കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കുവൈത്ത് അമീര്‍ ശൈഖ് സബാഹിന് രക്തദാനത്തിലൂടെ ശ്രദ്ധാഞ്ജലിയര്‍പ്പിച്ച് പ്രവാസി സമൂഹം

Google Oneindia Malayalam News

കുവൈത്ത് സിറ്റി: അന്തരിച്ച കുവൈത്ത് അമീര്‍, ശൈഖ് സബാഹ് അല്‍ അഹമ്മദ് അല്‍ ജാബര്‍ അല്‍ സബാഹ്‌ന്റെ സ്മരണാര്‍ത്ഥം ബ്ലഡ് ഡോണേഴ്‌സ് കേരള കുവൈത്ത് ചാപ്റ്ററും, ബിഡികെയുടെ കാമ്പയിന്‍ പങ്കാളികളായ മ്യൂസിക് ബീറ്റ്‌സ് ഇവന്റ് മാനേജ്‌മെന്റ് ടീമും സംയുക്തമായി കുവൈത്ത് സെന്ട്രല്‍ ബ്ലഡ് ബാങ്കിന്റെ സഹകരണത്തോടെ രക്തദാന ക്യാമ്പ് സംഘടിപ്പിച്ചു. കുവൈത്തിന്റെ വിവിധ ഭാഗങ്ങളില്‍ നിന്നായി 125 പേര്‍ എത്തിച്ചേര്‍ന്ന ക്യാമ്പില്‍ 103 പേര്‍ രക്തദാനം നിര്‍വ്വഹിച്ചു. ബിഡികെയുടേയും, മ്യൂസിക് ബീറ്റ്‌സിന്റെയും അമ്പതോളം വരുന്ന സന്നദ്ധപ്രവര്‍ത്തകരുടെ സംഘം സേവനപ്രവര്‍ത്തനങ്ങള്‍ ചെയ്തു.

kuwait

മ്യൂസിക് ബീറ്റ്‌സ് ഇവന്റ് മാനേജ്‌മെന്റ് ടീം കോവിഡ് കാലത്ത് കുവൈത്തില്‍ നടത്തിവരുന്ന സാമൂഹ്യ ജീവകാരുണ്യ പ്രവര്‍ത്തനങ്ങളുടെ ഭാഗമായാണ് ബി ഡി കെയുമായി ചേര്‍ന്ന് രക്തദാനക്യാമ്പ് സംഘടിപ്പിച്ചത്. കുവൈത്ത് ആരോഗ്യ മന്ത്രാലയത??തിന്റെ കോവിഡ് മാനദണ്ഡങ്ങള്‍ക്കനുസൃതമായി സംഘടിപ്പിച്ച ക്യാമ്പില്‍ മ്യൂസിക് ബീറ്റ്‌സിലെ സാങ്കേതിക പ്രവര്‍ത്തകര്‍, കലാകാരന്‍മാര്‍, അഭ്യുദയകാംക്ഷികള്‍ എന്നിവരുള്‍പ്പെടെ നിരവധി പേരാണ് അന്തരിച്ച രാഷ്ട്രനേതാവിന്റെ ദീപ്തസ്മരണയില്‍ രക്തദാനത്തിനായി കടന്നുവന്നത്. ക്യാമ്പില്‍ പങ്കെടുത്തവര്‍ക്ക് സാക്ഷ്യപത്രങ്ങളും വിതരണം ചെയ്തു.

