Click it and Unblock the Notifications
Just In
Don't Miss
-
IPL 2024: സ്വിമ്മിങ് പൂളില് സുഹൃത്തിനൊപ്പം ചഹാലിന്റെ ഭാര്യ? വീഡിയോ വൈറല്‍! വസ്തുത ഇതാണ് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
അത് ഭാവനയെന്ന് പറയാന്‍ മടിയില്ല, പേരും ഫോട്ടോയും വരെ പോസ്റ്റ് ചെയ്ത് സിനിമാലോകം... 'അഭിമാനമാണ് ഭാവന'
കൊച്ചി: കഴിഞ്ഞ ദിവസം ആക്രമിക്കപ്പെട്ട സിനിമ താരം ഭാവനയ്ക്ക് പിന്തുണയുമായി സിനിമാ രംഗത്തെ പ്രമുഖര്‍ സോഷ്യല്‍ മീഡിയയില്‍ എത്തി. മാധ്യമങ്ങള്‍ 'പ്രമുഖ നടി' എന്ന് ഉപയോഗിച്ചപ്പോള്‍ സിനിമ മേഖലയിലെ മിക്കവരും ഭാവന എന്ന പേര് തന്നെ ആണ് ഉപയോഗിച്ചത്.
എന്തിനധികം പറയുന്നു, ഭാവനയുടെ ചിത്രം പോലും പിന്തുണയര്‍പ്പിച്ച് പോസ്റ്റ് ചെയ്യുന്നുണ്ട് സിനിമയിലെ സുഹൃത്തുക്കള്‍. പക്ഷേ മറ്റ് പലരും ഇതിലെ പ്രശ്‌നം തിരിച്ചറിയാതെ ചെയ്യുന്നും ഉണ്ട്.
Read also: ആ നടിയുടെ പേര് വെളിപ്പെടുത്തിയത് സിനിമാ താരങ്ങള്‍ തന്നെ... അതിലെന്താണ് തെറ്റ് ?
'അഭിമാനമാണ് ഭാവന' എന്ന ഹാഷ്ടാഗ് ഇപ്പോള്‍ സോഷ്യല്‍ മീഡിയയില്‍ വൈറല്‍ ആയിക്കൊണ്ടിരിക്കുകയാണ്. ആരൊക്കെയാണ് ഭാവനയുടെ പേര് പറഞ്ഞ് പിന്തുണ അര്‍പിച്ചത്....?
ഭാവനയുടെ ചിത്രത്തോട് കൂടിയായിരുന്നു പൃഥ്വിരാജിന്റെ ഫേസ്ബുക്ക് പോസ്റ്റ്. രൂക്ഷമായ പ്രതികരണമാണ് പൃഥ്വിരാജ് നടത്തിയിരിക്കുന്നത്. എന്നാല്‍ ആ പ്രതികരണത്തില്‍ ഭാവനയുടെ ചിത്രം കടന്നുവന്നപ്പോള്‍ പലരംു അത്ഭുതപ്പെട്ടു.
ആക്രമിക്കപ്പെട്ട വിഷയത്തില്‍ ആദ്യം പ്രതികരിച്ച താരങ്ങളില്‍ ഒരാള്‍ റിമ കല്ലിങ്ങലാണ്. മനില സി മോഹന്റെ ഫേസ്ബുക്ക് പോസറ്റ് ഷെയര്‍ ചെയ്തുകൊണ്ട് ഭാവനയ്‌ക്കൊപ്പം എന്ന് പറഞ്ഞായിരുന്നു റിമയുടെ ഫേസ്ബുക്ക് പോസ്റ്റ്.
