കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ചുംബനത്തിനും ആലിംഗനത്തിനുമായി പ്രത്യേക ഇടം

  • By Gokul
Google Oneindia Malayalam News

പൊതുസ്ഥലത്തുനിന്നുള്ള ചുംബനവും ആലിംഗനവുമെല്ലാം കാഴ്ചക്കാര്‍ക്ക് അരോചകമുണ്ടാക്കുമെങ്കില്‍ ഇതിനായി പ്രത്യേക ഇടമുണ്ടായാലോ. ഇത്തരമൊരു കേന്ദ്രം സ്ഥാപിച്ച് ശ്രദ്ധേയയായിരിക്കുകയാണ് അമേരിക്കക്കാരിയായ സാമന്ത. പോര്‍ട്‌ലാന്റിലെ ഓറിഗോണിലാണ് സാമന്തയുടെ ചുംബനകേന്ദ്രം. ഇവിടെവെച്ച് ആരെയും ഭയക്കാതെ ചുംബിക്കുകയോ ആലിഗനം ചെയ്യുകയോ ചെയ്യാം.

ജീവിതത്തിലെ പല പ്രധാനപ്പെട്ട കാര്യങ്ങളും തിരക്കിനിടയില്‍ നമുക്ക് നഷ്ടപ്പെടുന്നുണ്ട്. അത്തരം നഷ്ടപ്പെടലുകളെ തിരിച്ചുപിടിക്കാനാണ് ഇത്തരം ഒരു കേന്ദ്രം ആരംഭിച്ചതെന്ന് സാമന്ത പറയുന്നു. ചുംബന കേന്ദ്രത്തില്‍ വെറുതെ ആര്‍ക്കും കയറിച്ചെല്ലാന്‍ കഴിയില്ല. 60 ഡോളറാണ് ഒരു മണിക്കൂര്‍ നേരത്തെ ഫീസ്. ഫീസ് അല്‍പം കൂടുതലാണെങ്കിലും ഒരിക്കല്‍ വന്നവര്‍ ആ നിമിഷങ്ങളെ പിന്നീട് മറക്കില്ലെന്ന് സാമന്ത പറഞ്ഞു.

love-and-affection

പ്രണയ ചേഷ്ടകള്‍ക്കനുസരിച്ച് മനോഹരമാക്കിയ സ്ഥലത്ത് ചുംബിക്കുകയോ ആലിംഗനം ചെയ്യുകയോ കെട്ടിപ്പിടിച്ച് കിടക്കുകയോ ഒക്കെ ചെയ്യാം. എന്നാല്‍ അവസരം മുതലെടുത്ത് ലൈംഗിക ബന്ധത്തിലേര്‍പ്പെടാന്‍ വരുന്നവരെ ഉടന്‍ പുറത്താക്കും. സന്ദര്‍ശകരെ നിരീക്ഷിക്കാന്‍ ക്യാമറകള്‍ സ്ഥാപിച്ചിട്ടുള്ളതിനാല്‍ അതിരുകടന്നു സ്‌നേഹപ്രകടനങ്ങള്‍ നടക്കില്ല.

തന്റെ കൂട്ടുകാരിയോ കൂട്ടുകാരനുമായോ ഇവിടെ എത്തുന്നവര്‍ ഏറെ സന്തോഷത്തോടെയാണ് മടങ്ങിപ്പോകുന്നതെന്നും ഇവിടെ ചിലവിടുന്ന ഓരോ നിമിഷവും അവര്‍ക്ക് സ്വാതന്ത്ര്യവും സ്വകാര്യതയും ലഭിക്കുന്നുണ്ടെന്നും സാമന്ത പറഞ്ഞു. ഇക്കാര്യങ്ങളെല്ലാം വിശദീകരിച്ച് ദി പവര്‍ ഓഫ് ഹ്യൂമന്‍ കണക്ഷന്‍ എന്ന പേരില്‍ ഒരു പുസ്തകവും സാമന്ത പുറത്തിറക്കിയിട്ടുണ്ട്.

English summary
Portland woman sells hugs and kiss for people feeling down
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X