india@75: കേരളത്തിലെ ഏറ്റവും വലിയ ദേശീയ പതാക എവിടെയാണെന്ന് അറിയാമോ?: വില അരലക്ഷം രൂപ
തിരുവനന്തപുരം: രാജ്യം സ്വാതന്ത്ര്യത്തിന്റെ 75-ാം വാർഷികാഘോഷത്തിന്റെ നിറവിലാണ്. പതിവില് നിന്ന് വ്യത്യസ്തമായി ഇത്തവണ വീടുകളിലെല്ലാം നേരത്ത തന്നെ ദേശീയ പതാകകള് ഉയർന്ന് കഴിഞ്ഞു. ഹർ ഘർ തിരംഗ (എല്ലാ വീട്ടിലും പതാക) എന്ന പേരിലാണ് 75-ാം സ്വാതന്ത്ര ദിനത്തോട് അനുബന്ധിച്ച് രാജ്യമൊട്ടുക്ക് ദേശീയ പതാകകള് ഉയരുന്നത്.
കൃത്യമായ ഘടനയില് പല വലിപ്പത്തിലുള്ള പതാകകള് പാറിപ്പറക്കുന്നുണ്ടെങ്കിലും സംസ്ഥാനത്തെ ഏറ്റവും വലിയ ദേശീയ പതാക ഉയർന്നിരിക്കുന്നത് തിരുവനന്തപുരം കനകക്കുന്ന് കൊട്ടാര വളപ്പിലാണ്.
ജയില് വാസം ജാതകത്തില് കൃത്യമായി എഴുതി വെച്ചു; ദിലീപിനെ വെറുതെ ക്രൂശിക്കാനാവില്ല; ശാലു മേനോന്
72 അടി നീളവും 48 അടി വീതിയുമുള്ള പതാകയാണ് 207 അടി നീളമുള്ള കൊടിമരത്തിൽ ഉയർന്ന് പാറുന്നത്. ഹർ ഘർ തിരംഗയുടെ ഭാഗമായാണ് കനകക്കുന്നിൽ വീണ്ടും ദേശീയ പതാക ഉയർന്നത്. നഗരത്തിലെ ഏകദേശം എല്ലാം ഭാഗത്തേയും ഉയർന്ന പ്രദേശങ്ങളില് നിന്നും കാണാന് കഴിയുന്ന തരത്തിലാണ് പതാക പാറിപ്പറക്കുന്നത്. 50000 ത്തോളം രൂപയുടെ പതാകയാണ് ഇത്. സ്വാതന്ത്ര്യദിന വാർഷികാഘോഷത്തിനും ഓണം വാരാഘോഷത്തിനും മുന്നോടിയായി നവീകരണത്തിനായ് പതാക അടുത്തിടെ അഴിച്ച് മാറ്റിയിരുന്നു.
ദേവദൂതർ പാടി.. മഞ്ജു വാര്യർ ആടി; ആരാധകർക്കൊപ്പം പൊളിച്ചടുക്കി ലേഡീ സൂപ്പർ സ്റ്റാറും, ചിത്രം വൈറല്
ഫ്ലാഗ് ഫൌണ്ടേഷൻ ഓഫ് ഇന്ത്യയായിരുന്നു 2013 ജനുവരി 26ന് ഈ കൊടിമരം നഗരത്തിന് സമ്മാനിച്ചത്. ഇന്ത്യയിലെ ചരിത്രസ്മാരകങ്ങളും സ്ഥലങ്ങളും കേന്ദ്രീകരിച്ച് സ്മാരക പതാകകൾ സ്ഥാപിക്കുന്ന സ്ഥാപനമാണ് ഫ്ലാഗ് ഫൌണ്ടേഷൻ. സ്ഥലം എംപി ശശി തരൂരിന്റെ ഫണ്ടിൽ നിന്നുള്ള തുക വിനിയോഗിച്ച് സ്ഥാപിച്ച പതാക 2013 ജനുവരി 26ന് അന്നത്തെ മുഖ്യമന്ത്രിയായിരുന്ന ഉമ്മൻചാണ്ടിയാണ് നാടിന് സമർപ്പിച്ചത്. നിലവിലുണ്ടായിരുന്ന ചട്ടം അനുസരിച്ച് സൂര്യാസ്തമയ സമയത്തിന് ശേഷം പതാക താഴ്ത്തണമെന്നാണ് ചട്ടമെങ്കില് സ്മാരക പതാകകള്ക്ക് ഇതില് ഇളവുണ്ട്.
മുംബയിൽ നിന്നും കൊണ്ടുവന്ന ഡെനീർ പോളിസ്റ്ററെന്ന പ്രത്യേകതരം തുണികൊണ്ട് നിർമ്മിച്ച പതാകയിൽ സവിശേഷമായ അശോക ചക്രം പ്രിന്റ് ചെയ്തെടുക്കുകയായിരുന്നു. വെയിലും മഴയുമേറ്റുണ്ടായ പൊടിയും കാറ്റടിച്ചുണ്ടായ കീറലും പരിഹരിക്കുന്നതിനായി ടൂറിസം വകുപ്പ് ഫ്ലാഗ് ഫൌണ്ടേഷനെ ബന്ധപ്പെടുകയും തുടർന്ന് പതാക അഴിച്ച് കൊറിയർ സർവീസ് വഴി ഫ്ലാഗ് ഫൌണ്ടേഷന്റെ മുംബൈയിലെ ഓഫീസിലേക്ക് എത്തിക്കുകയായിരുന്നു. മുംബൈയില് നിന്നും തിരികെ എത്തിച്ച പുതിയ പതാകയാണ് ഇപ്പോള് കനകക്കുന്ന് കൊട്ടാരത്തില് വീണ്ടും ഉയർത്തിയിരിക്കുന്നത്.
അതേസമയം, തിരുവനന്തപുരം ജില്ലയില് വിപുലമായ രീതിയിലാണ് ഹർ ഘർ തിരംഗ പരിപാടി നടക്കുന്നത്. 'ഹർ ഘർ തിരംഗയുടെ' ഭാഗമായി തിരുവനന്തപുരം ശ്രീചിത്രാ ഹോമിലെയും കട്ടേല ഡോ. അംബേദ്കർ മോഡൽ റസിഡൻഷ്യൽ സ്കൂളിലെ വിദ്യാർത്ഥികൾക്കും ജില്ലാ കളക്ടർ കഴിഞ്ഞ ദിവസം ദേശീയ പതാകകൾ കൈമാറി. ഇനിയും സ്കൂളുകൾ സന്ദർശിച്ച് കുട്ടികളുടെ പ്രശ്നങ്ങൾ പഠിക്കുകയും ഒരു കളക്ടർ എന്ന നിലയിൽ ഇടപെടുകയും ചെയ്യും. സ്കൂളുകളുടെ അടിസ്ഥാന സൗകര്യം, പഠന സൗകര്യങ്ങൾ എന്നിവ വിലയിരുത്തും. പതാകയ്ക്ക് ഏറെ ബഹുമാനം നൽകി ഫ്ലാഗ് കോഡ് അനുസരിച്ച് അവ ഉപയോഗിക്കണമെന്നും കളക്ടർ നിർദ്ദേശിച്ചു.