വയലാര്‍ രക്തസാക്ഷി മണ്ഡപത്തിന് നേരെ ആക്രമണം; പിന്നില്‍ ആര്‍എസ്എസ് എന്ന് സിപിഎം

രക്തസാക്ഷി മണ്ഡപത്തിനെതിരായ ആക്രമണത്തില്‍ പ്രതിഷേധിച്ച് സിപിഎം-സിപിഐ യുടെ നേതൃത്വത്തില്‍ തിങ്കളാഴ്ച വൈകുന്നേരം പ്രതിഷേധ പ്രകടനം നടത്തും.

ആലപ്പുഴ: വയലാര്‍ രക്തസാക്ഷി മണ്ഡപത്തിന് നേരെ ആക്രമണം. തിങ്കളാഴ്ച പുലര്‍ച്ചെയായിരുന്നു ആക്രമണം നടന്നത്. ആക്രമണത്തില്‍ രക്തസാക്ഷി മണ്ഡപത്തിന്റെ ഗ്രില്ലുകള്‍ തകര്‍ന്നു. ആക്രമണത്തിന് പിന്നില്‍ ആര്‍എസ്എസാണെന്നാണ് സിപിഎം-സിപിഐ പാര്‍ട്ടികള്‍ ആരോപിക്കുന്നത്.

പോലീസും ഡോഗ് സ്‌ക്വാഡും സംഭവ സ്ഥലത്ത് പരിശോധന നടത്തി. രക്തസാക്ഷി മണ്ഡപത്തിനെതിരായ ആക്രമണത്തില്‍ പ്രതിഷേധിച്ച് സിപിഎം-സിപിഐ യുടെ നേതൃത്വത്തില്‍ തിങ്കളാഴ്ച വൈകുന്നേരം പ്രതിഷേധ പ്രകടനം നടത്തും.

രക്തസാക്ഷി മണ്ഡപത്തിന് രണ്ട് കിലോമീറ്റര്‍ അകലെ നാഗംകുളങ്ങര കവലയില്‍ കൊടിമരം സ്ഥാപിക്കുന്നതുമായി ബന്ധപ്പെട്ടു കഴിഞ്ഞ ദിവസങ്ങളില്‍ സിപിഎം-ആര്‍എസ്എസ് സംഘടനകള്‍ തമ്മിവല്‍ സംഘര്‍ഷം നടന്നിരുന്നു. അതിന്റെ തുടര്‍ച്ചയാണ് രക്തസാക്ഷി മണ്ഡപത്തിനു നേരേ നടന്ന ആക്രമണമെന്നാണ് സിപിഎം ആരോപിക്കുന്നത്. ആക്രമണം നടത്തിയത് ആരാണെന്നു വ്യക്തമല്ല. പോലീസ് അന്വേഷണം ആരംഭിച്ചിട്ടുണ്ട്.

English summary

Alappuzha Vayalar martyr porche attcked