തുണിയുടുക്കാതെ പൊതുടാപ്പില് കുളിച്ചത് ചോദ്യം ചെയ്ത ബിജെപിക്കാരനെ തല്ലിക്കൊന്നു
വര്ക്കല: പൊതുടാപ്പിനടുത്ത് നഗ്നത പ്രദര്ശിപ്പിച്ച് പരസ്യമായി കുളിച്ചതിനെ ചോദ്യം ചെയ്ത ബിജെപി പ്രവര്ത്തകനെ തല്ലിക്കൊന്നു . അയിരൂര് ഇലകമണ് സ്വദേശിയായ ബാബു (58) ആണ് മരിച്ചത് . പത്തംഗ സംഘമാണ് ബബാവിനെ തല്ലിച്ചതച്ചത്. ജനവരി 24നായിരുന്നു ബാബുവിന് മര്ദ്ദനമേറ്റത് . ചികിത്സയിലിരിയ്ക്കെയാണ് മരണം.
ബിജെപിയുടെ സജീവ പ്രവര്ത്തകനാണ് ബാബു . 24 ന് ബിജെപി നാട്ടിയ കൊടി ഡിവൈഎഫ്ഐ പ്രവര്ത്തകര് നശിപ്പിച്ചുവെന്ന് ആരോപിച്ച് ചില പ്രവര്ത്തകരുമായി വാക്ക് തര്ക്കമുണ്ടായതായി നാട്ടുകാര് പറയുന്നു . തുടര്ന്ന് രാത്രി എതിര് വിഭാഗത്തില്പെട്ട പ്രവര്ത്തകര് പൊതുടാപ്പില് നഗ്നത കാട്ടി കുളിയ്ക്കുന്നതിനെ ബാബു ചോദ്യം ചെയ്തുവത്രേ.
രാത്രി സംഘടിച്ചെത്തിയ പത്തംഗം സംഘം ബാബുവിനെ മാരകായുധങ്ങള് ഉപയോഗിച്ച് മര്ദ്ദിച്ചു . തലയ്ക്ക് ഗുരുതലമായി പരിക്കേറ്റിരുന്നു .മെഡിക്കല് കോളെജ് ആശുപത്രിയില് പ്രവേശിച്ചെങ്കിലും 28 ന് രാത്രിയോടെ മരണം സംഭവിച്ചു . സംഭവത്തില് മൂന്ന് പേര് അറസ്റ്റിലായി . മറ്റുള്ളവര്ക്കായുള്ള തിരച്ചില് ഊര്ജ്ജിതമാക്കിയിട്ടുണ്ട്. ആലപ്പുഴയിലും അഞ്ജാത സംഘം ഒരു ബിജെപി പ്രവര്ത്തകനെ വെട്ടിക്കൊന്നു .