Click it and Unblock the Notifications
Just In
Don't Miss
-
IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഏറ്റവും പഴക്കമേറിയ ഖുറാന് മുഹമ്മദ് നബിയേക്കാള്‍ പ്രായമോ...?
ബിര്‍മിങ്ഹാം: ഇസ്ലാം മതവിശ്വാസികള്‍ക്ക് ഏറെ സന്തോഷം നല്‍കുന്ന വാര്‍ത്തയായിരുന്നു അത്- ലോകത്തിലെ ഏറ്റവും പഴക്കം ചെന്ന ഖുറാന് കണ്ടെത്തിയെന്നത്. അതും മുഹമ്മദ് നബിയുടെ കാലത്തുള്ള ഖുറാന്.
എന്നാല്‍ ഇതിനൊപ്പം തന്നെ പുതിയൊരു വിവാദവും തുടങ്ങിയിരിയ്ക്കുന്നു. ആ ഖുറാന് മുഹമ്മദ് നബിയേക്കാള്‍ പ്രായമുണ്ടോ എന്നാണ് ചോദ്യം. കാര്‍ബണ്‍ ഡേറ്റിംഗ് നടത്തിയപ്പോള്‍ കണ്ടെത്തിയ വിവരങ്ങള്‍ ഇങ്ങനെ ചില സംശയങ്ങള്‍ ജനിപ്പിയ്ക്കുന്നുണ്ട്. ബര്‍മിങ്ഹാം യൂണിവേഴ്‌സിറ്റിയാണ് ഖുറാന്റെ ഏറ്റവും പഴയ പ്രതി കണ്ടെത്തിയിരിയ്ക്കുന്നത്.
എത്ര പഴക്കം
1,370 വര്‍ഷമെങ്കിലും പഴക്കമുള്ള ഖുറാന്റെ പ്രതിയാണ് ഇപ്പോള്‍ ഇപ്പോള്‍ കണ്ടെത്തിയിരിയ്ക്കുന്നത്. കാര്‍ബണ്‍ ഡേറ്റിംഗ് നടത്തിയാണ് കാലപ്പഴക്കം നിര്‍ണയിച്ചിരിയ്ക്കുന്നത്.
പുതഞ്ഞുകിടന്ന രഹസ്യം
ബര്‍മിങ്ഹാം സര്‍വ്വകലാശാല ലൈബ്രറിയില്‍ ഏതാണ്ട് ഒരു നൂറ്റാണ്ടോളമായി ഈ ഖുറാന് എത്തിയിട്ട്. പക്ഷേ അടുത്തിടെ മാത്രമാണ് അതിന്റെ മൂല്യം മനസ്സിലായത്.
ആട്ടിന്‍ തോലില്‍
ആട്ടിന്‍ തോലില്‍ ആണ് ഈ ഖുറാന് എഴുതപ്പെട്ടിരിയ്ക്കുന്നത്.
കാലഘട്ടം
ഓക്‌സ്‌ഫോര്‍ഡ് സര്‍വ്വകലാശാലയിലെ റേഡിയോ കാര്‍ബണ്‍ ആക്‌സിലറേറ്റര്‍ യൂണിറ്റില്‍ നടത്തിയ കാര്‍ബണ്‍ഡേറ്റിംഗ് പ്രകാരം ഈ ഖുറാന് എഴുതപ്പെട്ടിരിയ്ക്കുന്ന ആട്ടിന്‍ തോല്‍ എഡി 568 നും 645 നും ഇടയിലുള്ളതാണ്.
ഖുറാന്റെ പ്രായം
മുഹമ്മദ് നബിയുടെ അവസാനത്തെ 23 വര്‍ഷങ്ങളിലാണ് ഖുറാന് അവതരിപ്പിയ്ക്കപ്പെട്ടത് എന്നാണ് വിശ്വാസം. ആദ്യ ഖലീഫയായ അബൂബക്കറിന്റെ കാലത്താണ് ഖുറാന് ക്രോഡീകരിയ്ക്കപ്പെട്ടതെന്നാണ് കരുതുന്നത്.
പ്രവാചകന്റെ കാലം
ഇപ്പോള്‍ കണ്ടെത്തിയ ഖുറാന് ഒരു പക്ഷേ പ്രവാചകന്റെ കാലത്ത് തന്നെ എഴുതപ്പെട്ടതാകാം എന്നാണ് സര്‍വ്വകാലാശാലയിലെ പ്രൊഫസര്‍ ആയ ഡോ ഡേവിഡ് തോമസ് പറയുന്നത്. ഒരു പക്ഷേ എഴുതിയ ആള്‍ക്ക് പ്രവാചകനെ നേരിട്ട് അറിയാമായിരുന്നിരിയ്ക്കണം എന്നും പറയുന്നു.
ഹിജാസി ലിപി
ഇപ്പോള്‍ ലഭ്യമായ ഖുറാന് പതിപ്പില്‍ ഉപയോഗിച്ചിരിയ്ക്കുന്നത് ഹിജാസി ലിപിയാണ്.
ആട്ടിന്‍ തോലിന്റെ പഴക്കം
ഖുറാന് എഴുതപ്പെട്ട ആട്ടിന്‍ തോലിന്റെ പഴക്കം മാത്രമാണ് ഇപ്പോള്‍ നിര്‍ണയിക്കപ്പെട്ടിട്ടുള്ളത്. അതില്‍ ഉപയോഗിച്ചിരിയ്ക്കുന്ന മഷിയുടെ പഴക്കം നിര്‍ണയിച്ചിട്ടില്ല. അതുകൊണ്ട് തന്നെ പ്രവാചകനേക്കാള്‍ പഴക്കം ഈ ഖുറാന് ഉണ്ടെന്ന് വാദിയ്ക്കാന്‍ കഴിയില്ല.
എഴുത്ത് തോലുകള്‍
എഴുതാന്‍ ഉപയോഗിയ്ക്കുന്ന മൃഗത്തോലുകള്‍ സൂക്ഷിച്ചുവയ്ക്കുന്ന രീതി അക്കാലത്ത് തന്നെ ഉണ്ടായിരുന്നതായാണ് പറയപ്പെടുന്നത്. ഒരു പക്ഷേ ഏറെ വര്‍ഷങ്ങള്‍ക്ക് മുമ്പ് തയ്യാറാക്കിയ മൃഗത്തോലില്‍ ആയിരിക്കാം പിന്നീട് ഈ ഖുറാന് എഴുതപ്പെട്ടത് എന്നും വാദമുണ്ട്.
വിവാദം, ചര്‍ച്ച
ബിബിസി ആയിരുന്നു ഈ വാര്‍ത്ത ആദ്യം പുറത്ത് വിട്ടത്. പിന്നീട് ഡെയ്‌ലി മെയില്‍ അടക്കമുള്ള പല ഓണ്‍ലൈന്‍ മാധ്യമങ്ങളും വാര്‍ത്ത നല്‍കി. ഇതോടെ ഓണ്‍ലൈന്‍ ലോകത്ത് ചര്‍ച്ചയും മുറുകി.
