പ്രായം കുറഞ്ഞ അച്ഛന് ആല്ഫിയല്ല
ഇംഗ്ലണ്ട് : പതിമൂന്നുകാരന് ആല്ഫിയുടെയും പതിനഞ്ചുകാരി ചാന്റെല്ലെയുടെയും പ്രണയവും ഗര്ഭവും ഏറെ ചര്ച്ചയായ സംഭവമായിരുന്നല്ലോ. ദേ കഥയ്ക്കിപ്പോള് സിനിമയെപ്പോലും വെല്ലുന്ന ട്വിസ്റ്റ് കിട്ടി. ഇന്നലെ ഡി.എന്.എ ടെസ്റ്റിന്റെ ഫലം വന്നപ്പോള് സംഭവമാകെ മാറിമറിഞ്ഞിരിക്കുകയാണ്.
ലോകത്തിലെ ഏറ്റവും പ്രായം കുറഞ്ഞ അച്ഛന് എന്ന റെക്കോര്ഡിന് ഉടമ എന്നു കരുതിയിരുന്ന ആല്ഫിന് ഇപ്പോള് ശരിക്കും ഞെട്ടലിലാണ്. ഐ.ബി.ടൈംസ് പുറത്തു വിട്ട റിപ്പോര്ട്ട് പ്രകാരം പതിനഞ്ചുകാരന് ആയ ടൈലര് ബാര്കര് ആണ് കുഞ്ഞിന്റെ യഥാര്ത്ഥ പിതാവ്. ഒരു ദിവസം നിശാപാര്ട്ടിയില് വച്ചു കുടിച്ചു ലക്കു കെട്ട തന്നെ ചാന്റെല്ല പ്രലോഭിപ്പിക്കുകയായിരുന്നുവെന്ന് ടൈലര് ബാര്കര് പറയുന്നു.
ചാന്റെല്ലയോടൊപ്പം ഞങ്ങളും കിടക്ക പങ്കിട്ടിട്ടുണ്ട് എന്ന് പുലഭ്യം പറഞ്ഞ കൂട്ടുകാര്ക്കുള്ള ചുട്ട മറുപടി ആയിരിക്കും ഡി.എന്.എ ടെസ്റ്റ് റിസള്റ്റ് എന്നായിരുന്നു ആല്ഫിന്റെ പ്രതീക്ഷ. എന്നാല് കക്ഷിയ്ക്ക് ഇപ്പോള് വായടഞ്ഞു പോയിരിക്കുകയാണ്. കുഞ്ഞിന്റെ പിതാവെന്ന സ്ഥാനം നഷ്ടപ്പെട്ടു. പതിനഞ്ചാം വയസ്സില് പ്രസവിച്ച നാണക്കേട് കൊണ്ട് ഇടിവട്ടേറ്റ അവസ്ഥയില് ആയിരുന്നു ചാന്റെല്ല. എന്നാല് ആല്ഫിയുടെ കൂടെ മാത്രമേ കിടന്നിട്ടുല്ള്ളൂ എന്നാവര്ത്തിച്ചു പറഞ്ഞു ഇത്തിരി അഭിമാനം സമ്പാദിച്ചിരുന്നു. ഇപ്പോഴിതാ അതു നഷ്ടപ്പെട്ടിരിക്കുകയാണ്.
എന്തായാലും മകനെ വഴി തെറ്റിച്ചതിനു ടൈലറിന്റെ മാതാപിതാക്കള് ചാന്റെയോട് കടുത്ത ദേഷ്യത്തിലാണ്. തങ്ങളുടെ മകനെ ചതിച്ചതിനു ആല്ഫിയുടെ മാതാപിതാക്കളും. ആല്ഫിയുടെ മാതാപിതാക്കളുടെ സമ്മതത്തോടെ ഒരു പുതു ജീവിതം കിട്ടിയിരുന്ന ഒരു തെറ്റും ചെയ്യാത്ത പിഞ്ചു കുഞ്ഞിന്റെ അവസ്ഥ ഇനി എന്താകുമെന്നാണ് ലോകം ഉറ്റുനോക്കുന്നത്.