Click it and Unblock the Notifications
Just In
-
-
-
Don't Miss
-
'മ്ലേഛകരമായൊന്നും ഞാൻ ചെയ്തിട്ടില്ല; കെട്ടിപ്പിടിച്ച് ഉമ്മ കൊടുക്കാനോ കയറി കിടക്കാനോ നിന്നിട്ടില്ല' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ബിഡിജെഎസ് യുഡിഎഫിലേക്ക്? സുധീരന്റെ രാജിക്ക് കാരണം വെള്ളാപ്പള്ളിയുടെ യുഡിഎഫ് പ്രവേശനം?
ബിജെപി നേതൃത്വവുമായി അകന്ന ബിഡിജെഎസ് ഒറ്റയ്ക്ക് നില്‍ക്കാന്‍ തീരുമാനമെടുത്തേക്കുമെന്നും സൂചനയുണ്ട്.
തിരുവനന്തപുരം: എന്‍ഡിഎ വിടാന്‍ തീരുമാനിച്ച ബിഡിജെഎസിനെ യുഡിഎഫിലെത്തിക്കാനുള്ള നീക്കങ്ങള്‍ അണിയറയില്‍ പുരോഗമിക്കുന്നതായി റിപ്പോര്‍ട്ട്. ബിജെപി നേതൃത്വവുമായി അകന്ന ബിഡിജെഎസ് എന്‍ഡിഎ വിടുമെന്ന് വെള്ളാപ്പള്ളി നടേശന്‍ കഴിഞ്ഞ ദിവസം വ്യക്തമാക്കിയിരുന്നു.
ബിജെപി നേതൃത്വവുമായി അകന്ന ബിഡിജെഎസ് ഒറ്റയ്ക്ക് നില്‍ക്കാന്‍ തീരുമാനമെടുത്തേക്കുമെന്നും സൂചനയുണ്ട്. നിയമസഭാ തിരഞ്ഞെടുപ്പിന് ശേഷം ബിജെപി സംസ്ഥാന,ദേശീയ നേതൃത്വങ്ങള്‍ തങ്ങളെ പാടെ അവഗണിക്കുകയാണെന്നാണ് ബിഡിജെഎസ് നേതാക്കളുടെ അഭിപ്രായം. ബിജെപിയുടെ അവഗണനയില്‍ അമര്‍ഷം രേഖപ്പെടുത്തിയ ബിഡിജെഎസ് കേന്ദ്രമന്ത്രിമാരുമായുള്ള കൂടിക്കാഴ്ചയില്‍ നിന്നും പിന്മാറിയിരുന്നു.
ബിജെപി അവഗണിക്കുന്നു...
നിയമസഭാ തിരഞ്ഞെടുപ്പില്‍ എന്‍ഡിഎയ്ക്കും ബിജെപിയ്ക്കും വോട്ട് വര്‍ദ്ധിക്കാന്‍ സഹായിച്ചത് തങ്ങളാണെന്നാണ് ബിഡിജെഎസ് അവതകാശപ്പെടുന്നത്. എന്നാല്‍ തിരഞ്ഞെടുപ്പിന് ശേഷം തങ്ങളെ പാടെ അവഗണിക്കുന്ന നിലപാടാണ് ബിജെപി സ്വീകരിക്കുന്നത്. അതിനാല്‍ ബിജെപി എന്‍ഡിഎ ബന്ധം ഉപേക്ഷിച്ച് ഒറ്റയ്ക്ക് നില്‍ക്കണമെന്നാണ് പാര്‍ട്ടിയിലെ ഭൂരിപക്ഷം നേതാക്കളുടെയും അഭിപ്രായം.
ബിജെപി മാന്യത കാണിച്ചില്ല...
ഒരു സഖ്യകക്ഷി എന്ന നിലയില്‍ ബിജെപി തങ്ങളോട് മാന്യത കാണിച്ചില്ലെന്നാണ് വെള്ളാപ്പള്ളി നടേശന്‍ പറഞ്ഞത്. അടുത്ത കാലത്തൊന്നും ബിജെപി സംസ്ഥാനത്ത് അധികാരത്തില്‍ വരില്ലെന്നും വെള്ളാപ്പള്ളി വ്യക്തമാക്കിയിരുന്നു.
