പെണ്‍കുട്ടികളെ സ്‌കൂളിലേക്ക് അയക്കണം; താലിബാന് തുറന്ന കത്തയച്ച് മലാല യൂസഫ്‌സായി

കാബൂള്‍: പെണ്‍കുട്ടികള്‍ക്ക് സ്‌കൂള്‍ വിദ്യാഭ്യാസം നല്‍കണമെന്ന് ആവശ്യപ്പെട്ട് താലിബാന് തുറന്ന കത്തെഴുതി നൊബേല്‍ ജേതാവ് മലാല യൂസഫ്‌സായി. അഫ്ഗാനിന്റെ ഭരണം പിടിച്ച താലിബാന്‍ സെക്കണ്ടറി വിദ്യാഭ്യാസം പെണ്‍കുട്ടികള്‍ക്ക് നിഷേധിക്കുന്നു എന്ന വാര്‍ത്തകള്‍ക്കിടെയാണ് മലാലയുടെ കത്ത്. കഴിഞ്ഞ ആഗസ്റ്റ് 15നാണ് താലിബാന്‍ അഫ്ഗാന്റെ ഭരണം പിടിച്ചത്. അമേരിക്കന്‍ സൈന്യം രാജ്യം വിടുകയും താലിബാന്‍ ഭരണം പിടിക്കുകയും ചെയ്തതോടെ നിരവധി പേര്‍ അഫ്ഗാനില്‍ നിന്ന് പലായനം ചെയ്തിരുന്നു.

ആദ്യം മുസ്ലിങ്ങളെ അപമാനിച്ച് പ്രസ്താവന, ഇപ്പോള്‍ മുന്‍ മുഖ്യമന്ത്രിയെ.... ബിജെപി നേതാവ് കുടുങ്ങി

ഇവര്‍ വിവിധ രാജ്യങ്ങളില്‍ അഭയാര്‍ഥികളായി കഴിയവെ അഫ്ഗാനില്‍ പുതിയ പരിഷ്‌കാരങ്ങള്‍ നടപ്പാക്കുകയാണ് താലിബാന്‍. പെണ്‍കുട്ടികള്‍ക്ക് സെക്കണ്ടറി വിദ്യാഭ്യാസം നിലവില്‍ താലിബാന്‍ ഭരണകൂടം നല്‍കുന്നില്ല. ഇക്കാര്യമാണ് മലാലയും അഫ്ഗാനിലെ വനിതാ അവകാശ പ്രവര്‍ത്തരും അയച്ച കത്തില്‍ ചൂണ്ടിക്കാട്ടുന്നത്. സുരക്ഷ ഉറപ്പാക്കിയ ശേഷം പെണ്‍കുട്ടികള്‍ക്ക് സ്‌കൂളിലെത്താന്‍ സൗകര്യം ഒരുക്കുമെന്നായിരുന്നു താലിബാന്റെ പ്രഖ്യാപനം. എന്നാല്‍ ഇതുവരെ അതിന് സാധിച്ചിട്ടില്ല.

താലിബാന്‍ അധികൃതര്‍ക്ക്... പെണ്‍കുട്ടികളുടെ വിദ്യാഭ്യാസത്തിന് ഏര്‍പ്പെടുത്തിയ നിരോധനം എടുത്തുകളയണം. എത്രയും വേഗം പെണ്‍കുട്ടികളുടെ സ്‌കൂളുകള്‍ തുറക്കണം. മുസ്ലിം രാജ്യങ്ങളിലെ നേതാക്കള്‍ വിഷയത്തില്‍ ഇടപെടണം. പെണ്‍കുട്ടികളെ വിദ്യാഭ്യാസം നേടുന്നത് തടയുന്നതിനെ മതം അംഗീകരിക്കില്ലെന്ന് മുസ്ലിം നേതാക്കള്‍ താലിബാന് വ്യക്തമാക്കി കൊടുക്കണം. ലോകത്ത് പെണ്‍കുട്ടികള്‍ക്ക് വിദ്യാഭ്യാസം തടയുന്ന ഏകരാജ്യം അഫ്ഗാനാണെന്നും മലാലയും സംഘവും അയച്ച കത്തില്‍ പറയുന്നു. മുന്‍ അഫ്ഗാന്‍ സര്‍ക്കാരില്‍ മനുഷ്യാവകാശ കമ്മീഷന്‍ മേധാവിയായിരുന്ന ഷഹര്‍സാദ് അക്ബറും കത്തയച്ച സംഘത്തിലുണ്ട്.

എന്തൊരു ഹാപ്പിയാണ്!! ഈ ചിരിക്ക് പിന്നിലുള്ള രഹസ്യം അറിയുമോ? ലെനയുടെ വൈറല്‍ ഫോട്ടോസ്

അഫ്ഗാനിലെ കുട്ടികള്‍ക്ക് വിദ്യാഭ്യാസത്തിന് ആവശ്യമായ ഫണ്ട് ജി20 രാജ്യങ്ങള്‍ എത്രയും പെട്ടെന്ന് നല്‍കണമെന്ന് മലാലയും സംഘവും ആവശ്യപ്പെട്ടിട്ടുണ്ട്. ഇതുമായി ബന്ധപ്പെട്ട് ആറര ലക്ഷം പേര്‍ ഒപ്പുവച്ച ഒരു പരാതിയും കത്തിനൊപ്പം ഇവര്‍ അയച്ചു. 2012ല്‍ സ്‌കൂള്‍ വിദ്യാര്‍ഥിയായിരിക്കെ സ്വാത് താഴ്‌വരയില്‍ വച്ച് പാകിസ്താനിലെ തെഹ്രീക്കെ താലിബാന്‍കാരുടെ വെടിയേറ്റ വ്യക്തിയാണ് മലാല. അതിന് ശേഷം അവരെ വേഗത്തില്‍ ബ്രിട്ടനിലെത്തിച്ച് ചികില്‍സ നല്‍കിയാണ് ജീവിതത്തിലേക്ക് തിരിച്ചുകൊണ്ടുവന്നത്.

കുട്ടികളുടെ വിദ്യാഭ്യാസ ആവശ്യങ്ങള്‍ക്ക് വേണ്ടിയാണ് മലാല കാര്യമായും ഇടപെടാറ്. ഇന്ന് 24കാരിയാണ് മലാല. മലാല ഫണ്ട് എന്ന പേരില്‍ ഒരു സര്‍ക്കാര്‍ ഇതര സംഘടന പ്രവര്‍ത്തിക്കുന്നുണ്ട്. അഫ്ഗാനിലെ പെണ്‍കുട്ടികളുടെ വിദ്യാഭ്യാസത്തിന് വേണ്ടി 20 ലക്ഷം ഡോളറാണ് ഈ സംഘടന ചെലഴിക്കുന്നത്. അതിനിടെയാണ് അഫ്ഗാനില്‍ ഭരണമാറ്റമുണ്ടായതും താലിബാന്‍ അധികാരത്തിലെത്തിയതും.

Recommended Video