Click it and Unblock the Notifications
Just In
Don't Miss
-
ഭാവിയിൽ പണം വാരാം, ഈ ഓഹരികളിൽ നിക്ഷേപിക്കു, ഉറപ്പിന് പിന്നിലെ കാരണം ഇതാണ് -
ശരീരത്തില് മരവിപ്പോ, ബലഹീനതയോ നിസ്സാരമല്ല: എഴുന്നേല്ക്കാനാവാത്ത വിധം കിടത്തുന്ന ലക്ഷണങ്ങള് -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
സ്വവര്‍ഗ്ഗാനുരാഗവും ഗര്‍ഭനിരോധനവും ... കത്തോലിക്കര്‍ മാറുന്നു
വത്തിക്കാന്‍: കത്തോലിക്ക സഭ വിപ്ലവകരമായ മാറ്റങ്ങളിലേക്ക്. ഫ്രാന്‍സിസ് മാര്‍പാപ്പയുടെ നേതൃത്വത്തില്‍ തുടക്കമിച്ച ആശയ സംവാദങ്ങള്‍ക്ക് വത്തിക്കാനില്‍ ചേര്‍ന്ന ബിഷപ്പുമാരുടെ സുന്നഹദോസില്‍ അംഗീകാരം.
സ്വവര്‍ഗ്ഗാനുരാഗവും, ലിവിങ് ടുഗദറും, ഗര്‍ഭനിരോധന മാര്‍ഗ്ഗങ്ങളും, വിവാഹമോചനവും പാപമായിക്കണ്ടിരുന്ന കത്തോലിക്ക സമൂഹം മാറ്റത്തിന്റെ പാതയിലാണ്. സ്വവര്‍ഗ്ഗാനുരാഗികളേയും വിവാഹം കഴിക്കാതെ ഒരുമിച്ച് കഴിയുന്നവരേയും സമുദായം സ്വാഗതം ചെയ്യണമെന്നാണ് സുന്നഹദോസില്‍ ഉയര്‍ന്നുവന്ന ആശയം.
ബിഷപ്പുമാരുടെ സുന്നഹദോസിലെ തീരുമാനം ഔദ്യോഗികമായി ഇതുവരെ പ്രഖ്യാപിച്ചിട്ടില്ല. എന്നാല്‍ അവിടെ നടന്ന ചര്‍ച്ചകളുടെ വിശദാംശങ്ങള്‍ പുറത്ത് വന്നിട്ടുണ്ട്. അതില്‍ നിന്ന് ലഭിച്ച വിവരങ്ങളാണിവ.
ചരിത്രത്തില്‍ ആദ്യമായിട്ടാണ് കത്തോലിക്ക സഭ സ്വവര്‍ഗ്ഗാനുരാഗികളുടെ കാര്യം ചര്‍ച്ച ചെയ്യുന്നത് തന്നെ. ഫ്രാന്‍സിസ് മാര്‍പ്പാപ്പ ചുമതലയേറ്റതിന് ശേഷം ഇക്കാര്യത്തില്‍ പല വിധത്തിലുള്ള ചര്‍ച്ചകള്‍ ഉയര്‍ന്ന് വന്നിരുന്നു.
ഗര്‍ഭനിരോധന മാര്‍ഗ്ഗങ്ങള്‍ ഉപയോഗിക്കുന്നതിന് കത്തോലിക്ക സഭ എതിരായിരുന്നു. ഇത് സംബന്ധിച്ച് 1968 ല്‍ അന്നത്തെ പോപ്പ് പുറത്തിറക്കിയ കത്ത് പുന:പരിശോധിക്കണം എന്ന ആവശ്യവും സുന്നഹദോസില്‍ ഉയര്‍ന്ന് വന്നിട്ടുണ്ട്. വിവാഹ മോചനം സംബന്ധിച്ച് കൃത്യമായ മാര്‍ഗ്ഗരേഖ തയ്യാറാക്കാനും ബിഷപ്പുമാരുടെ സുന്നഹദോസില്‍ ആവശ്യം ഉയര്‍ന്നിട്ടുണ്ട്.
ഫ്രാന്‍സിസ് മാര്‍പ്പാപ്പ ചുമതലയേറ്റിട്ട് ഒന്നര വര്‍ഷം പൂര്‍ത്തിയായി. കമ്യൂണിസ്റ്റ് പാപ്പ എന്നാണ് കത്തോലിക്കാ സഭയിലെ തന്നെ ഒരു വിഭാഗം അദ്ദേഹത്തെ വിശേഷിപ്പിക്കുന്നത്. ഇത്രയും കാലം സഭ പിന്തുടര്‍ന്ന് പോന്ന പല രീതികളും പുന:പരിശോധിപ്പിക്കുന്ന നിലപാടുകളാണ് ഫ്രാന്‍സിസ് പാപ്പ എടുത്ത് പോരുന്നത്.
