Click it and Unblock the Notifications
Just In
Don't Miss
-
നിസ്സാര കാര്യത്തിന് പിണങ്ങുന്ന പങ്കാളി, ബ്രേക്ക് അപ്പ് ആകാതെ ബന്ധം കാക്കാന് 7 കാര്യം -
'സിബിന് അഖിലിനെപ്പോലെ വാക്ചാതുര്യമുണ്ട്, കാറുമായി പോയാലും സായിക്കൊന്നും പറ്റില്ല, അഭിഷേകിൽ പ്രതീക്ഷയില്ല' -
ബേസ് മോഡലിന് വരെ ഗംഭീര മൈലേജും ഉഗ്രൻ സേഫ്റ്റിയും; 9 പേർക്ക് അടിച്ച്പൊളിച്ച് പോവാൻ ബൊലേറോ നിയോ പ്ലസ് -
റെക്കോർഡ് വിലയിൽ നിന്നും താഴോട്ടിറങ്ങി സ്വർണം, ഇന്ന് കുറഞ്ഞത് 240 രൂപ, ആഭരണം വാങ്ങാൻ 58,000 നൽകണം -
IPL 2024: 3 വിക്കറ്റിനു ഒരു വിലയുമില്ലേ? അവാര്ഡ് അര്ഹിച്ചത് മുകേഷ്! റിഷഭിന് എന്തിന് കൊടുത്തു -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ -
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്!
പ്രതിഷേധം കനത്തു, വിലക്ക് നീങ്ങി... ബീച്ചില്‍ ഇനി ബിക്കിനിയിട്ടും ബുര്‍ഖിനിയിട്ടും നീന്താം!
പാരീസ്: ശക്തമായ പ്രതിഷേധങ്ങളെത്തുടര്‍ന്ന് ഫ്രാന്‍സിലെ ബുര്‍ഖിനി നിരോധനം പിന്‍വലിച്ചു. ഫ്രഞ്ച് റിപ്പബ്ലിക്കിന്റെ അടിസ്ഥാന തത്വമായ മതേതരത്വത്തെ ബഹുമാനിക്കാത്ത വസ്ത്രം എന്ന് പറഞ്ഞ് സര്‍ക്കാര്‍ നിരോധിച്ച ബുര്‍ഖിനിക്കാണ് കോടതി തുണയായി എത്തിയത്. ശരീരം മുഴുവന്‍ മറയ്ക്കുന്ന നീന്തല്‍ വസ്ത്രമാണ് ബുര്‍ഖിനി. ബിക്കിനി ധരിക്കാന്‍ പറ്റാത്ത മുസ്ലിം സ്ത്രീകള്‍ പകരം ധരിക്കുന്ന വസ്ത്രമാണിത്.
കാന്‍ ഫിലിം ഫെസ്റ്റിവല്‍ നടക്കുന്ന ഫ്രാന്‍സിലെ ഫ്രഞ്ച് റിവിയേറ റിസോര്‍ട്ട് ബീച്ചുകളിലാണ് ബുര്‍ഖിനി ധരിച്ച് പ്രവേശിക്കുന്നത് ആദ്യം വിലക്കിയത്. രാജ്യത്ത് തുടര്‍ച്ചയായി ഉണ്ടാകുന്ന ഭീകരാക്രമണങ്ങളുടെ പശ്ചാത്തലത്തിലാണ് മേയര്‍ ഡേവിഡ് ലിസ്‌നാര്‍ഡിന്റെ ഈ തീരുമാനം എന്നായിരുന്നു റിപ്പോര്‍ട്ടുകള്‍. ബുര്‍ഖിനി നിരോധനത്തെ പിന്തുണച്ചുകൊണ്ട് ഫ്രഞ്ച് പ്രധാനമന്ത്രി മാനുവല്‍ വാല്‍സും രംഗത്ത് വന്നിരുന്നു.
ഔറത്ത് അഥവാ നഗ്‌നത അന്യപുരുഷന്മാര്‍ക്ക് കാണിക്കാനുള്ളതല്ല എന്ന് വിശ്വസിക്കുന്ന മുസ്ലിം സ്ത്രീകളില്‍ പലരും ബിക്കിനി ധരിക്കാന്‍ താല്‍പര്യം പ്രകടിപ്പിക്കാറില്ല. അത്തരക്കാര്‍ക്ക് ബീച്ചില്‍ നീന്താനും മറ്റും ഉപകരിക്കുന്ന വസ്ത്രമാണ് ബുര്‍ഖിനി. ബുര്‍ഖ ധരിക്കുന്നത് പ്രസിഡന്റ് നിക്കോളാസ് സര്‍ക്കോസി മുമ്പ് വിലക്കിയിരുന്നു. ഇതിന് പിന്നാലെയാണ് ബുര്‍ഖിനിയും സര്‍ക്കാര്‍ നിരോധിച്ചത്.
ബീച്ചുകളില്‍ ബുര്‍ഖിനി നിരോധിച്ചതിനെതിരെ വ്യാപകമായ എതിര്‍പ്പുകളാണ് ഉയര്‍ന്നത്. തങ്ങള്‍ എന്ത് ധരിക്കണം എന്ന് തങ്ങളാണ് തീരുമാനിക്കേണ്ടത് എന്നായിരുന്നു പ്രതിഷോധക്കാരുടെ വാദം. മനുഷ്യാവകാശ സംഘടനയായ എല്‍ ഡി എച്ച് കോടതിയില്‍ ഹര്‍ജി നല്‍കി. കഴിഞ്ഞ ദിവസം ബുര്‍ഖിനി ധരിച്ചുവന്ന യുവതിയെ പോലീസ് ബലം പ്രയോഗിച്ച് വസ്ത്രമഴിപ്പിച്ചിരുന്നു. തുടര്‍ന്ന് പ്രതിഷേധം ശക്തമായതോടെയാണ് കോടതി ഇടപെടല്‍.