ക്യാമ്പിന്റെ ഔദ്യോഗിക ഉദ??ഘാടനം ഇന്ത്യന്‍ ഡോക്ടേഴ്‌സ് ഫോറം ജനറല്‍ സെക്രട്ടറി ഡോ. നസീം പാര്‍ക്കര്‍ നിര്‍വ്വഹിച്ചു. കോവിഡ് മഹാമാരി കാലത്ത് രക്തദാനത്തിന്റെ പ്രാധാന്യം പ്രചരിപ്പിക്കുവാനുള്ള ബിഡികെയുടെ ഉദ്യമങ്ങളെ ഡോക്ടേഴ്‌സ് ഫോറം പ്രതിനിധി അഭിനന്ദിച്ചു. ബിഡികെ അഡൈ്വസറി ബോര്‍ഡ് മെമ്പര്‍ മുരളി എസ് പണിക്കര്‍, അമീര്‍ അനുസ്മരണസന്ദേശം നല്‍കി. മനുഷ്യത്വപരമായ പരിഗണനയില്‍ സ്വദേശിയെന്നോ, വ??ദേശിയെന്നോ വിവേചനം കാണിക്കാതിരുന്ന ഭരണാധികാരിയായിരുന്നു ബഹുമാന്യനായ ശൈഖ് അമീര്‍ സബാഹ് അല്‍ അഹമ്മദ് എന്നും, അദ്ദേഹത്തിന്റെ വേര്‍പാട് കുവൈത്തില്‍ ജീവിക്കുന്ന എല്ലാ ജനവിഭാഗത്തിനും നികത്താനാവത്ത നഷ്ടമാണ് ഉണ്ടാക്കിയത് എന്നും യോഗം അനുസ്മരിച്ചു.

പ്രവാസജീവിതം മതിയാക്കി നാട്ടിലേക്ക് മടങ്ങുന്ന ബിഡികെ കുവൈത്ത് മുന്‍ വൈസ് പ്രസിഡന്റും, സജീവ പ്രവര്‍ത്തകനുമായിരുന്ന മുരളി പീവീസ് ന് ചടങ്ങില്‍ യാത്രയയപ്പ് നല്‍കി. ബിഡികെയുടെ സഹകരണത്തോടെ ഭാവിയിലും കൂടുതല്‍ രക്തദാനക്യാമ്പുകള്‍ സംഘടിപ്പിക്കുമെന്ന് മ്യൂസിക് ബീറ്റ്‌സ് ഇവന്റ് ഡയറക്ടര്‍ നിതിന്‍ തോട്ടത്തില്‍ പറഞ്ഞു. രഘുബാല്‍ അദ്ധ്യക്ഷത വഹിച്ച ചടങ്ങില്‍ രാജന്‍ തോട്ടത്തില്‍ സ്വാഗതവും ഡോ. ഡെന്നി മാമ്മന്‍ നന്ദിയും പറഞ്ഞു.

ജയകൃഷ്ണന്‍, ദീ???ുചന്ദ്രന്‍, നിമിഷ്, സോഫി രാജന്‍, രമേശന്‍, ഡോ. നീതു, ജസ്സീന, വേണുഗോപാല്‍, രാജേഷ് ആര്‍ജെ, നോബിന്‍, പ്രവീണ്‍കുമാര്‍, തോമസ് അടൂര്‍, മുനീര്‍, രജീഷ് ലാല്‍ എന്നിവര്‍ ക്യാമ്പിന് നേതൃത്വം നല്‍കി. ബിഡികെ കുവൈത്ത് ചാപ്റ്റര്‍ വിവിധ സംഘടനകളുടെ പങ്കാളിത്തത്തോടെ സംഘടിപ്പിക്കുന്ന 2020 ലെ ആറാമത്തെയും, കോവിഡ് കാലത്തെ നാലാമത്തെയും രക്തദാനക്യാമ്പാണ് കഴിഞ്ഞത്. കുവൈത്തില്‍ ബിഡികെ കുവൈത്തിന്റെ സഹകരണത്തോടെ രക്തദാന ക്യാമ്പുകളും, അനുബന്ധ പരിപാടികളും സംഘടിപ്പിക്കുവാന്‍ താത്പര്യമുള്ള സംഘടനകളും, വ്യക്തികളും 6999 7588 എന്ന നമ്പരില്‍ ബന്ധപ്പെടാവുന്നതാണ്.

Recommended Video

cmsvideo
ഇറാഖിനെ കുവൈത്തില്‍ നിന്നും തുരത്തിയ പെണ്‍കുട്ടി | Oneindia Malayalam

English summary
Expatriate community pays tribute to Emir Sheikh Sabah Al Ahmad Al Sabah by donating blood
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X