പുനസംഘടന അവസാനഘട്ടത്തില്‍...
എന്‍ഡിഎയുമായി അകലുന്ന തങ്ങള്‍ക്ക് ഒരു മുന്നണിയുമായും അയിത്തമില്ലെന്നാണ് ബിഡിജെഎസിന്റെ നിലപാട്. എന്‍ഡിഎ-ബിജെപി ബന്ധം ഉപേക്ഷിക്കുകയാണെങ്കില്‍ പാര്‍ട്ടിയുടെ താഴെത്തട്ടില്‍ വരെ പുനസംഘടന ആവശ്യമായി വരും. പാര്‍ട്ടിയുടെ എല്ലാ ഘടകങ്ങളിലും പുനസംഘടന അവസാനഘട്ടത്തിലാണെന്നും നേതാക്കള്‍ അറിയിച്ചു.
ബിഡിജെഎസ് യുഡിഎഫിലേക്ക്?
അതേസമയം, ബിജെപി-എന്‍ഡിഎ ബന്ധം ഉപേക്ഷിക്കുന്ന ബിഡിജെഎസിനെ മുന്നണിയിലെത്തിക്കാന്‍ ചില യുഡിഎഫ് നേതാക്കള്‍ ശ്രമമാരംഭിച്ചിട്ടുണ്ട്. മലപ്പുറം ഉപതിരഞ്ഞെടുപ്പിന് മുന്‍പ് വെള്ളാപ്പള്ളിയെയും കൂട്ടരെയും യുഡിഎഫിലെത്തിക്കാനാണ് ചില കോണ്‍ഗ്രസ് നേതാക്കള്‍ ശ്രമിക്കുന്നത്.
രാജിക്ക് പിന്നില്‍ വെള്ളാപ്പള്ളി?
കെപിസിസി പ്രസിഡന്റ് വിഎം സുധീരന്‍ രാജിവെച്ചതോടെ ബിഡിജെഎസിനെ യുഡിഎഫിലെത്തിക്കാന്‍ അനുകൂലമായ സാഹചര്യമാണെന്നാണ് ചില കോണ്‍ഗ്രസ് നേതാക്കള്‍ വിലയിരുത്തുന്നത്. കഴിഞ്ഞ നിയമസഭാ തിരഞ്ഞെടുപ്പിന് മുന്‍പ് വെള്ളാപ്പള്ളിയെ യുഡിഎഫിലെത്തിക്കാന്‍ നീക്കം നടത്തിയിരുന്നെങ്കിലും സുധീരന്‍ ശക്തമായി എതിര്‍ത്തിരുന്നു. വിഎം സുധീരന്റെ അപ്രതീക്ഷിത രാജിക്ക് കാരണം വെള്ളാപ്പള്ളിയുടെ യുഡിഎഫ് പ്രവേശനമാണെന്നും റിപ്പോര്‍ട്ടുണ്ട്.
നിര്‍ണ്ണായക യോഗം ഏറ്റുമാനൂരില്‍...
എന്‍ഡിഎ ബന്ധം ഉപേക്ഷിക്കുമെന്ന് വെള്ളാപ്പള്ളി വ്യക്തമാക്കിയതോടെ, ഒറ്റയ്ക്ക് നില്‍ക്കണമെന്നാണ് പാര്‍ട്ടിയിലെ ഭൂരിപക്ഷം നേതാക്കളുടെയും അഭിപ്രായം. അതേസമയം, യുഡിഎഫ് പ്രവേശനത്തിനുള്ള സാദ്ധ്യതകളും പാര്‍ട്ടി ചര്‍ച്ച ചെയ്യുന്നുണ്ട്. ഇതുസംബന്ധിച്ച കൂടുതല്‍ തീരുമാനങ്ങള്‍ ഞായറാഴ്ച ഏറ്റുമാനൂരില്‍ ചേരുന്ന യോഗത്തിലുണ്ടാകുമെന്നാണ് സൂചന.
