മോദിയെ സ്വാഗതം ചെയ്യുന്നത് ഹിന്ദിയില്, ട്രംപിനെ ഹിന്ദി പഠിപ്പിക്കുന്നത്
പ്രധാനമന്ത്രി നരേന്ദ്രമോദിയുമായുള്ള ആദ്യ കൂടികാഴ്ചയില് അമേരിക്കന് പ്രസിഡണ്ട് ഡോണാള്ഡ് ട്രംപ് ഹിന്ദിയില് സ്വാഗതം ചെയ്യും.
വാഷിങ്ടണ്: പ്രധാനമന്ത്രി നരേന്ദ്രമോദിയുമായുള്ള ആദ്യ കൂടികാഴ്ചയില് അമേരിക്കന് പ്രസിഡണ്ട് ഡോണാള്ഡ് ട്രംപ് ഹിന്ദിയില് സ്വാഗതം ചെയ്യും. ട്രംപ് അധികാരത്തില് എത്തിയതിന് ശേഷം നരേന്ദ്രമോദി നടത്തിയ ആദ്യ കൂടികാഴ്ചയാണിത്.
നരേന്ദ്രമോദിയെ സ്വാഗതം ചെയ്യാനായി ട്രംപ് പ്രത്യേകമായി ഹിന്ദി പഠിച്ചതായി റിപ്പോര്ട്ടുകളുണ്ട്. ചിക്കാഗോയിലെ ഇന്ത്യന് വ്യവസായി ശലഭ്കുമാറാണ് ട്രംപിനെ ഹിന്ദി പഠിപ്പിക്കാന് സഹായിക്കുന്നതെന്നാണ് സൂചനകള്.
ഇന്ത്യന് സമയം 1.20ന് വൈറ്റ് ഹൗസില് വെച്ചാണ് നരേന്ദ്രമോദിയും അമേരിക്കന് പ്രസിഡണ്ട് ഡൊണാള്ഡ് ട്രംപും തമ്മില് കൂടികാഴ്ച നടത്തുക. അഞ്ചു മണിക്കൂറോളമാണ് കൂടികാഴ്ച. എച്ച് 1 ബി വിസ നിയന്ത്രണം, വംശീയ ആക്രമണം തുടങ്ങിയ വിഷയങ്ങള് ചര്ച്ച ചെയ്യും.
ഞായറാഴ്ച വിവിധ ബിസിനസ് ഗ്രൂപ്പുകളുടെ എക്സിക്യൂട്ടീവുമാരായി നരേന്ദ്രമോദി ചര്ച്ച നടത്തി. ട്രംപുമായുള്ള കൂടികാഴ്ചയ്ക്ക് ശേഷം ഉന്നത ഉദ്യോഗസ്ഥരുമായി ചര്ച്ച നടത്തുന്നുണ്ട്. അതിന് ശേഷം വൈറ്റ് ഹൗസില് നടക്കുന്ന വിരുന്നിലും മോദി പങ്കെടുക്കും.