Click it and Unblock the Notifications
Just In
Don't Miss
-
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ശ്രീവിദ്യയുടെ വില്‍പത്രം; ഗണേഷ് കുമാറിനെതിരെ ക്രൈംബ്രാഞ്ച് അന്വേഷണം
തിരുവനന്തപുരം: അന്തരിച്ച പ്രശസ്ത നടി ശ്രീവിദ്യയുടെ വില്‍പത്രവുമായി ബന്ധപ്പെട്ട് മുന്‍ മന്ത്രിയും എംഎല്‍എയുമായ ഗണേഷ് കുമാറിനെതിരെ ക്രൈംബ്രാഞ്ച് അന്വേഷണം. ശ്രീവിദ്യയുടെ വില്‍പത്രം ഗണേഷ് കുമാര്‍ അട്ടിമറിച്ചെന്ന് കാട്ടി ശ്രീവിദ്യയുടെ സഹോദരന്‍ ശങ്കര രാമന്‍ ഗണേഷ് കുമാറിനെതിരെ ആഭ്യന്തരമന്ത്രി രമേഷ് ചെന്നിത്തലയ്ക്ക് പരാതി നല്‍കിയിരുന്നു.
പരാതി പരിഗണിച്ച് രമേശ് ചെന്നിത്തലയാണ് അന്വേഷണത്തിന് ക്രൈംബ്രാഞ്ചിനെ ചുമതലപ്പെടുത്തിയത്. വില്‍പത്രം അട്ടിമറിച്ചെന്ന് കാട്ടി ഗണേഷ് കുമാറിനെതിരെ ലോകായുക്തയിലും പരാതി നല്‍കിയിട്ടുണ്ട്. ലോകായുക്തയില്‍ നല്‍കിയ പരാതിയില്‍ ശങ്കര്‍രാമന്‍ മൊഴി നല്‍കിയിരുന്നു. പാലക്കാട് സ്വദേശി രവീന്ദ്രനാഥനാണ് ലോകായുക്തയില്‍ പരാതി നല്‍കിയത്.
ശ്രീവിദ്യ വില്‍പത്രത്തില്‍ പറയുന്നപ്രകാരം ഗണേഷ് കുമാര്‍ ചുമതലകള്‍ നിറവേറ്റിയില്ലെന്നതാണ് പരാതിക്കിടയാക്കിയത്. സംഗീതത്തിലും നൃത്തത്തിലും പ്രാവീണ്യമുണ്ടായിരുന്ന ശ്രീവിദ്യ സ്വത്തിന്റെ ഒരു ഭാഗം ഉപയോഗിച്ച് സംഗീത നൃത്ത വിദ്യാലയം തുടങ്ങണമെന്ന് വില്‍പത്രത്തില്‍ പറഞ്ഞിട്ടുണ്ട്. കൂടാതെ പാവപ്പെട്ട വിദ്യാര്‍ഥികള്‍ക്ക് ധന സഹായം നല്‍കാനും ഒരുവിഹിതം മാറ്റിവെച്ചു.
ശ്രീവിദ്യയുടെ സഹോദരന്‍ ശങ്കരരാമന്റെ രണ്ട് മക്കള്‍ക്ക് അഞ്ചു ലക്ഷം രൂപ വീതം നല്‍കാനും രണ്ട് ജോലിക്കാര്‍ക്ക് ഒരു ലക്ഷം രൂപ നല്‍കാനും ശ്രീവിദ്യ വില്‍പത്രത്തില്‍ പറഞ്ഞതായാണ് വിവരം. എന്നാല്‍ ശ്രീവിദ്യ മരിച്ച് നാളിതുവരെയായിട്ടും വില്‍പത്രം പ്രകാരമുള്ള ശ്രീവിദ്യയുടെ ആഗ്രഹങ്ങള്‍ നിറവേറ്റിയില്ലെന്ന് സഹോദരന്‍ ശങ്കരരാമന്‍ പറയുന്നു.
