കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

തുടര്‍ച്ചയായി ഗര്‍ഭനിരോധന ഗുളിക കഴിച്ച 21കാരി മരിച്ചു

  • By Meera Balan
Google Oneindia Malayalam News

ലണ്ടന്‍: ഗര്‍ഭ നിരോധന ഗുളികയുടെ ഉപയോഗം മൂലം 21കാരി മരിച്ചതായി മാതാപിതാക്കള്‍. ഫാലന്‍ കുറേക്ക് (21) എന്ന അധ്യാപികയാണ് മെയ് 14ന് മരിച്ചത്. മകള്‍ മരിച്ചത് ഗര്‍ഭ നിരോധന ഗുളികയുടെ ഉപയോഗത്തെത്തുടര്‍ന്നാണെന്ന് ഡോക്ടര്‍മാര്‍ പറഞ്ഞതായി ഫാലന്‍റെ മാതാപിതാക്കള്‍. 25 ദിവസം തുടര്‍ച്ചയായി യുവതി ഗുളിക കഴിച്ചിരുന്നതായി പറയുന്നു.

മകള്‍ ആര്‍ത്തവം ക്രമപ്പെടുത്തുന്നതിന് വേണ്ടി ഗുളിക കഴിച്ചിരുന്നതായി അറിയാമായിരുന്നെന്നും എന്നാല്‍ അത് ഇത്തരം ഗുളികയായിരുന്നുവെന്ന് തങ്ങള്‍ക്ക് അറിയില്ലായിരുന്നുവെന്നും ഫാലന്‍റെ മാതാവ് ജൂലിയ പറയുന്നു. ശ്വാസം കിട്ടാതെ വീടിനുള്ളില്‍ കുഴഞ്ഞു വീണ ഫാലനെ ആശുപ്രതിയില്‍ എത്തിയ്ക്കുകയായിരുന്നു. പല തവണ ഇവര്‍ ഛര്‍ദ്ദിയ്ക്കുകയും ചെയ്തിരുന്നു.

Fallan

ശ്വാസകോശത്തെ ബാധിച്ച പള്‍മണറി എംബോളിസമാണ് മരണത്തിനിടയാക്കിയത്. ഇതിന് കാരണമായതാകട്ടേ ഗര്‍ഭ നിരോധന ഗുളികയുടെ ഉപയോഗവും. മൂന്ന് ദിവസം ആശുപത്രിയില്‍ ഗുരുതരാവസ്ഥയില്‍ ചികിത്സയിലായിരുന്ന ശേഷമാണ് യുവതി മരിയ്ക്കുന്നത്. മരണസമയം മാതാപിതാക്കളായ ബ്രിയാനും ജൂലിയയും ഫാലനൊപ്പം ഉണ്ടായിരുന്നു.

കുഴഞ്ഞ് വീഴുന്നതിന് ദിവസങ്ങള്‍ക്ക് മുമ്പ് മകള്‍ക്ക് നെഞ്ചുവേദന അനുഭവപ്പെട്ടെന്നും ആശുപത്രിയിലെത്തി ഇസിജി എടുക്കുകയും ആരോഗ്യ പ്രശ്‌നങ്ങള്‍ ഇല്ലെന്ന് ഡോക്ടര്‍മാര്‍ ഉറപ്പ് നല്‍കുകയും ചെയതെന്ന് മാതാപിതാക്കള്‍. ഗര്‍ഭ നിരോധന മരുന്നിന്റെ ഉപയോഗം മൂലം രക്തം കട്ടപിടിയ്ക്കുക, അമിതമായ രക്ത സമ്മര്‍ദ്ദം ഉണ്ടാവുകയും ചെയ്യുമെന്നും സ്തനാര്‍ബുദം മുതല്‍ മറ്റ് പലതരത്തിലുള്ള അര്‍ബുദങ്ങള്‍ക്കും ഇടയാക്കുമെന്നും ഫാലന്റെ മാതാപിതാക്കള്‍ ഓര്‍മ്മപ്പെടുത്തുന്നു. തങ്ങളുടെ മകള്‍ക്കുണ്ടായ ദുരനുഭവം മറ്റൊരു പെണ്‍കുട്ടിയ്ക്കും ഉണ്ടാകരുതെന്നും ഈ മാതാപിതാക്കള്‍ പറയുന്നു.

English summary
Fallan Kurek, 21, died from pulmonary embolism on her lung - and her devastated parents say doctors said it was caused by the contraceptive pill.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X