ഐസിസിന്റെ പുതിയ കശാപ്പുകാര് കൗമാരക്കാര്..കഴുത്തറുക്കുന്നതിന്റെ പരിശീലന വീഡിയോ പുറത്ത്
ദമാസ്ക്കസ്: കൂട്ടക്കൊലകള്ക്ക് അകമ്പടി സേവിയ്ക്കാന് ഐസിസ് തീവ്രവാദികള് കൗമാരക്കാരായ ജിഹാദികളെ ഉപയോഗിച്ച് തുടങ്ങി. ഐസിസ് പുറത്ത് വിട്ട ഏറ്റവും പുതിയ വീഡിയോയിലാണ് കൗമാരക്കാരെ കൂട്ടക്കൊലകള്ക്ക് വേണ്ടി ഉപയോഗിയ്ക്കുന്നത്. ദ ഇന്ഡിപെന്ഡന്റ് ഉള്പ്പടെയുള്ള മാധ്യമങ്ങള് ഇക്കാര്യം റിപ്പോര്ട്ട് ചെയ്യുന്നുണ്ട്.
സിറിയയിലെ ഹമ പ്രവിശ്യയില് എട്ട് ഷിയ മുസ്ലിം തടവുകാരെ കഴുത്തറുത്ത് കൊല്ലുന്നതിന് വേണ്ടിയാണ് ഐസിസുകാര് തങ്ങളുടെ കൗമാരക്കാരായ ജിഹാദികളെ ഉപയോഗിയ്ക്കുന്നത്. എന്നാല് കുട്ടി ജിഹാദികളെ കൊണ്ട് കൊലപാകതം ചെയ്യിക്കുന്നില്ല. തോക്കുകളുമേന്തി തടവുകാരെ മുതിര്ന്ന തീവ്രവാദികള്ക്ക് സമീപം എത്തിയ്ക്കുകയാണ് കുട്ടി ജിഹാദികളുടെ ദൗത്യം.
എത്തിയ്ക്കുക മാത്രമല്ല തടവുകാരുടെ കൈകള് രണ്ടും പിന്നിലേയ്ക്ക് കെട്ടുകയും കണ്ണുകള് മൂടിക്കെട്ടുകയും ചെയ്യുന്നുണ്ട്. തടവുകാരെ കശാപ്പ് ചെയ്യാനുള്ള കത്തികള് മുതിര്ന്ന തീവ്രവാദികള്ക്ക് കൈമാറുന്നതും കുട്ടി തീവ്രവാദികളാണ്.
ഐസിസുകാര് തന്നെ വ്യാജ വീഡിയോകള് പ്രചരിപ്പിയ്ക്കുന്ന സാഹചര്യത്തില് വീഡിയോയുടെ ആധികാരികത സിറിയന് ഒബ്സര്വേറ്ററി ഫോര് ഹ്യുമന് റൈറ്റ്സ് സ്ഥിരീകരിച്ചു. കുട്ടികളെ ജിഹാദി പ്രവര്ത്തനങ്ങളിലേയ്ക്ക് ആകര്ഷിച്ച് അംഗബംല കൂട്ടാനാണ് ഐസിസ് ഇത്തരം വീഡിയോകള് പുറത്ത് വിടുന്നത് .