സരിതയ്ക്ക് ബിജു രാധാകൃഷ്ണന്റെ ക്രോസ്സ് വിസ്താരം... രഹസ്യമായി
കൊച്ചി: സോളാര് ജുഡീഷ്യല് കമ്മീഷന് മുന്നില് ബിജു രാധാകൃഷ്ണന് സരിത എസ് നായരെ ക്രോസ് വിസ്താരം ചെയ്യുന്നു. എന്നാല് വിസ്താരം കേള്ക്കാന് മാധ്യമങ്ങള്ക്ക് അവകാശമുണ്ടാകില്ല. രഹസ്യ ക്രോസ്സ് വിസ്താരമാണ് നടക്കുക.
ബിജു രാധാകൃഷ്ണന് തന്നെ ക്രോസ് വിസ്താരം ചെയ്യുന്നത് പരസ്യമാക്കരുതെന്ന് സരിത എസ് നായര് തന്നെയാണ് കമ്മീഷനോട് ആവശ്യപ്പെട്ടത്. ഇക്കാര്യം കമ്മീഷന് അംഗീകരിയ്ക്കുകയായിരുന്നു.
കമ്മീഷന് ചെയര്മാനും കമ്മീഷന് ജീവനക്കാരും മാത്രമേ ക്രോസ് വിസ്താരത്തിന് സാക്ഷിയാകൂ. പുതിയ ചില വെളിപ്പെടുത്തലുകള് ഉണ്ടാകുമെന്ന് ബിജു രാധാകൃഷ്ണന് പറഞ്ഞിട്ടുണ്ട്.
ബിജുവിന്റെ ക്രോസ്സ്
സരിത എസ് നായരെ ക്രോസ് വിസ്താരം ചെയ്യാന് സോളാര് ജുഡീഷ്യല് കമ്മീഷന് ബിജു രാധാകൃഷ്ണന് അനുമതി നല്കിയിരുന്നു.
രഹസ്യമായി
എന്നാല് ക്രോസ് വിസ്താരം രഹസ്യമായിരിയ്ക്കണം എന്നാണ്സരിത കമ്മീഷനോട് ആവശ്യപ്പെട്ടത്. ഇത് കമ്മീഷന് അംഗീകരിയ്ക്കുകയും ചെയ്തു.
മാധ്യമങ്ങളില്ല
ബിജു സരിത എസ് നായരെ ക്രോസ് വിസ്താരം ചെയ്യുമ്പോള് മാധ്യമങ്ങള്ക്ക് പ്രവേശനം ഉണ്ടായിരിയ്ക്കില്ല. കമ്മീഷന് ചെയര്മാനും കമ്മീഷന് ഉദ്യോഗസ്ഥരും മാത്രമേ ഉണ്ടാവുകയുള്ളൂ.
ഡിജിറ്റല് തെളിവുകള്
താന് കമ്മീഷന് നല്കിയ മൊഴികള് സാധൂകരിയ്ക്കുന്ന ഡിജിറ്റല് തെളിവുകള് ക്രോസ്സ് വിസ്താരത്തിന് ശേഷം കൈമാറും എന്നാണ് സരിത എസ് നായര് അറിയിച്ചിരിയ്ക്കുന്നത്.
പുതിയ വെളിപ്പെടുത്തല്
സോളാര് കേസില് തന്റെ ഭാഗത്ത് നിന്ന് പുതിയ വെളിപ്പെടുത്തലുകള് ഉണ്ടാകുമെന്ന് ബിജു രാധാകൃഷ്ണന് പറഞ്ഞു.
തെളിവ് സഹിതം
ഇനി നടത്തുന്ന വെളിപ്പെടുത്തലുകളെല്ലാം തെളിവുകള് സഹിതമായിരിയ്ക്കുമെന്നും ബിജു രാധാകൃഷ്ണന് മാധ്യമ പ്രവര്ത്തകരോട് പറഞ്ഞു.