അമേരിക്കയില്‍ ഇലക്ട്രോണിക് ഉപകരണങ്ങള്‍ക്ക് വിലക്ക്!പരിധിയില്‍ എട്ട് രാജ്യങ്ങള്‍,പകയൊടുങ്ങാതെ ട്രംപ്

  • Written By:
Subscribe to Oneindia Malayalam

വാഷിംഗ്ടണ്‍: വിമാനങ്ങളില്‍ ഇലക്ട്രോണിക് ഉപകരണങ്ങള്‍ക്ക് വിലക്കേര്‍പ്പെടുത്താനുള്ള നീക്കവുമായി അമേരിക്ക. ലഗേജിനൊപ്പം യാത്രക്കാര്‍ സൂക്ഷിക്കുന്ന ലാപ്‌ടോപ്പ്, ഐപാഡ്, ക്യാമറ തുടങ്ങിയ ഉപകരണങ്ങള്‍ക്കായിരിക്കും വിലക്ക്. ചൊവ്വാഴ്ച മുതലാണ് താല്‍ക്കാലിക വിലക്ക് പ്രാബല്യത്തില്‍ വരുന്നത്. എന്നാല്‍ വിലക്കിനുള്ള കാരണം യുഎസ് അധികൃതര്‍ വെളിപ്പെടുത്തിയിട്ടില്ല. റോയല്‍ ജോര്‍ദാനിയന്‍ എയര്‍ലൈന്‍സും സൗദി വാര്‍ത്താ ഏജന്‍സിയും തിങ്കളാഴ്ച പുറത്തിറക്കിയ പ്രസ്താവനയിലാണ് ഇക്കാര്യം വ്യക്തമാക്കുന്നത്.

എട്ട് രാജ്യങ്ങളിലെ അമേരിക്കയിലേക്ക് സര്‍വ്വീസുള്ള 10 വിമാനത്താവളങ്ങളില്‍ നിന്നുള്ള യാത്രക്കാര്‍ക്കാണ് ഈ വിലക്ക് ബാധകമായിരിക്കുക. ഈജിപ്തിലെ കെയ്‌റോ, ജോര്‍ദാനിലെ അമ്മാന്‍, കുവൈത്തിലെ കുവൈത്ത് സിറ്റി, മൊറോക്കോയിലെ കാസബ്ലാങ്ക, ഖത്തറിലെ ദോഹ, സൗദി അറേബ്യയിലെ ജിദ്ദ, റിയാദ്, തുര്‍ക്കിയിലെ ഇസ്താന്‍ബുള്‍, യുഎഇയിലെ ബുദാബി, ദുബായ് എന്നീ വിമാനത്താവളങ്ങളില്‍ നിന്ന് അമേരിക്കയിലേയ്ക്ക് പുറപ്പെടുന്ന വിമാനങ്ങളിലാണ് വിലക്ക്. ഏഴ് എയര്‍ലൈനുകളെ വിലക്ക് കാര്യമായി ബാധിക്കുമെന്നാണ് അമേരിക്കന്‍ അധികൃതര്‍ ചൂണ്ടിക്കാണിക്കുന്നു.

10-1441826571

എന്നാല്‍ മൊബൈല്‍ ഫോണുകള്‍ മെഡിക്കല്‍ ഉപകരണങ്ങള്‍ എന്നിവയെ വിലക്കില്‍ നിന്ന് ഒഴിവാക്കിയതായി റോയല്‍ ജോര്‍ദാനിയന്‍ എയര്‍ലൈന്‍സ് ചൂണ്ടിക്കാണിക്കുന്നു. ബുധനാഴ്ച അമേരിക്കയില്‍ നടക്കാനിരിക്കുന്ന ഐസിസിനെതിരെയുള്ള അമേരിക്കയുടെ നേതൃത്വത്തിലുള്ള സഖ്യത്തിന്റെ മുന്നോടിയായാണ് യുഎസിന്റെ വിലക്ക് പ്രാബല്യത്തില്‍ വരുന്നത്. വിവിധ അറബ് രാഷ്ട്രങ്ങളില്‍ ഉന്നത വ്യക്തികള്‍ അമേരിക്കയിലെത്തുന്നുണ്ട്. സുരക്ഷാ ഭീഷണി കണക്കിലെടുത്താണ് നീക്കമെന്ന് സൂചചനയുണ്ടെങ്കിലും കൂടുതല്‍ വിവരങ്ങള്‍ യുഎസ് അധികൃതര്‍ പുറത്തുവിട്ടിട്ടില്ല.

English summary
The US government is temporarily barring passengers on certain flights originating in eight other countries from bringing laptops, iPads, cameras and most other electronics in carry-on luggage starting Tuesday.
Please Wait while comments are loading...