വിവാഹ മോചനം ആവശ്യപ്പെട്ട ഭാര്യയുടെ മുഖം വികൃതമാക്കി, വീഡിയോ
റാബത്ത്: വിവാഹ മോചനം ആവശ്യപ്പെട്ട ഭാര്യയ്ക്ക് ഭര്ത്താവിന്റെ ക്രൂര മര്ദ്ദനം . മൊറോക്കയിലാണ് 18കാരിയായ പെണ്കുട്ടിയുടെ മുഖത്ത് ഭര്ത്താവ് മാരകമായി വെട്ടി പരിക്കേല്പ്പിച്ചത് . 21 വെട്ടുകളാണ് പെണ്കുട്ടിയുടെ മുഖത്ത് ഏറ്റത് .
ഏറെ നാളായി ഭര്ത്താവില് നിന്ന് വിവാഹ മോചനം നേടാന് പെണ്കുട്ടി ആഗ്രഹിച്ചിരുന്നു. ഗാര്ഹിക പീഡനത്തെ തുടര്ന്നാണ് മോചനം ആവശ്യപ്പെട്ടത് . ഏതാനും ദിവസങ്ങള്ക്ക് മുന്പാണ് ഇക്കാര്യം ഭര്ത്താവിനോട് പറഞ്ഞത് . അമീമ അല്മൂസ് എന്നാണ് പെണ്കുട്ടിയുടെ പേര് .
എന്നാല് ഭര്ത്താവിന്റെ മറുപടി അതിക്രൂരമായ മര്ദ്ദനമായിരുന്നു . പെണ്കുട്ടിയെ കറിക്കത്തി കൊണ്ട് മുഖത്ത് തലങ്ങും വിലങ്ങും വെട്ടി . 21 വെട്ടുകളാണ് ഇത്തരത്തില് മുഖത്തേറ്റത്. ഏറെ നേരം വേണ്ടി വന്നു മുറിവുകള് തുന്നി ചേര്ക്കാനെന്ന് ഡോക്ടര്മാര് പറഞ്ഞു .
സംഭവത്തിന് ശേഷം യുവതിയെ അനുനയിപ്പിയ്ക്കാനും തനിയ്ക്കെതിരായ കേസുകള് പിന്വലിയ്ക്കാനും ആവശ്യപ്പെട്ട് ഭര്ത്താവ് രംഗത്തെത്തിയിട്ടുണ്ട് . എന്നാല് തനിയ്ക്ക് വിവഹമോചനം വേണമെന്നും കേസുകള് പിന്വലിയ്ക്കില്ലെന്നും യുവതി പറയുന്നു .