മെറി ക്രിസ്മസിന് പകരം മുസ്ലിം സ്ത്രീ പറഞ്ഞത് ഹാപ്പി ഹോളി ഡേ! പിന്നെ സംഭവിച്ചത്
മെറിക്രിസ്മസ് പറയാത്തതിന് സ്ത്രീക്കു നേരെ ആക്രമണം. പെര്ത്തിലെ ഷോപ്പിങ് മാളിലാണ് സംഭവം. മെറിക്രിസ്മസിന് പകരം സ്ത്രീ പറഞ്ഞത് ഹാപ്പി ഹോളിഡേ.
പെര്ത്ത് : ഒരു മെറി ക്രിസ്മസ് പറയുന്നതിലൊക്കെ എന്തിരിക്കുന്നു എന്ന് ചിന്തിക്കുന്നവര് ഇതൊന്നു കേള്ക്കൂ. മെറിക്രിസ്മസ് പറയാത്തതിന് മുസ്ലിം സത്രീക്ക് നേരിടേണ്ടി വന്നത് ക്രൂര മര്ദനം. പെര്ത്തിലാണ് സംഭവം. മര്ദനത്തിനു പുറമെ യുവതിക്കു നേരെ അസഭ്യ വര്ഷവുമുണ്ടായി.
വെള്ളിയാഴ്ച പെര്ത്തിലെ ഷോപ്പിങ്മാളിലാണ് സംഭവമുണ്ടായത്.രാത്രി എട്ടരയോടെയാണ് സംഭവം ഷോപ്പിങ് മാളിലൂടെ നടന്നു പോകുന്നതിനിടെ സ്ത്രീയോട് ഒരു യുവാവ് മെറി ക്രിസ്മസ് എന്ന് പറയുകയുണ്ടായി. ഇതിന് മറുപടിയായി ഇവര് ഹാപ്പി ഹോളി ഡേ എന്നാണ് പറഞ്ഞത്. ഇതാണ് യുവാവിനെ പ്രകോപിപ്പിച്ചത്.
മെറി ക്രിസ്മസ് എന്ന് തന്നെ പറയണം എന്ന് പറഞ്ഞു കൊണ്ട് യുവാവ് ഇവരെ ആക്രമിക്കുകയായിരുന്നു. ഇവരുടെ ശിരോവസ്ത്രം യുവാവ് തട്ടിയെടുത്തു. ആദ്യം അസഭ്യം പറഞ്ഞ ശേഷം കൈയിലുണ്ടായിരുന്ന ബിയര്ബോട്ടില് കൊണ്ട് അടിക്കുകയായിരുന്നു.
സംഭവവുമായി ബന്ധപ്പെട്ട് പോലീസ് അന്വേഷണം ആരംഭിച്ചു. 25-35 വയസിന് ഇടയില് പ്രായമുള്ളയാളാണ് ആക്രമിച്ചതെന്നാണ് ഇവര് പറയുന്നത്.