുള്ള ചര്ച്ചകള് പുരോഗമിക്കുമ്പോഴും കഴിഞ്ഞ ദിവസം ചൊവ്വയില് നിന്ന് കണ്ടെത്തിയ ഒരു ചിത്രവും ഇപ്പോള് ചൂടന് ചര്ച്ചകള്ക്ക് കാരണമായിട്ടുണ്ട്. നാസയുടെ ചൊവ്വ പര്യവേഷണ പേടകമായ ഓപ്പര്ച്യൂണിറ്റി അയച്ചുകൊടുത്ത ചിത്രം ചുടേറിയ വാഗ്വാദങ്ങള്ക്ക് വഴിവെച്ചിരിക്കുകയാണ്.
ചൊവ്വ പര്യവേഷണ പേടകമായ ഓപ്പര്ച്യൂനിറ്റി 2004ല് ആണ് ചുവന്ന ഗ്രഹത്തിലെത്തിയത്. അന്നു മുതല് പേടകം നിരവധി ചിത്രങ്ങള് അയച്ചു കൊടുത്തിട്ടുണ്ട്. എന്നാല് അതില് ഷൂസ് എന്ന് തോന്നിപ്പിക്കുന്ന ഒരു ചിത്രമുണ്ട് ഇതാണ് എല്ലാവരിലും കൗതുക മുണര്ത്തുന്നത്.
ചൊവ്വയില് യുദ്ധത്തില് ഏര്പ്പെട്ടിരുന്ന ഒരു വിചിത്ര വര്ഗം ഉണ്ടായിരുന്നു. അതിന്റെ തെളിവാണ് ഈ ഷൂസ് എന്നാണ് ഈ ചിത്രം ആദ്യമായി പോസ്റ്റ് ചെയ്ത യുഎഫ്ഒ സൈറ്റിംഗ്സ് എന്ന ബ്ലോഗിന്റെ വാദം. ബ്ലോഗിന്റെ സ്ഥാപകനായ സ്കോട്ട് സി വാറിംഗാണ് ഇത് അവകാശപ്പെടുന്നത്. 2013ലാണ് ഈ ഫോട്ടോ എടുത്തതെങ്കിലും ഈ വര്ഷമാണ് ഇത് ശ്രദ്ധയില്പ്പെടുന്നത്.