അസാധ്യമായത് സാധ്യമാക്കുന്ന ഒരു ഭരണം ഉള്ളപ്പോൾ കോവിഡ് രണ്ടാം തരംഗവും നാം അതിജീവിക്കും: എംവി ജയരാജന്‍

കണ്ണൂര്‍: അസാധ്യമായത് സാധ്യമാക്കുന്ന ഒരു ഭരണം ഉള്ളപ്പോൾ കോവിഡ് രണ്ടാം തരംഗത്തെയും നമുക്ക് അതിജീവിക്കാൻ കഴിയുമെന്ന് സിപിഎം കണ്ണൂര്‍ ജില്ല സെക്രട്ടറി എംവി ജയരാജന്‍. പരിശോധനയും വാക്‌സിനേഷനും മാസ് ക്യാമ്പയിനായി ജനങ്ങൾ ഏറ്റെടുക്കണം. പകർച്ചാ നിരക്കും മരണ നിരക്കും കൂടിയ രണ്ടാം തരംഗത്തെ അതിജീവിക്കാനുള്ള പോരാട്ടത്തിൽ സിപിഐഎം പ്രവർത്തകരും , ജന പ്രതിനിധികളും മുൻകൈ എടുക്കണമെന്നും അദ്ദേഹം ഫേസ്ബുക്ക് കുറിപ്പിലൂടെ ആവശ്യപ്പെട്ടു. എംവി ജയരാജന്‍റെ കുറിപ്പിന്‍റെ പൂര്‍ണ്ണ രൂപം ഇങ്ങനെ..

കോവിഡ് രണ്ടാം തരംഗം - ജാഗ്രതയൊട്ടും കുറയ്ക്കാതെ നമുക്ക് കൂട്ടായ് നേരിടാം

അസാധ്യമായത് സാധ്യമാക്കുന്ന ഒരു ഭരണം ഉള്ളപ്പോൾ കോവിഡ് രണ്ടാം തരംഗത്തെയും നമുക്ക് അതിജീവിക്കാൻ കഴിയും. അതിനായി നാം കൂട്ടായ് പരിശ്രമിക്കണം. ആശങ്ക വേണ്ട. ജാഗ്രത ഒട്ടും കുറയ്ക്കാൻ പാടില്ല. സർക്കാരും ആരോഗ്യ വകുപ്പും പ്രഖ്യാപിച്ച മാർഗ്ഗ രേഖ എല്ലാവരും പാലിക്കണം. എല്ലാ ചടങ്ങുകളിലും ആൾക്കൂട്ടങ്ങൾ ഒഴിവാക്കുകയും വിവാഹം , ഗൃഹ പ്രവേശനം ഉൾപ്പെടെ എല്ലാ പൊതു പരിപാടികൾക്കും മുൻകൂട്ടി അനുമതി വാങ്ങണം. ഇൻഡോർ പരിപാടികൾക്ക് എഴുപത്തഞ്ചും ഔട്ഡോർ പരിപാടികൾക്ക് നൂറ്റി അമ്പതും ആണ് പരമാവധി പങ്കാളിത്തം എന്നത് ഓർക്കുക.രാത്രി 9 മണിവരെ മാത്രമേ കടകളും തീയേറ്ററുകളും ബാറുകളും ഉൾപ്പെടെ എല്ലാ സ്ഥാപനങ്ങളും തുറന്നു പ്രവർത്തിക്കാവു.

പരീക്ഷ എഴുതാൻ പോകുന്ന വിദ്യാർത്ഥികളെ സുരക്ഷിതമായി സ്കൂളുകളിൽ എത്തിക്കാനും തിരിച്ചു വീട്ടിൽ എത്തിക്കാനും ശ്രദ്ധിക്കണം.മാളുകൾ , മാർക്കറ്റുകൾ മതപരമായ ചടങ്ങുകൾ എന്നിവിടങ്ങളിൽ നിയന്ത്രണം പ്രധാനമാണ്. ഏഷ്യയിലെ ഏറ്റവും വലിയ പൂര മഹോൽസവമായ തൃശൂർ പൂരം കോവിഡ് കാലത്ത് നാം മഹത്തരമാക്കുന്നത് കർശന നിയന്ത്രണങ്ങളിലൂടെയാണ് . നിയന്ത്രണം ഇല്ലാത്തതിനാലാണ് ലക്ഷങ്ങൾ പങ്കെടുത്ത ഹരിദ്വാർ കുംഭ മേള 2000 പേർക്ക് കോവിഡ് സമ്മാനിച്ചത് . ആഘോഷങ്ങൾ നാളെയുമാകാം , ആഘോഷിക്കാൻ നമ്മൾ ഉണ്ടാകണം.
കരുത്തോടെ കരുതലോടെ മുന്നോട്ട് . പരിശോധനയും വാക്‌സിനേഷനും മാസ് ക്യാമ്പയിനായി ജനങ്ങൾ ഏറ്റെടുക്കണം.

റമദാന്‍ വ്രതം ആരംഭിച്ചു, രാജ്യത്തെ വിവിധയിടങ്ങളില്‍ നിന്നുള്ള നോമ്പുതുറ ചിത്രങ്ങള്‍ കാണാം

കോവിഡിന്റെ ആദ്യ തരംഗ വേളയിൽ മാസ്‌ക്കും സാനിട്ടൈസറും ശാരീരിക അകലവുമാണ് കേരളം കാട്ടിയ മാതൃക. അതുകൊണ്ട് കൂടിയാണ് 89 % പേർക്ക് രോഗം പിടികൂടാതിരുന്നത് . ഇപ്പോൾ തർക്കിച്ചു നിൽക്കാനുള്ള സമയമല്ല. രാഷ്ട്രീയ വിമർശനങ്ങൾ ഉണ്ടാകാം. വിമർശനം ഉന്നയിക്കുന്ന രാഷ്ട്രീയക്കാർക്കും പരിശോധനയിലും , വാക്‌സിനേഷനിലും പങ്കെടുത്തും കോവിഡ് മാർഗ്ഗ രേഖ പാലിച്ചും അവർ ഉൾപ്പെടെയുള്ള എല്ലാവർക്കും കോവിഡ് വ്യാപനത്തിൽ നിന്നും സുരക്ഷിതരായി ജീവിക്കാൻ കഴിയും. അതിനായി നമുക്ക് ഒരുമിക്കാം. പകർച്ചാ നിരക്കും മരണ നിരക്കും കൂടിയ രണ്ടാം തരംഗത്തെ അതിജീവിക്കാനുള്ള പോരാട്ടത്തിൽ സിപിഐഎം പ്രവർത്തകരും , ജന പ്രതിനിധികളും മുൻകൈ എടുക്കുക. മറ്റുള്ളവരെ സഹകരിപ്പിക്കുക.

പായൽ രാജ്പുതിൻ്റെ ഏറ്റവും പുതിയ ചിത്രങ്ങൾ കാണാം

Recommended Video