വൈകാരികമായിട്ടാണ് അനൂപ് മേനോന്റെ ഫേസ്ബുക്ക് പോസ്റ്റ്. എപ്പോഴും ചിരിക്കുന്ന പ്രിയപ്പെട്ട കൂട്ടുകാരിയെ കുറിച്ച് വെറുതേ പറയുകയല്ല. ഈ നാട്ടിലെ ഓരോ പെണ്‍കുട്ടിയ്ക്കും ഭാവനയോട് നന്ദി പറയാനുണ്ടാവും. മൗനത്തിന്റെ മറയില്‍ ഒളിക്കാത്തതിന്, നിനക്കെന്നും പ്രിയപ്പെട്ട നിന്റെ ധൈര്യത്തിന്- ഇങ്ങനെ പറഞ്ഞാണ് അനൂപ് മേനോന്‍ പോസ്റ്റ് അവസാനിപ്പിക്കുന്നത്.
കഴിഞ്ഞ ദിവസം ഈ വാര്‍ത്ത പുറത്ത് വന്നപ്പോള്‍ രാഷ്ട്രീയക്കാര്‍ പലരും പ്രതികരിച്ചിരുന്നു. എന്നാല്‍ അവരില്‍ മിക്കവരും നടിയുടെ പേര് പറഞ്ഞിരുന്നില്ല. പക്ഷേ ബിജെപി അധ്യക്ഷന്‍ കുമ്മനം രാജശേഖരന്‍ ഭാവനയുടെ പേര് പറഞ്ഞത് സോഷ്യല്‍ മീഡിയയില്‍ ചെറിയ തര്‍ക്കങ്ങള്‍ക്ക് വഴിവച്ചിരുന്നു.
'അഭിമാനമാണ് ഭാവന' എന്ന ഹാഷ്ടാഗ് ഇപ്പോള്‍ തന്നെ ഫേസ്ബുക്കില്‍ തരംഗമായിക്കൊണ്ടിരിക്കുകയാണ്. 'അഭിമാനമാണ് ഭാവന... ചെറുക്കുന്ന പെണ്ണിന്റെ' എന്നാണ് പ്രേംകുമാര്‍ തന്റെ ഫേസ്ബുക്ക് പോസ്റ്റില്‍ കുറിച്ചത്.
യുവതാരം ടൊവിനോ തോമസും സോഷ്യല്‍ മീഡിയയില്‍ തന്റെ പ്രതികരണം രേഖപ്പെടുത്തി. അത് കൂടാതെ പൃഥ്വിരാജിന്റെ പോസ്റ്റ് ഷെയര്‍ ചെയ്യുകയും ചെയ്തു.
കഴിഞ്ഞ ദിവസങ്ങളായി സംവിധായകനായ ആഷിക് അബുവും ഭാവന വിഷയത്തില്‍ ശക്തമായ പ്രതികരണങ്ങളാണ് നടത്തുന്നത്. അഭിമാനമാണ് ഭാവന എന്ന ഹാഷ്ടാഗ് കാമ്പയിനില്‍ ആഷിക്കും പങ്കാളിയായി.
സാധാരണ ഗതിയില്‍ ഇത്തരം ആക്രമണങ്ങള്‍ ഉണ്ടാകുമ്പോള്‍ നിശബ്ദത പാലിക്കുന്നവരാണ് ഭൂരിപക്ഷവും. എന്നാല്‍ ഭാവന നിശബ്ദയായില്ല. താന്‍ ആക്രമിക്കപ്പെട്ടുവെന്ന് പോലീസില്‍ പരാതിപ്പെടാന്‍ ഭാവന കാണിച്ച ധീരത വലുത് തന്നെയാണ്. ആ ധീരതയ്ക്കാണ് സല്യൂട്ട്.
സംവിധായകന്‍ ലിജോ ജോസ് പെല്ലിശ്ശേരിയും ഭാവനയുടെ പേരെടുത്ത് പറഞ്ഞാണ് പ്രതികരണം രേഖപ്പെടുത്തിയിട്ടുള്ളത്. ഫേസ്ബുക്കില്‍ വീഡിയോ പ്രതികരണവുമായാണ് ലിജോ എത്തിയത്.
