Click it and Unblock the Notifications
Just In
Don't Miss
-
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
'ഇതാര് ഹാപ്പി ഹസ്ബെന്റ്സിലെ സലീം കുമാറോ അതോ താരദാസോ, ലക്ഷ്മിയെ മിഥുൻ പ്രണയിച്ചതിൽ അത്ഭുതപ്പെടാനില്ല' -
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ആകാശവാണി കോഴിക്കോട്... പ്രാദേശിക വാര്‍ത്തകള്‍ വായിക്കുന്നത് തുടരും!!!
കോഴിക്കോട്: ആ തീരുമാനത്തിന് അധികം ആയുസുണ്ടായില്ല. മലബാറിന്റെ ജനകീയ വാര്‍ത്താസ്പന്ദനമായ ആകാശവാണിയുടെ പ്രാദേശിക വാര്‍ത്താവിഭാഗം അടച്ചുപൂട്ടാനുള്ള നീക്കത്തില്‍നിന്ന് കേന്ദ്രസര്‍ക്കാര്‍ തല്‍ക്കാലത്തേയ്‌ക്കെങ്കിലും പിന്‍മാറി. ജീവനക്കാരെ പുനര്‍വിന്യസിച്ചുകൊണ്ടുള്ള ഉത്തരവ് മരവിപ്പിച്ചുകൊണ്ട് പ്രസാര്‍ ഭാരതി വാര്‍ത്താവിഭാഗം ഡയറക്ടര്‍ ജനറല്‍ അടിയന്തരസന്ദേശമയച്ചു. പ്രാദേശിക വാര്‍ത്താവിഭാഗം അടച്ചുപൂട്ടാനുള്ള നീക്കം വലിയ വാര്‍ത്തയാവുകയും വ്യാപകമായ പ്രതിഷേധത്തിന് കളമൊരുങ്ങുകയും ചെയ്ത സാഹചര്യത്തിലാണ് തീരുമാനം.
കോഴിക്കോട്, അലഹാബാദ്, പൂനെ, കോയമ്പത്തൂര്‍ ഉള്‍പ്പെടെ ആകാശവാണിയുടെ ചില പ്രാദേശിക വാര്‍ത്താവിഭാഗങ്ങള്‍ അടച്ചുപൂട്ടാന്‍ സാഹചര്യമൊരുക്കുന്ന തരത്തില്‍ ജീവനക്കാരെ പുനര്‍വിന്യസിച്ചുകൊണ്ട് കഴിഞ്ഞ ചൊവ്വാഴ്ചയാണ് വിവര, പ്രക്ഷേപണ മന്ത്രാലയം ഉത്തരവിറക്കിയത്. ഇത് വാര്‍ത്താപ്രക്ഷേപണത്തിന് അനുമതി കാത്തുനില്‍ക്കുന്ന സ്വകാര്യ എഫ്എം സ്റ്റേഷനുകളെ സഹായിക്കാനാണെന്ന ആക്ഷേപമുയര്‍ന്നു.
മാധ്യമങ്ങള്‍ വാര്‍ത്ത വലിയ വിഷയമാക്കുകയും ജനപ്രതിനിധികള്‍ ഏറ്റുപിടിക്കുകയും ചെയ്തതോടെ കേന്ദ്രം സമ്മര്‍ദത്തിലാവുകയായിരുന്നു. ഈ സാഹചര്യത്തിലാണ് ഉത്തരവ് താല്‍ക്കാലികമായി മരവിപ്പിച്ചുകൊണ്ട് പ്രസാര്‍ ഭാരതി വാര്‍ത്താവിഭാഗം ഡയരക്റ്റര്‍ ജനറല്‍ സിതാന്‍ഷു കര്‍ സ്‌റ്റേഷനുകള്‍ അടിയന്തര നിര്‍ദേശം നല്‍കിയത്.
കോഴിക്കോട്ടെ എംപിമാരായ മുല്ലപ്പള്ളി രാമചന്ദ്രനും എം.കെ രാഘവനും ഇതുസംബന്ധിച്ച് കേന്ദ്ര വിവര, പ്രക്ഷേപണ മന്ത്രി വെങ്കയ്യ നായിഡുവിനെ നേരില്‍ക്കണ്ട് നിവേദനം നല്‍കി. ഇതിനു പുറമെ, അടച്ചുപൂട്ടല്‍ ഭീഷണി നിലനിന്ന മറ്റു സംസ്ഥാനങ്ങളിലെ എംപിമാരും മന്ത്രിയെ നേരില്‍ക്കണ്ട് കാര്യങ്ങള്‍ ഗ്രഹിപ്പിച്ചു. പാര്‍ലമെന്റ് സമ്മേളനം നടക്കുന്നതിനാല്‍ റിസ്‌കെടുക്കാന്‍ സര്‍ക്കാരും താല്‍പ്പര്യം കാണിച്ചില്ല. ഇതടിസ്ഥാനത്തിലാണ് ഡയറക്ടര്‍ ജനറല്‍ അടിയന്തരമായി പുതിയ ഉത്തരവിറക്കിയത്. അതേസമയം, ഇനിയൊരറിയിപ്പ് ഉണ്ടാകുന്നതുവരെ തല്‍സ്ഥിതി തുടരണമെന്നാണ് കത്തില്‍ സൂചിപ്പിച്ചിരിക്കുന്നത്. അടച്ചുപൂട്ടല്‍ ഭീഷണി പൂര്‍ണമായും ഒഴിഞ്ഞുപോയിട്ടില്ലെന്നര്‍ഥം.
