ഇൻഡ്യാനപൊളിസിലെ ഫെഡെക്സ് വെയര് ഹൗസില് വെടിവെപ്പ്: അക്രമി ഉള്പ്പടെ 8 പേര് കൊല്ലപ്പെട്ടു
ന്യൂയോര്ക്ക്: അമേരിക്കയില് വെടിവെപ്പില് എട്ടുപേര് കൊല്ലപ്പെട്ടു. ഇൻഡ്യാനപൊളിസിലെ ഫെഡെക്സ് വെയര് ഹൗസില് വ്യാഴാഴ്ച വൈകീട്ടോടെയാണ് ആക്രമണം നടന്നത്. അക്രമത്തില് നിരവധി പേര്ക്ക് പരിക്കേറ്റു. മൃതദേഹങ്ങളും പരിക്കേറ്റവരേയും സമീപ പ്രദേശത്തെ ആശുപത്രികളിലേക്ക് മാറ്റിയതായി പോലീസ് വക്താവ് ജെനെ കുക്ക് വെള്ളിയാഴ്ച പുലർച്ചെ നടത്തിയ വാർത്താ സമ്മേളനത്തിൽ വ്യക്തമാക്കി. ഗുരുതര പരുക്കേറ്റ ഒരാൾ ഉൾപ്പെടെയുള്ളവരെയാണ് ആശുപത്രിയിൽ പ്രവേശിപ്പിച്ചത്. ചിലരെ സംഭവ സ്ഥലത്ത് നിന്ന് തന്നെ പ്രാഥമിക ശുശ്രൂശകള് നല്കി വീട്ടിലേക്ക് വിട്ടതായും പോലീസ് വ്യക്തമാക്കി.
അക്രമത്തില് പൊലീസുകാര്ക്ക് ആര്ക്കും പരിക്കേറ്റിട്ടില്ല. വിവരം അറിഞ്ഞ് പൊലീസ് സംഭവ സ്ഥലത്ത് എത്തുമ്പോഴും വെടിവെയ്പ്പ് നടക്കുന്നുണ്ടായിരുന്നെന്നും പോലീസ് വക്താവ് ജെനെ കുക്ക് വ്യക്തമാക്കി. പ്രാദേശിക സമയം രാത്രി 11 നായിരുന്നു വെടിവെപ്പുണ്ടായത്. ഇൻഡ്യാനപോളിസ് നഗരത്തിലെ എയർപോർട്ടിനടുത്താണ് ആക്രമണമുണ്ടായ ഫെഡെക്സ് വെയര് ഹൗസ് സ്ഥിതി ചെയ്യുന്നത്. വെടിവെപ്പിന് പിന്നിലെ കാരണം ഇതുവരെ വ്യക്തമല്ല. ഫെഡക്സിലെ ജീവനക്കാരനാണോ വെടിവെപ്പിന് പിന്നിലെന്ന് ഇപ്പോൾ പറയാനാകില്ലെന്നാണ് അധികൃതര് വ്യക്തമാക്കിയത്.
റമദാന് വ്രതം ആരംഭിച്ചു, രാജ്യത്തെ വിവിധയിടങ്ങളില് നിന്നുള്ള നോമ്പുതുറ ചിത്രങ്ങള് കാണാം
അന്വേഷണത്തില് അധികൃതരുമായി മികച്ച രീതിയില് സഹകരിക്കുന്നുണ്ടെന്ന് വ്യക്തമാക്കി ഫെഡെക്സ് കമ്പനി അധികൃതരും രംഗത്ത് എത്തിയിട്ടുണ്ട്. സംഭവത്തില് പോലീസ് അന്വേഷണം ആരംഭിച്ചു. അന്വേഷണം മികച്ച രീതിയില് പുരോഗമിക്കുകയാണെന്നും കൂടുതല് വിവരങ്ങള് ഉടന് തന്നെ പുറത്ത് വിടാന് കഴിയുമെന്നാണ് പ്രതീക്ഷിക്കുന്നതെന്നും പൊലീസ് വ്യക്തമാക്കി.
കാഷ്വൽ ലുക്കിൽ തമന്ന ഭാട്ടിയ, ചിത്രങ്ങൾ കാണാം
Recommended Video