പുരുഷ പങ്കാളിയെ തിരഞ്ഞ് പ്രമുഖ നടന്റെ പരസ്യം വിവാദമാകുന്നു
ഒട്ടാവ: കാമുകനെ കൊന്ന് തിന്ന നടന് ഡേറ്റിംഗ് സൈറ്റില് പുതിയ കാമുകനെ തേടി പരസ്യം നല്കിയത് വിവാദമാകുന്നു. കനേഡിയന് ഗേ പോണ് നായകനായ ലൂക്ക മാഗ്നോട്ടയാണ് പരസ്യം നല്കി വിവാദത്തിലായത്. പങ്കാളിയും എഞ്ചിനീയറിംഗ് വിദ്യാര്ഥിയുമായ ജൂന് ലിന് എന്ന യുവാവിനെ കൊന്ന് തിന്ന കേസില് ശിക്ഷ അനുഭവിയ്ക്കുകയാണ് മാഗ്നോട്ട.
ശിക്ഷയ്ക്കിടെയാണ് തടവുകാര്ക്ക് വേണ്ടിയുള്ള Canadian Inmates Connect Inc. ല് മാഗ്നോട്ട പരസ്യം നല്കിയത്. പങ്കാളിയെ തിരഞ്ഞുള്ള പരസ്യത്തില് പക്ഷേ കൊലപാതകകേസില് ശിക്ഷ അനുഭവിയ്ക്കുന്ന കാര്യം നടന് മറച്ച് വച്ചു. ഇത്തരം പരസ്യം പോസ്റ്റ് ചെയ്തതിനെ സൈറ്റിന്റ ഉടമ മെലിസ ഫാസിന പറഞ്ഞു. സൈറ്റില് പരസ്യം ചെയ്യുന്ന തടവുകാര് അവരുടെ കുറ്റകൃത്യത്തിന്റെ വിവരങ്ങള് പോസ്റ്റ് ചെയ്യേണ്ട ആവശ്യം ഇല്ലെന്നാണ് മെലിസ പറയുന്നത്.
കാമുകനെ കൊന്നശേഷം ഭക്ഷിച്ചതിനാണ് നടന് ശിക്ഷിയ്ക്കപ്പെട്ടത്. ശരീര ഭാഗങ്ങള് ഭക്ഷിയ്ക്കുന്നത് ക്യാമറയില് പകര്ത്തുകയും ചെയ്തു. കാലുകളും കൈകളും വെട്ടിയെടുത്ത് ഒരു പ്രൈമറി സ്കൂളിനും രാഷ്ട്രീയക്കാര്ക്കും അയച്ചുകൊടുക്കുകയും ചെയ്തു. 2012ല് ബെര്ലിന് കഫേയില് വച്ചാണ് നാഗ്നോട്ട അറസ്റ്റ് ചെയ്യപ്പെടുന്നത്. 2035 ല് മാത്രമേ മാഗ്നോട്ടയ്ക്ക് പരോള് ലഭിയ്ക്കുകയുള്ളൂ.