കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അഗ്യൂറോയുടെ ഹെയര്‍കട്ട്; വിദ്യാര്‍ഥിയെ സ്‌കൂളില്‍ നിന്നും പുറത്താക്കി

  • By Anwar Sadath
Google Oneindia Malayalam News

മാഞ്ചസ്റ്റര്‍: മാഞ്ചസ്റ്റര്‍ സിറ്റിയുടെ സൂപ്പര്‍ താരം സെര്‍ജിയോ അഗ്യൂറോയെ അനുകരിച്ച് ഹെയര്‍ കട്ട് ചെയ്ത പതിനൊന്നുകാരനായ വിദ്യാര്‍ഥിയെ സ്‌കൂളില്‍ നിന്നും പുറത്താക്കി. ഗ്രേറ്റര്‍ മാഞ്ചസ്റ്ററിലെ ആഷ്‌ലി സ്‌പോര്‍ട്‌സ് കോളേജിലെ വിദ്യാര്‍ഥിയായ ഗാരി ജൂനിയര്‍ ആണ് സ്‌കൂളില്‍ നിന്നും പുറത്താക്കപ്പെട്ടത്. വിദ്യാര്‍ഥിയുടെ ഷൂ സ്‌കൂള്‍ നിലവാരത്തിലുള്ളതല്ലെന്നും അധികൃതര്‍ വ്യക്തമാക്കി.

പുതിയ സ്‌കൂളില്‍ ആദ്യത്തെ ദിവസം വളരെ സന്തോഷത്തോടെയായിരുന്നു ഗാരി ഹില്ലിന്റെ മകന്‍ ഗാരി ജൂനിയര്‍ എത്തിയത്. എന്നാല്‍, ഹെയര്‍കട്ട് ശ്രദ്ധയില്‍പ്പെട്ടതോടെ ക്ലാസ് ടീച്ചര്‍ ഗാരിയെ അടുത്തുവിളിച്ചു ഇത് സ്‌കൂള്‍ നിയമത്തിന് എതിരാണെന്ന് പറഞ്ഞു. സ്വയം നാണം കെടുത്തുകയാണോയെന്ന് ടീച്ചര്‍ വിദ്യാര്‍ഥിയോട് ചോദിക്കുകയും ചെയ്തു.

sergioaguero

ക്ലാസ് ടീച്ചര്‍ വിദ്യാര്‍ഥിയെ സ്റ്റാഫ് റൂമിലെത്തിച്ച് കളിയാക്കിയതായും കുട്ടിയുടെ പിതാവ് പിന്നീട് പറഞ്ഞു. സ്റ്റാഫ് റൂമില്‍വെച്ച് കുട്ടിയുടെ അമ്മയെയും അച്ഛനെയും പ്രിന്‍സിപ്പല്‍ വളിച്ചുവരുത്തി. വിദ്യാര്‍ഥിയുടെ ഹെയര്‍ സ്റ്റൈലും ഷൂസും മാറ്റാതെ സ്‌കൂളില്‍ പ്രവേശിപ്പിക്കാന്‍ കഴിയില്ലെന്നായിരുന്നു പ്രിന്‍സിപ്പലിന്റെ നിര്‍ദ്ദേശം.

വിദ്യാര്‍ഥിയുമായി വീട്ടിലേക്ക് മടങ്ങിയ പിതാവ് ഉച്ചയോടെ ഹെയര്‍സ്‌റ്റൈല്‍ മാറ്റി പുതിയ ഷൂസും ധരിപ്പിച്ച് മകനെ സ്‌കൂളിലേക്ക് തിരിച്ചയക്കുകയായിരുന്നു. സ്‌കൂള്‍ അധികൃതരുടെ ഇത്തരം നിയമങ്ങള്‍ അമ്പരപ്പിക്കുന്നതാണെന്ന് പിതാവ് പറഞ്ഞു. വിലകൂടിയ ഷൂസ് തന്നെയാണ് മകന്‍ ധരിച്ചത്. എന്നാല്‍, മകന്‍ അവഹേളിക്കപ്പെടുകയാണ് ഉണ്ടായതെന്ന് അദ്ദേഹം കുറ്റപ്പെടുത്തി.

English summary
Sergio Aguero haircut; student sent home from school
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X