Click it and Unblock the Notifications
Just In
-
-
-
Don't Miss
-
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ലോക മലേറിയ ദിനം 2024: മലേറിയ വരാതിരിക്കാന് എന്തുചെയ്യണം, തുടക്കം വീട്ടില് നിന്ന് -
തെറ്റുകള് ഞങ്ങളുടെ ഭാഗത്ത് നിന്നും വരും; ഞങ്ങളും ഇതില് ആദ്യമാണെന്ന് മക്കളോട് പറയും: പൂര്ണിമ -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
8ാം വയസില്‍ പ്രണയത്തിലായി, 75 വര്‍ഷം ഒന്നിച്ച് ജീവിച്ചു, ഒടുവില്‍ പരസ്പരം കൈകളില്‍ തലചായ്ച്ച് മരണം
സാന്‍ഡിയാഗോ: എട്ടാം വയസില്‍ അവര്‍ കണ്ടുമുട്ടി. പ്രണയത്തിലായി. 75 വര്‍ഷം ഒന്നിച്ച് ജീവിച്ചു. 'എന്റെ കൈകളില്‍ കിടന്ന് നീയും നിന്റെ കൈകളില്‍ കിടന്ന് ഞാനും മരിയ്ക്കണം...മരണത്തിലും നമ്മള്‍ ഒന്നായിരിയ്ക്കണം' എന്ന് അവര്‍ ആഗ്രഹിച്ചു. സാന്റിയാഗോയിലെ വൃദ്ധദമ്പതിമാരാണ് മരണത്തിലും ഒന്നിച്ചത്.
ജാനറ്റും അലക്‌സാണ്ടര്‍ തോസ്‌ക്കോയും എട്ടാം വയസിലാണ് കണ്ടുമുട്ടുന്നത്. അധികം വൈകാതെ ഇരുവരും പ്രണയത്തിലായി. 1940 ല്‍ അലക്‌സാണ്ടര്‍ ജാനറ്റിനെ ജീവിത സഖിയാക്കി. നീണ്ട 75വര്‍ഷങ്ങള്‍ നീണ്ട ദാമ്പത്യം. ഇതിനിടെ ജാനറ്റും അലക്‌സാണ്ടറും അച്ഛനും അമ്മയും മുത്തശ്ശനും മുത്തശ്ശിയുമായി.
പ്രായം 95 പിന്നിട്ട് കഴിഞ്ഞിരുന്നു രണ്ടാള്‍ക്കും. അടുത്തിടെയാണ് തങ്ങളുടെ മക്കളോട് മനസിലുള്ള ആഗ്രഹം ഇരുവരും തുറന്ന് പറഞ്ഞത്. ജാനറ്റ് മരിയ്ക്കുന്നത് തന്റെ കൈകളില്‍ കിടന്നാകണമെന്നായിരുന്നു അലക്‌സാണ്ടറിന്റെ ആഗ്രഹം. ജാനറ്റിനാകട്ടേ അലക്‌സാണ്ടര്‍ തന്റെ കൈകളില്‍ കിടന്ന് മരിയ്ക്കണമെന്നും. ആഗ്രഹം പറഞ്ഞ് അധികം വൈകാതെ വീഴ്ചയില്‍ തുടയെല്ല് പൊട്ടി അലക്‌സാണ്ടര്‍ കിടപ്പിലായി. വാര്‍ധക്യത്തിന്റെ അവശതകളിലും അലക്‌സാണ്ടറിനെ പിരിഞ്ഞിരിയ്ക്കാന്‍ ജാനറ്റിനാകുമായിരുന്നില്ല. ഇക്കാര്യം നന്നായി അറിയാവുന്ന മക്കള്‍ രണ്ട് പേരെയും ഒരു കിടക്കയില്‍ തന്നെ കിടത്തി.
ദിവസങ്ങള്‍ കടന്ന് പോകവേ ജാനറ്റിന്റെ കൈകളില്‍ തലചായ്ച്ച് അലക്‌സാണ്ടര്‍ മരിച്ചുവെന്നd മകള്‍ ആമി തോസ്‌ക്കോ പറയുന്നു. പ്രിയതമന്റെ മരണമറിഞ്ഞ ജാനറ്റ് മകളോട് പറഞ്ഞത് തനിയ്ക്ക് വേണ്ടി അല്‍പ്പനേരം കാത്തിരിയ്ക്കാനാണ്. മണിയ്ക്കൂറുകള്‍ക്കുള്ളില്‍ അലക്‌സാണ്ടറുടെ കൈകളില്‍ തലചായ്ച്ച് ജാനറ്റും മരിച്ചു. രണ്ടും പേരെയും മിരാമര്‍ ശ്മശാനത്തില്‍ സംസ്‌ക്കരിയ്ക്കുകയും ചെയ്തു.
