അവിഹിതബന്ധം, സുഹൃത്തുമൊത്ത് സെല്ഫിയെടുത്ത് വാട്സ്ആപ്പ് പ്രൊഫൈലാക്കി, പിന്നീട് കൊന്നു!
ഡെറാഡൂണ്: വിവാഹിതയായ സുഹൃത്തിനൊപ്പം സെല്ഫിയെടുത്ത 27കാരന് പിന്നീട് യുവതിയെ കൊന്നു. ആശിഷ് കുമാര് ഏലിയാസ് മോനു എന്ന യുവാവ് ഗുര്പ്രീത് കൗര് എന്ന യുവതിയെയാണ് തേയില തോട്ടത്തില്വെച്ച് കൊന്നത്. ഡെറാഡൂണിലെ പ്രേംനഗറിലാണ് ഞെട്ടിക്കുന്ന സംഭവം നടന്നത്. മോനു എന്ന യുവാവ് സുഹൃത്തായ ഗുര്പ്രീത് കൗറിനൊപ്പം തേയില തോട്ടത്തില്വെച്ച് സെല്ഫിയെടുക്കുകയായിരുന്നു.
ആ സെല്ഫി യുവാവ് തന്റെ വാട്സ്ആപ്പില് പ്രൊഫൈല് ഫോട്ടോവായി വെക്കുകയും ചെയ്തു. തുടര്ന്നാണ് യുവതിയെ കൊലപ്പെടുത്തുന്നത്. തേയില തോട്ടത്തില്വെച്ച് സെല്ഫിയെടുക്കുകയും അതു പോസ്റ്റ് ചെയ്യുകയും ചെയ്തതിനുശേഷം ഇരുവരും മടങ്ങവെയാണ് കൊലപാതകം നടക്കുന്നത്. യുവാവ് യുവതിയെ ശ്വാസം മുട്ടിച്ച് കൊല്ലാന് ശ്രമിക്കുകയായിരുന്നു.
പിന്നീട്, മൂര്ച്ചയുള്ള ആയുധമുപയോഗിച്ച് യുവതിയുടെ കഴുത്തില് കുത്തുകയും ചെയ്തു. യുവതിയുടെ കരച്ചില് കേട്ട് തോട്ടം തൊഴിലാളികള് ഓടിയെത്തിയെങ്കിലും യുവാവ് രക്ഷപ്പെട്ടിരുന്നു. ഗുര്പ്രീതിനെ ആശുപത്രിയില് എത്തിച്ചെങ്കിലും രക്ഷിക്കാനായില്ല.
ഇരുവരും തമ്മില് അവിഹിത ബന്ധമുണ്ടായിരുന്നുവെന്ന് പറയപ്പെടുന്നു. എന്നാല്, ഗുര്പ്രീത് എന്ന യുവതിക്ക് മറ്റുള്ളവരുമായി അടുപ്പമുണ്ടെന്നുള്ള വാര്ത്തയാണ് മോനുവിനെ കൊലപാതകിയാക്കിയത്. യുവതിയെ കൊന്ന കാര്യം മോനു സുഹൃത്തുക്കളോട് മെസേജ് അയച്ച് അറിയിച്ചിരുന്നതായും പോലീസ് വ്യക്തമാക്കുന്നു.