Click it and Unblock the Notifications
Just In
Don't Miss
-
ബിഗ് ബോസിലെ വിന്നറാവാന് സാധ്യത ഇവര്ക്കോ? ടോപ്പ് ഫൈവിലേക്ക് എത്താന് ചാന്സുള്ളവരെ പറ്റി ആരാധകര് -
പടവലങ്ങയുണ്ടോ നിലക്കടലയോ : രണ്ടും ചേര്ത്ത് കിടിലന് ടേസ്റ്റില് തോരന് -
അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
അഴിമതിയിൽ മുങ്ങി കേരളത്തിലെ ബിജെപി! മെഡിക്കൽ കോളേജ് അഴിമതിയിലൂടെ നേതാക്കൾ തട്ടിയത് അഞ്ച് കോടി...
വർക്കല എസ്ആർ കോളേജ് ഉടമ ആർ ഷാജിയാണ് ബിജെപി സഹകരണ സെൽ കൺവീനർ ആർഎസ് വിനോദിന് 5.6 കോടി രൂപ കൈമാറിയത്.
തിരുവനന്തപുരം: സംസ്ഥാനത്തെ ബിജെപി നേതാക്കൾക്കെതിരെ ഉയർന്ന അഴിമതി ആരോപണം പാർട്ടി അന്വേഷണ കമ്മീഷൻ സ്ഥിരീകരിച്ചു. അഴിമതി ആരോപണം അന്വേഷിക്കാൻ പാർട്ടി നിയോഗിച്ച അന്വേഷണ കമ്മീഷൻ സംസ്ഥാന പ്രസിഡന്റ് കുമ്മനം രാജശേഖരന് റിപ്പോർട്ട് കൈമാറി.
മെഡിക്കൽ കോളേജ് അനുവദിക്കാമെന്ന് വാഗ്ദാനം നൽകിയാണ് ബിജെപി നേതാക്കൾ പണം വാങ്ങിയത്. വർക്കല എസ്ആർ കോളേജ് ഉടമ ആർ ഷാജിയാണ് ബിജെപി സഹകരണ സെൽ കൺവീനർ ആർഎസ് വിനോദിന് 5.6 കോടി രൂപ കൈമാറിയത്. ദില്ലിയിലെ സതീഷ് നായർക്ക് കുഴൽപ്പണമായും പണം നൽകിയിട്ടുണ്ട്. ആർഎസ് വിനോദിന് പണം കൈമാറിയത് ബിജെപി അന്വേഷണ കമ്മീഷൻ സ്ഥിരീകരിച്ചിട്ടുണ്ട്. കേന്ദ്രഭരണത്തിന്റെ മറവിലാണ് ബിജെപി സംസ്ഥാന നേതാക്കൾ പണം തട്ടിയെടുത്തത്.
മെഡിക്കൽ കോളേജ്...
തലസ്ഥാനത്തെ മെഡിക്കൽ കോളേജിന് ഇന്ത്യൻ മെഡിക്കൽ കൗൺസിലിന്റെ അംഗീകാരം വാങ്ങിനൽകാനും, മെഡിക്കൽ കോളേജ് അനുവദിക്കാനും ഒത്താശ ചെയ്യാമെന്ന് പറഞ്ഞാണ് ബിജെപി നേതാക്കൾ പണം വാങ്ങിയത്.
അഞ്ചരക്കോടിയിലേറെ രൂപ...
വർക്കല എസ്ആർ കോളേജ് ഉടമ ആർ ഷാജിയാണ് അഞ്ച് കോടി 60 ലക്ഷം രൂപ നൽകിയത്. ബിജെപി സഹകരണ സെൽ കൺവീനർ ആർഎസ് വിനോദാണ് പണം കൈപ്പറ്റിയത്.
സതീഷ് നായർക്കും എംടി രമേശിനും...
ദില്ലിയിലെ സതീഷ് നായർക്ക് പെരുമ്പാവൂരിലെ കുഴൽപ്പണ ഇടപാടുകാരൻ വഴി പണം നൽകിയെന്നും അന്വേഷണ കമ്മീഷൻ കണ്ടെത്തിയിട്ടുണ്ട്. ബിജെപി സംസ്ഥാന ജനറൽ സെക്രട്ടറി എംടി രമേശിനെക്കുറിച്ചും റിപ്പോർട്ടിൽ പരാമർശമുണ്ട്.
എംടി രമേശ് അംഗീകാരം വാങ്ങിനൽകി...
ചെർപ്പുളശ്ശേരിയിലെ കേരള മെഡിക്കൽ കോളേജിന് മെഡിക്കൽ കൗൺസിലിന്റെ അംഗീകാരം വാങ്ങിനൽകാൻ എംടി രമേശ് ഒത്താശ ചെയ്തെന്നും ആരോപണമുണ്ട്.
പണം നൽകിയിട്ടും കാര്യം നടന്നില്ല...
മെഡിക്കൽ കോളേജ് അനുവദിക്കാനും അംഗീകാരം നൽകാനും പണം നൽകിയിട്ടും കാര്യം നടക്കാതായതോടെയാണ് ആർ ഷാജി പരാതിയുമായി ബിജെപി നേതൃത്വത്തെ സമീപിച്ചത്.
ബിഡിജെഎസും ഇടപെട്ടു...
ബിഡിജെഎസ് അനുഭാവിയായ ഷാജി ഇക്കാര്യം അറിയിച്ചതോടെ ബിഡിജെഎസ് നേതൃത്വവും പ്രശ്നത്തിൽ ഇടപെട്ടു. ബിജെപിയിലെ ഒരു വിഭാഗവും അഴിമതി ആരോപണത്തിൽ വിശദമായ അന്വേഷണം നടത്തി കുറ്റക്കാർക്കെതിരെ നടപടി സ്വീകരിക്കണമെന്ന് ആവശ്യപ്പെട്ടിരുന്നു.
അന്വേഷണ കമ്മീഷൻ...
ആരോപണം ചൂടുപിടിച്ചതോടെയാണ് ബിജെപി സംസ്ഥാന നേതൃയോഗം എകെ നസീർ, കെപി ശ്രീശൻ എന്നിവർ അംഗങ്ങളായ അന്വേഷണ കമ്മീഷനെ നിയമിച്ചത്. അഴിമതി ആരോപണം അന്വേഷിച്ച കമ്മീഷൻ ആർഎസ് വിനോദ് പണം വാങ്ങിയെന്ന കാര്യം സ്ഥിരീകരിച്ചിട്ടുണ്ട്.
അന്ന് പെട്രോൾ പമ്പ്...
ഇതിന് മുൻപ് ബിജെപി കേന്ദ്രത്തിൽ ഭരണത്തിലിരുന്ന കാലത്തും സംസ്ഥാന നേതാക്കൾക്കെതിരെ അഴിമതി ആരോപണമുയർന്നിരുന്നു. വാജ്പേയി സർക്കാരിന്റെ കാലത്ത് കേരളത്തിൽ പെട്രോൾ പമ്പുകൾ അനുവദിക്കാൻ ഒത്താശ ചെയ്യാമെന്ന് വാഗ്ദാനം നൽകി ബിജെപി നേതാക്കൾ പണം തട്ടിയെന്നായിരുന്നു ആരോപണം.
