മുല്ലപ്പെരിയാര് ജലനിരപ്പ് 142 അടിയാക്കാന് നിര്ദേശം
കുമളി: മുല്ലപ്പെരിയാര് അണക്കെട്ടിലെ ജലനിരപ്പ് 136 അടിയില് നിന്നും 142 അടിയാക്കാന് സുപ്രിംകോടതി നിയോഗിച്ച മേല്നോട്ട സമിതി തീരുമാനിച്ചു. 136 അടിയായി ജലനിരപ്പ് നിലനിര്ത്തണമെന്ന കേരളത്തിന്റെ ആവശ്യത്തെ സമിതി മുഖവിലയ്ക്കെടുത്തില്ല.
ജലനിരപ്പ് ഉര്ന്നതോടെ അണക്കെട്ടില് ചോര്ച്ച കൂടിയിട്ടുണ്ട്. ഈ സാഹചര്യത്തില് അണക്കെട്ടിലെ സ്പില്വേ ഷട്ടറുകള് തുറന്ന് ജലനിരപ്പ് 136 അടിയായി നിലനിര്ത്തണമെന്ന് കേരളത്തിന്റെ പ്രതിനിധി വിജെ കുര്യന് സമിതിയോട് ആവശ്യപ്പെട്ടു. എന്നാല് സമിതി ചെയര്മാന് എല്എവി നാഥനും തമിഴ്നാട് പ്രതിനിധി പളനിയപ്പനും അണക്കെട്ട് സുരക്ഷിതമാണെന്ന നിലപാടായിരുന്നു സ്വീകരിച്ചത്.
തിങ്കളാഴ്ച ഉച്ചയോടെ മുല്ലപ്പെരിയാറില് എത്തിയ മേല്നോട്ട സമിതി ബേബി ഡാം, എര്ത്ത് ഡാം, സ്പില്വേ, അണക്കെട്ടിലെ ഗാലറികള് എന്നിവ സന്ദര്ശിച്ച് പരിശോധന നടത്തി.
അണക്കെട്ടിലെ മര്ദമാപിനി അടക്കമുള്ളവ പ്രവര്ത്തനക്ഷമമല്ലെന്ന് സമിതി കണ്ടെത്തിയിട്ടുണ്ട്. അത് സെന്ട്രല് വാട്ടര് കമ്മീഷനെ അറിയിക്കാനും സമിതി തീരുമാനിച്ചു.