കേരളത്തില് നിയന്ത്രണം കടുപ്പിച്ചു; ഷോപ്പിങ് മാളുകളില് പ്രവേശനം രോഗമില്ലാത്തവര്ക്ക്, മാസ് ടെസ്റ്റ്
തിരുവനന്തപുരം: കൊറോണ രോഗം വീണ്ടും വ്യാപിക്കുന്ന സാഹചര്യത്തില് കടുത്ത നിയന്ത്രണങ്ങള് ഏര്പ്പെടുത്താന് തീരുമാനം. പൊതുപരിപാടികളില് പരമാവധി നൂറ് പേരെ മാത്രമേ പങ്കെടുപ്പിക്കാവൂ. ഷോപ്പിങ് മാളുകളില് രോഗമില്ലെന്ന് ഉറപ്പുള്ളവര്ക്ക് മാത്രമാകും പ്രവേശനം. അല്ലെങ്കില് കൊറോണവാക്സിന് രണ്ടു ഡോസും എടുത്തിരിക്കണം. കൂടാതെ സംസ്ഥാനത്ത് കൊറോണ പരിശോധന വ്യാപിപ്പിക്കാനും തീരുമാനിച്ചു. മുഖ്യമന്ത്രി പിണറായി വിജയന്റെ അധ്യക്ഷതയില് നടന്ന യോഗത്തിന്റേതാണ് തീരുമാനം. മന്ത്രിമാര്, ആരോഗ്യ വിദഗ്ധര്, പോലീസ് ഉദ്യോഗസ്ഥര് എന്നിവര് യോഗത്തില് സംബന്ധിച്ചു.
രണ്ടര ലക്ഷം പേര്ക്ക് ശനിയാഴ്ചക്കകം കൊറോണ പരിശോധന നടത്തും. തിരഞ്ഞെടുപ്പ് കാര്യങ്ങളില് പ്രവര്ത്തിച്ച ഉദ്യോഗസ്ഥര്ക്കാകും പരിശോധനയില് പ്രാധാന്യം നല്കുക. രോഗം കൂടുതല് റിപ്പോര്ട്ട് ചെയ്യുന്ന എറണാകുളത്ത് പരിശോധന ശക്തമാക്കും. സംസ്ഥാനം വാക്സിന് ക്ഷാമം നേരിടുന്നുണ്ട്. കൂടുതല് വാക്സിന് കേന്ദ്രസര്ക്കാരിനോട് ആവശ്യപ്പെട്ടിരിക്കുകയാണ്. തിരുവനന്തപുരത്ത് 130 കേന്ദ്രങ്ങളില് വാക്സിന് ഇല്ലാത്തതിനാല് ആളുകള്ക്ക് കുത്തെവയ്പെടുക്കാന് സാധിച്ചില്ല.
നിങ്ങള് ഫുള് ഫേക്കാണ്; പുറത്തായിട്ടും വിടാതെ ഭാഗ്യലക്ഷ്മി; മജ്സിയക്കെതിരെ കടുകട്ടി പ്രതികരണം
കേന്ദ്രം കൂടുതല് വാക്സിന് എത്തിക്കുമെന്നാണ് കരുതുന്നത്. എത്തിയാല് വാക്സിനേഷന് ക്യാമ്പുകള് കൂടുതല് വിപുലീകരിക്കും. ഒരു ദിവസം രണ്ട് ലക്ഷം പേര്ക്ക് വാക്സിന് നല്കാനാണ് ശ്രമം. വാര്ഡ് തലത്തില് തദ്ദേശ സ്ഥാപനങ്ങളുടെ സഹായത്തോടെയാകും വാക്സിനേഷന് ക്യാമ്പ്. ഐസിയുവില് കൂടുതല് കിടക്കകള് ഒരുക്കും. കൊറോണ സാഹചര്യം വിലയിരുത്തി നിരോധനാജ്ഞ പ്രഖ്യാപിക്കാന് കളക്ടര്മാര്ക്ക് അനുമതി നല്കി. പരിശോധന ശക്തമാക്കാന് പോലീസിനോടും ആവശ്യപ്പെട്ടിട്ടുണ്ട്.
Recommended Video
യുഡിഎഫിനൊപ്പം കേന്ദ്രം; എല്ഡിഎഫിനൊപ്പം സംസ്ഥാനം... ഷാഫി പറമ്പിലും പത്മജയും ജയിക്കും, ബിജെപിക്ക് 2