കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വീട്ടിലേക്ക് പോകാന്‍ കെഎസ്ആര്‍ടിസി ബസ് കടത്തി, മദ്യലഹരിയില്‍ യുവാവ് ചെയ്തത്, വീഡിയോ കാണൂ

വിദേശത്തായിരുന്ന അലോഷി രണ്ടു ദിവസം മുന്‍പാണ് നാട്ടിലേക്ക് എത്തിയത്.

  • By Nihara
Google Oneindia Malayalam News

കൊല്ലം: വീട്ടില്‍ പോകുന്നതിനായി കെഎസ്ആര്‍ടിസി ബസ് കടത്തിയ സംഭവത്തില്‍ യുവാവിനെ പോലീസ് അറസ്റ്റ് ചെയ്തു. ഞായറാഴ്ച രാത്രി കൊല്ലത്താണ് നാടകീയ സംഭവങ്ങള്‍ അരങ്ങേറിയത്. മദ്യലഹരിയിലായിരുന്ന യുവാവാണ് വീട്ടില്‍ പോകുന്നതിനായി കെഎസ്ആര്‍ടിസി ബസ് കടത്തിയത്.

ആറ്റിങ്ങല്‍ മണമ്പൂര്‍ സ്വദേശി ശിവജ്യോതിയില്‍ അലോഷിയാണ് വീട്ടില്‍ പോകുന്നതിനായി കെഎസ്ആര്‍ടിസി ബസ് എടുത്ത് പോയത്. മദ്യലഹരിയിലായിരുന്നു അലോഷി. വീട്ടില്‍ പോകുന്നതിന് വാഹനം തിരയുന്നതിനിടയിലാണ് സമീപത്ത് നിര്‍ത്തിയിട്ടിരുന്ന കെഎസ്ആര്‍ടിസി ബസ് അലോഷിയുടെ ശ്രദ്ധയില്‍പ്പെട്ടത്. തുടര്‍ന്നാണ് രസകരമായ സംഭവം അരങ്ങേറിയത്.

വീട്ടില്‍ പോകുന്നതിനായി കെഎസ്ആര്‍ടിസി ബസ് കടത്തി

വീട്ടില്‍ പോകുന്നതിനായി കെഎസ്ആര്‍ടിസി ബസ് കടത്തി

മദ്യലഹരിയില്‍ വീട്ടിലേക്ക് പോകുന്നതിനായി വാഹനങ്ങള്‍ തിരയുന്നതിനിടയിലാണ് സമീപത്ത് നിര്‍ത്തിയിട്ടിരുന്ന കെഎസ്ആര്‍ടിസി ശ്രദ്ധയില്‍പ്പെട്ടത്. മറ്റൊന്നും ആലോചിക്കാതെ ആ വണ്ടി തന്നെ തിരഞ്ഞെടുക്കുകയായിരുന്നു.

നിയന്ത്രണം വിട്ട് വൈദ്യുതി പോസ്റ്റില്‍ ഇടിച്ചു

നിയന്ത്രണം വിട്ട് വൈദ്യുതി പോസ്റ്റില്‍ ഇടിച്ചു

കൊല്ലത്തെ ലിങ്ക് റോഡില്‍ സര്‍വീസ് കഴിഞ്ഞ് നിര്‍ത്തിയിട്ടിരുന്ന കണ്ണനല്ലൂര്‍ തിരുവനന്തപുരം ബസ്സാണ് വീട്ടിലേക്ക് പോകുന്നതിനായി അലോഷി തിരഞ്ഞെടുത്തത്. എന്നാല്‍ ചിന്നക്കടയിലെത്തിയതോടെ ബസ് നിയന്ത്രണം വിട്ട് വൈദ്യുതി പോസ്റ്റില്‍ ഇടിക്കുകയായിരുന്നു.

പോലീസ് പിടികൂടി

പോലീസ് പിടികൂടി

നിയന്ത്രണം വിട്ട ബസ് വൈദ്യുതി പോസ്റ്റില്‍ ഇടിച്ചതോടെയാണ് കളി കാര്യമായി മാറിയത് അലോഷിക്ക് മനസ്സിലായത്. സമീപത്തുണ്ടായിരുന്ന പോലീസുകാര്‍ അലോഷിയെ കസ്റ്റഡിയിലെടുക്കുകയും ചെയ്തു.

വീട്ടില്‍ പോകാനാണ് ബസ് എടുത്തത്

വീട്ടില്‍ പോകാനാണ് ബസ് എടുത്തത്

വീട്ടിലേക്ക് പോകുന്നതിനു വേണ്ടിയാണ് കെഎസ്ആര്‍ടിസി ബസ് എടുത്തതെന്ന് ചോദ്യം ചെയ്യലിനിടയില്‍ അലോഷി പോലീസുകാരോട് പറഞ്ഞു. മദ്യലഹരിയിലാണ് അലോഷി ബസ് കടത്തിയതെന്ന് പോലീസ് വ്യക്തമാക്കി.

വിദേശത്തു നിന്നും നാട്ടിലെത്തിയത്

വിദേശത്തു നിന്നും നാട്ടിലെത്തിയത്

വിദേശത്തായിരുന്ന അലോഷി രണ്ടു ദിവസം മുന്‍പാണ് നാട്ടിലേക്കെത്തിയത്. സുഹൃത്തുക്കള്‍ക്കൊപ്പമായിരുന്നു രണ്ടു ദിവസം എന്നും അലോഷി പോലീസിനോട് പറഞ്ഞു.

വൈദ്യപരിശോധനയ്ക്ക് വിധേയമാക്കി

വൈദ്യപരിശോധനയ്ക്ക് വിധേയമാക്കി

ഓട്ടോറിക്ഷാ ഡ്രൈവറായ അലോഷിക്ക് ലോറി ഓടിക്കാന്‍ അറിയാം. മദ്യ ലഹരിയിലാണ് കെഎസ്ആര്‍ടിസി ബസ് കടത്തിയതെന്നും പോലീസ് പറഞ്ഞു. കസ്റ്റഡിയിലെടുത്ത അലോഷിയെ വൈദ്യപരിശോധനയ്ക്ക് വിധേയമാക്കിയിരുന്നു.

English summary
Drunkard youth takes the KSRTC bus for going home.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X