വിമാനത്തിന് വഴിതെറ്റിയാല് പൈലറ്റ് എന്തു ചെയ്യും? എന്തായാലും ഇത് ചരിത്രത്തില് ആദ്യം!! വീഡിയോ വൈറല്
കസാക്കിസ്താനിലാണ് വഴി ചോദിക്കാന് ഹെലികോപ്റ്റര് ഹൈവേയില് ഇറക്കിയത്
അസ്താന: വിമാനത്തിനു വഴിതെറ്റിയാല് പൈലറ്റ് എന്തു ചെയ്യുമെന്ന് ആലോചിച്ചിട്ടുണ്ടോ? എന്തായാലും ഇതു കുറച്ചു കടന്ന കൈ ആയിപ്പോയി. കസാക്കിസ്താനിലാണ് രസകരമായ ഈ സംഭവം നടന്നത്.
സൈനിക വിമാനത്തിനാണ് കനത്ത മഞ്ഞുവീഴ്ചയെ തുടര്ന്ന് വഴിതെറ്റിയത്. ഇതിലുണ്ടായിരുന്ന ട്രെയിനി കൂടിയായ പൈലറ്റ് തുടര്ന്ന് ഹെലികോപ്റ്റര് ഹൈവേയില് ലാന്ഡ് ചെയ്യുകയായിരുന്നു.
ഹൈവേയില് ഇറക്കിയ ഹെലികോപ്റ്ററില് നിന്ന് പുറത്തിറങ്ങിയ പൈലറ്റ് ഓടിയെത്തി ഇതിലൂടെ പോവുകയായിരുന്ന ട്രക്കിന്റെ ഡ്രൈവറോട് വഴി ചോദിക്കുകയായിരുന്നു.
ഡ്രൈവറുമായി പൈലറ്റ് സംസാരിക്കുന്നതിന്റെ ശബ്ദരേഖ പുറത്തുവന്നിട്ടുണ്ട്. അക്തോബിലേക്കു പോവുക എങ്ങനെയാണെന്ന് പൈലറ്റ് ചോദിച്ചപ്പോള് നിങ്ങള് എങ്ങനെ സ്റ്റെപ്പെയില് എത്തിയെന്നു ട്രക്ക് ഡ്രൈവര് ചോദിക്കുന്നുണ്ട്.
പൈലറ്റ് വിമാനം ഹൈവേയില് ഇറക്കിയതിന്റെ വീഡിയോ ചര്ച്ചാ വിഷയമായതോടെ കസാക്കിസ്താന് ആഭ്യന്തരമന്ത്രാലയം വിശദീകരണവുമായി രംഗത്തുവന്നു. ഇതു സൈനിക വിഭാഗത്തിന്റെ വീഴ്ചയല്ലെന്നും പരിശീലനത്തിന്റെ ഭാഗമായുള്ള സംഭവം മാത്രമാണിതെന്നും മന്ത്രാലയം പറയുന്നു.
വീഡിയോ