Click it and Unblock the Notifications
Just In
Don't Miss
-
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ' -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പാകിസ്താനില്‍ 2 തീവ്രവാദികളെ വധശിക്ഷയ്ക്ക് വിധേയരാക്കി
ഇസ്ലാമാബാദ്: പാകിസ്താനില്‍ വീണ്ടും വധശിക്ഷ നടപ്പിലാക്കി. രണ്ട് തീവ്രവാദികളെയാണ് പാകിസ്താനില്‍ വധശിക്ഷയ്ക്ക് വിധേയരാക്കിയത്. 2008 ന് ശേഷം ഇതാദ്യമായാണ് പാകിസ്താനില്‍ വധശിക്ഷ നടപ്പാക്കുന്നത്. പെഷവാര്‍ സ്‌കൂളിലെ ഭീകരവാദി ആക്രമണത്തെ തുടര്‍ന്നാണ് വധശിക്ഷ വീണ്ടും നടപ്പിലാക്കാന്‍ പാകിസ്താന്‍ തീരുമാനിച്ചത്.
മുന്‍ പ്രസിഡണ്ടും പട്ടാളമേധാവിയുമായിരുന്ന പര്‍വേസ് മുഷാറഫിനെ കൊലപ്പെടുത്താന്‍ ശ്രമിച്ച കേസിലെ പ്രതിയാണ് വധശിക്ഷയ്ക്ക് വിധേയനാക്കപ്പെട്ടവരില്‍ ഒരാള്‍. അര്‍ഷാദ് മെഹ്മൂദ് എന്നാണ് ഇയാളുടെ പേര്. 2003 ല്‍ റാവല്‍പിണ്ടിയിലാണ് ഇയാള്‍ മുഷറഫിനെ വധിക്കാന്‍ ശ്രമം നടത്തിയത്. റാവല്‍പിണ്ടി ഹെഡ്ക്വാര്‍ട്ടേഴ്‌സ് ആക്രമണത്തിനിടെ പിടിയിലായ അക്വീല്‍ എന്ന ഡോ. ഉസ്മാനാണ് വധശിക്ഷയ്ക്ക് വിധേയനാക്കപ്പെട്ടവരിലെ രണ്ടാമന്‍.
വെള്ളിയാഴ്ച ഫൈസലാബാദിലാണ് ഇരുവരെയും വധശിക്ഷയ്ക്ക് വിധേയരാക്കിയത്. വധശിക്ഷ നടപ്പിലാക്കുന്നത് വീണ്ടും ആരംഭിക്കാനുള്ള പാക് തീരുമാനത്തോട് ഐക്യരാഷ്ട്ര സഭ നേരത്തെ വിയോജിച്ചിരുന്നു. എട്ടായിരം പേരാണ് പാകിസ്താനില്‍ വധശിക്ഷയ്ക്ക് വിധിക്കപ്പെട്ട് മരണം കാത്തുകിടക്കുന്നത്. ലോകത്തെ ഏറ്റവും കൂടുതലാണിത്. പെഷവാറിലെ ആക്രമണത്തെ തുടര്‍ന്നാണ് വധശിക്ഷ വീണ്ടും നടപ്പിലാക്കാന്‍ പാകിസ്താന്‍ പ്രധാനമന്ത്രി നവാസ് ഷെരീഫ് തീരുമാനിച്ചത്.
തീവ്രവാദികള്‍ക്കെതിരായ രാജ്യത്തിന്റെ പോരാട്ടത്തിന് കരുത്തുപകരുന്നതാണ് രണ്ട് തീവ്രവാദികളെ വധശിക്ഷയ്ക്ക് വിധേയരാക്കിയ സംഭവം എന്ന് പഞ്ചാബ് പ്രവിശ്യ ആഭ്യന്തരമന്ത്രി ഷുജ ഖന്‍സാദ പറഞ്ഞു. ആറ് തീവ്രവാദികളുടെ വധശിക്ഷ നടപ്പിലാക്കാന്‍ ആര്‍മി തലവന്‍ ഒപ്പുവച്ചതായി റിപ്പോര്‍ട്ടുകളുണ്ട്. ഏതാനും ദിവസങ്ങള്‍ക്കകം പാകിസ്താന്‍ 3000 തീവ്രവാദികളെ വധശിക്ഷയ്ക്ക് വിധേയരാക്കും എന്ന് റിപ്പോര്‍ട്ടുകളുണ്ടായിരുന്നു.
