യതീഷ് ചന്ദ്ര ചെയ്തത് ശരി!! പ്രധാന മന്ത്രിക്ക് തീവ്രവാദ ഭീഷണിയുണ്ടായിരുന്നു!! മാധ്യമങ്ങള്‍ക്ക് ശകാരം

  • By: Sooraj
Subscribe to Oneindia Malayalam

കൊച്ചി: പുതുവൈപ്പ് സമരക്കാരെ ക്രൂരമായി മര്‍ദ്ദിച്ചതിനെ തുടര്‍ന്ന് വിവാദത്തിലായ ഡിസിപി യതീഷ് ചന്ദ്രയെ ന്യായീകരിച്ച് ഡിജിപി ടിപി സെന്‍കുമാര്‍ രംഗത്ത്. ഇപ്പോഴത്തെ വിവാദങ്ങള്‍ക്കു മാധ്യമങ്ങളാണെന്നും അദ്ദേഹം കുറ്റപ്പെടുത്തി.

1

പുതുവൈപ്പിലെ പോലീസ് നടപടിയില്‍ യതീഷ് ചന്ദ്ര ഉണ്ടായിരുന്നില്ല. പ്രധാനമന്ത്രി നരേന്ദ്ര വരുന്നതിന്റെ തലേദിവസമാണ് പുതുവൈപ്പ് സമരക്കാര്‍ നഗരത്തിലേക്ക് വന്നത്. പ്രധാനമന്ത്രിയുടെ വാഹനവ്യൂഹത്തിന്റെ ട്രയല്‍ റണ്‍ അപ്പോള്‍ നടക്കുകയായിരുന്നു. ആ സമയത്ത് സുരക്ഷാ ചുമതലയുണ്ടായിരുന്ന യതീഷ് ചന്ദ്ര തന്റെ കര്‍ത്തവ്യം നിര്‍വഹിക്കുകയാണ് ചെയ്തത്. രണ്ടു സംഭവങ്ങളുടെയും വീഡിയോ താന്‍ കണ്ടിരുന്നുവെന്നും സെന്‍കുമാര്‍ പറഞ്ഞു.

2

ആരുടേയും വീട്ടില്‍ കയറിച്ചെന്നിട്ടല്ല യതീഷ് ചന്ദ്ര മര്‍ദ്ദിച്ചത്. മറിച്ച് സമരക്കാര്‍ നഗരത്തിലെത്തി കുഴപ്പുണ്ടാക്കാന്‍ ശ്രമിച്ചപ്പോഴാണ് അവരെ നീക്കം ചെയ്തത്. പ്രധാനമന്ത്രി എത്തിയതിന്റെ തലേ ദിവസം തീവ്രവാദ ഭീഷണിയുണ്ടായിരുന്നുന്നു. അതുകൊണ്ടു തന്നെ സമരക്കാരെ നീക്കം ചെയ്യേണ്ടത് പോലീസിന്റെ കടമയായിരുന്നു. മാധ്യമങ്ങള്‍ ഈ സംഭവവും പുതുവൈപ്പിലെ സമരക്കാര്‍ക്കു നേരെയുണ്ടായതും കൂട്ടിക്കുഴയ്ക്കുകയാണെന്നും അദ്ദേഹം ആരോപിച്ചു

3

ഡിജിപി വിളിച്ച യോഗത്തിലേക്ക് ഡിസിപിയെ ഇന്നു വിളിപ്പിച്ചിരുന്നു. സംഭവത്തെക്കുറിച്ച് വിശദമായി സംസാരിച്ച ശേഷമാണ് സെന്‍കുമാര്‍ മാധ്യമങ്ങള്‍ക്ക് മുന്നില്‍ നിലപാട് വ്യക്തമാക്കിയത്.

English summary
Dgp senkumar support DCP Yatheesh chandra
Please Wait while comments are loading...