ഷേവ് ചെയ്താല്‍ സുന്ദരികളാകാം

മുഖസൗന്ദര്യത്തിനായി ചെയ്യാവുന്ന പണികളൊക്കെ ബ്യൂട്ടി പാര്‍ലറില്‍ ഇരുന്നു ചെയ്യുന്നവരാണ് ഒരുവിഭാഗം സ്ത്രീകള്‍. ആളുകള്‍ക്കിടയിലെത്തുമ്പോള്‍ സൗന്ദര്യവതിയാകാനും പ്രായം കുറച്ചു തോന്നിക്കാനുമൊക്കെ കിട്ടാവുന്ന ക്രീമൊക്കെ മുഖത്ത് പുരട്ടിയാകും ഇത്തരം സ്ത്രീകളുടെ നടപ്പ്. എന്നാല്‍ ജപ്പാനിലെ സ്ത്രീകള്‍ ഇപ്പോള്‍ പുതിയ രീതിയിലാണ് തങ്ങളുടെ സ്ത്രീ സൗന്ദര്യം സംരക്ഷിക്കുന്നത്.

പുരുഷന്മാരെപോലെ ഷേവ് ചെയ്താല്‍ സൗന്ദര്യം കൂടുതല്‍കാലം സംരക്ഷിക്കാമെന്ന് ഇവിടങ്ങളിലുള്ളവര്‍ പറയുന്നു. പറയുകമാത്രമല്ല, അത് സ്ഥിരമായി ചെയ്യുന്നവരുമുണ്ട്. ബ്യൂട്ടി പാര്‍ലറിലെത്തുന്ന സ്ത്രീകള്‍ ഇപ്പോള്‍ ഫേഷ്യല്‍ മാത്രമല്ല ഷേവിംഗും നടത്തുന്നുണ്ടെന്ന് ബ്യൂട്ടിഷ്യന്മാരും സാക്ഷ്യപ്പെടുത്തുന്നു. ആഴ്ചയിലൊരിക്കലും രണ്ടുദിവസം കൂടുമ്പോഴും ഒക്കെ ഷേവ് ചെയ്യുന്നവരുണ്ട്.

സ്ഥിരമായി ഷേവ് ചെയ്യുമ്പോഴുള്ള പ്രശ്‌നങ്ങള്‍ ഒഴിവാക്കാനായി അക്യുപങ്ചര്‍ മസാജും ഷീറ്റ് മാസ്‌ക് ട്രീറ്റുമെന്റും കൂടാതെ ആന്റി ഏജിംഗ്, മോയിസ്ച്വറൈസിംഗ് ക്രീമുകളും പുരട്ടുന്നു. സ്ഥിരമായി ഷേവ് ചെയ്യുന്നവരില്‍ മുഖസൗന്ദര്യം വര്‍ദ്ധിക്കുന്നുണ്ടെന്നാണ് ബ്യൂട്ടിഷ്യന്മാര്‍ പറയുന്നത്. മാത്രമല്ല. മുഖത്ത് ക്രീമുകള്‍ പുരട്ടുന്നത് എളുപ്പമാകുമെന്നും ഇവര്‍ വ്യക്തമാക്കുന്നു.

ഹോളിവുഡ് സുന്ദരിമാരായ മര്‍ലിന്‍ മണ്‍റോയും ലിസ് ടെയ്‌ലറുമൊക്കെ ദിവസവും ഷേവ് ചെയ്യുന്നവരായിന്നത്രെ. അതുകൊണ്ടുതന്നെ ഷേവിംഗ് എന്നത് മോശമായ കാര്യമായി കാണേണ്ടതില്ലെന്നും സ്ത്രീകള്‍ക്ക് ധൈര്യമായി ചെയ്യാമെന്നും ജപ്പാന്‍ സുന്ദരികള്‍ പറഞ്ഞുവെക്കുന്നു.

English summary

Japan Women's Are Shaving Their Faces to Get a Silky