ബസ്സ്റ്റോപ്പിലേക്ക് കാര് ഇടിച്ച് കയറി ഒരു കുടുംബത്തിലെ രണ്ട് പേര് മരിച്ചു
വള്ളിക്കാട് ബാലവാടിയ്ക്ക് സമീപം പയ്യമ്പള്ളി മീത്തല് കുഞ്ഞാരാമ കുറുപ്പിന്റെ ഭാര്യ ജാനുഅമ്മയും 5) പേരകുട്ടി രാഹുല് രമേശുമാണ് (13) മരിച്ചത്.
വടകര: ബസ്സ്റ്റോപ്പിലേക്ക് ഇന്നോവ കാര് ഇടിച്ച് കയറി കുടുംബത്തിലെ രണ്ട് പേര് മരിച്ചു. വള്ളിക്കാട് ബാലവാടിയ്ക്ക് സമീപം പയ്യമ്പള്ളി മീത്തല് കുഞ്ഞാരാമ കുറുപ്പിന്റെ ഭാര്യ ജാനുഅമ്മയും 5) പേരകുട്ടി രാഹുല് രമേശുമാണ് (13) മരിച്ചത്. കൊച്ചുമകള് പാര്വണ(7) ഗുരുതരാവസ്ഥയില് ആശുപത്രിയില് കഴിയുകയാണ്.
ശനിയാഴ്ച വൈകീട്ട് ആറു മണിയോടെയാണ് അപകടം നടന്നത്. കൈനാട്ടി-നാദാപുരം സംസ്ഥാന പാതയില് വള്ളിക്കാട് ബാലവാടി ബസ്സ്റ്റോപ്പില് ബസ് കാത്ത് നില്ക്കുകയായിരുന്നു വല്ല്യമ്മയും പേരക്കുട്ടികളും. നാദാപുരം ഭാഗത്ത് നിന്നും വന്ന ഇന്നോവ കാറാണ് നിയന്ത്രണം വിട്ട് ഇവരെ ഇടിച്ച് തെറിപ്പിച്ചത്. രണ്ട് പേര് സംഭവ സ്ഥലത്ത് വച്ച് തന്നെ മരിക്കുകയായിരുന്നു.
ജാനുഅമ്മയുടെ മകന് രമേശിന്റെ കുട്ടിയാണ് രാഹുല്. മടപ്പള്ളി ബോയ്സ് ഹയര് സെക്കന്ഡറി സ്കൂളിലെ ഒന്പതാം ക്ലാസ് വിദ്യാര്ത്ഥിയാണ്. ഇളയ മകന് ശ്രീജിത്തിന്റെ മകളാണ് പാര്വണ. കുട്ടിയെ ആശുപത്രിയില് പ്രവേശിപ്പിച്ചിരിക്കുകയാണ്. മരിച്ച രണ്ട് പേരുടെ മൃതദേഹം പോസ്റ്റ്മോര്ട്ടത്തിന് ശേഷം ബന്ധുകള്ക്ക് വിട്ട് നല്കും.